1 Timoteo 5:17 - Indagano Inyaaya mu-Chijita

¹⁷ Abhakaruka bhanu abhaangarira rikanisa kisi, bhayaanwe echibharo na okukorerwa eja ekisi, chimwichimwi bhanu abheesoosya okuraasya na okwiyigisya.

INDAGANO INYA:YA

¹⁷ Abakaruka banu abatunga kisi, be:ire okuyanwa ecibaro kwiya kabiri, okukira muno ni banu abakome:ra mu kusimura na mu kwiigisya.

1 Timoteo 5:17 Referans Kwoze

Baeburania 13:17

Mugayukega abhatangasya bheemwe na okuruubha jinu abhabharagirira, kwa okubha abheene nibho abhabhanyaakirira okuyigwa wuri. Abheene bharyendwa okweresya emirimu jeebhwe imbere ya Nyamuwanga. Kurwa ejo mubhagayukega, korereki bhakore emirimu jeebhwe nibhakondererwaga. Nawe araabha mukarema okubhagayuka, abhaja okukora emirimu jeebhwe bhasurumbaaye, na emirimu jeebhwe ejo jitaribha na omuriiro gwonegwone kw‑imwe.

Bagalatia 6:6

Omuunu unu keeyigisibhwa omusango gwa Nyamuwanga, ribhona ryaye rinu kaabhona abhe ˆnaagabhira‑ko omwiyigisya waaye oyo.

Ruuka 10:7

Mukakumwa mu‑nju imwi, mwasiga okufuruka okusooka mu‑nju imwi okuja mu‑nju eyindi, nawe mubhe mu‑nju ya okwamba eyo inu ꞉mwingiiye‑mo. Murye ebhiryo bhinu abhaja okubhayaana, kwa okubha omukosi eeyire okuyaanwa omuyeero gwaye.

Baeburania 13:7

Mwichuke abhatangasya bheemwe bhanu bhaariga nibhabheeyigisya omusango gwa Nyamuwanga. Mwiganirisye inguru ya jitungwa jeebhwe kutyo bhaariga bheekaaye, murorerega eriikirisya ryebhwe.

2 Timoteo 2:6

Ka wone, omurimi unu keekomeesya okurima, jiiyire abhe wa okwamba okunogora amatwasyo.

Bafilipi 2:29

Mumuramire mukondeeywe muno kwa okubha ni weejaanyu mu‑kwikirisya Raatabhugenyi Yeesu. Abhaanu rwa oyo mubhayaanega echibharo,

Barumi 12:8

Omuunu unu ayaaywe echiyaanwa cha okusimbiisya abheejaabho, akore kutyo kisikisi. Omuunu unu ayaaywe echiyaanwa cha obhufura ku‑bhaanu, abhakume kwa omwoyo gwone. Omuunu unu ayaaywe echiyaanwa cha obhutangasya, atangasye mu‑bhwikomeesya bhwone. Omuunu unu ayaaywe echiyaanwa cha echigongo, afwire echigongo abhaanu kwa rikonderwa.

Ebikorwa 28:10

Abheenengo nibhachiyaana echibharo echinene muno. Bhunu chaariga chiri yeeyi okwimuka, nibhachituurira mu‑ngarabha bhuri echiinu chinu chaariga nichikena mu‑rugendo rweswe.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

Barumi 16:12

Mukeesye Turufina na Turufoosa. Abhagasi abho abheekomeesya muno okukora emirimu ja Raatabhugenyi Yeesu Kirisito. Ka wone, mukeesye omwendwa waani Perisisi. Omwene wone ni mugasi unu ꞉eekomeesiisye muno okukora emirimu ja Raatabhugenyi Yeesu Kirisito.

Barumi 15:27

Abheene abho ꞉bhaaramuuye okukora kutyo. Nawe ni chimari abhatongwa okubhasakira, kwa okubha abheekirisya bhanu bhatari Bhayawudi bhawumbeene aamwi na Abhayawudi mu‑mabhando ga obhuchungusi bhunu bhusokereeye ku‑Bhayawudi. Kurwa ejo, abheekirisya abho abheendwa bhasakire Abhayawudi kwa ebhiinu bhyebhwe.

Bafilipi 4:3

Noorwo awe omukosi weejaasu omwiyikanyibhwa, enikusabhwa usakire abhagasi abho, korereki bhabhe na obhukarariiye bhumwi. Abho bhoone bhaanyaakaga muno aamwi na anye na Keremeeti na abhakosi bheejaasu abhandi, mu‑kuraasya Emisango ja Ekisi. Amasiina ga abhaanu abho bhoone gakaamirwe mu‑chitabho cha obhuwanga.

1 Bakorinto 16:16

mugayukega abhaanu rwa abho, na abhandi bhoone bhanu abhakora emirimu ejo aamwi nabho mu‑bhwikomeesya.

Ebikorwa 11:30

Nibhakora kutyo, nibhayaana Bharinaabha na Saawuri ebhiyaanwa bhyebhwe, korereki bhabhisire ku‑bhakaruka bha rikanisa rya Yerusareemu.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

1 Timoteo 4:16

Iyangarira awe omwene, inguru ya jitungwa jaawo na ameeyigisyo gaawo na ugenderere okukora kutyo. Ukakora ejo urichunguka awe omwene aamwi na abhaanu bhanu abhakutegeresya.

1 Timoteo 3:5

Okubha omuunu unu atakutura okwimereegururu omusi gwaye kisi, kaatura kutiki okwangarira abheekirisya mw‑ikanisa rya Nyamuwanga?

Bafilipi 2:16

Ka wone muraasisye abhaanu omusango gwa Nyamuwanga gunu ogubhayaana obhuwanga bhwa akajaanende. Mukakora kutyo, niribhona echiinu cha okwikuuyisya ku‑rusuku rurya Kirisito arisubha. Okubha emirimu jinu ꞉naayambeene okukora agatigati yeemwe jaariga jitari ja okufwirwa‑mo.

Matayo 24:25

Mwiyangarire! Naatangata okubhabhwira joone ejo jichaari okukorekana.

Baeburania 13:24

Mukeesye abhatangasya bheemwe bhoone na abheekirisya bhoone bhanu bhari eyo. Abheekirisya okusooka mu‑chaaro cha Yitaariya abhabhakeesya.

1 Timoteo 4:10

Ogwo nigwo ogukora nichiikomeesya na okukora emirimu ku‑managa goone, kwa okubha, echiiyikanya Nyamuwanga omuwanga. Omwene niwe Omuchungusi wa abhaanu bhoone, chimwichimwi bhanu abhamwikirisya.

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

Ebikorwa 20:35

Mu‑joone jinu ꞉naakorere, naariga nimbeeresya ati echikenwa okukora emirimu, korereki chibhone ebhiinu bhya okusakira abhaanu bhanu bhatari na obhuturo. Echikenwa wone okwichuka emisango jinu Raatabhugenyi Yeesu omwene ꞉aayikire, ‘Amabhando maafu ari mu‑kusoosya okukira mu‑kuramira.’”

Yowana 4:38

꞉Naabhatumire okugesa bhinu emwe ꞉mutaanyaakiriiye. Abhaanu abhandi nibho ꞉bhaakorere emirimu joone emikomeeye, nawe woori, emwe neemwe omubhona omuriiro gwa emirimu jeebhwe.”

Ruuka 12:42

Raatabhugenyi Yeesu ˆnaamusubhya ati, “Mbe, ni mubhiiki ki omwiyikanyibhwa na owa obhwengeeso? Ni mubhiiki unu omwami waaye kaawura okubha omwimereegururu omukuru ku‑bhakosi bheejaabho, korereki abhayaane omuyeero gwebhwe ku‑mwanya gwaye.

1 Timoteo 5:3

Uyaane echibharo abhatumbagasi bhanu bharabheeye abhatumbagasi katakata.

1 Timoteo 4:6

Ukeeyigisya abheejaasu bhoone emisango ejo, niwo uribha omukosi wa ekisi wa Kirisito Yeesu. Ka wone, uribhaga urererwe kisi mu‑chimari cha eriikirisya na ameeyigisyo ga ekisi ganu awe uruubhire.

1 Bakorinto 3:9

Enaayika kutyo kwa okubha emirimu jinu anye na Apooro echikora ni ja Nyamuwanga, keemwe muri sambu ryaye, ka wone muri inju yaaye.

1 Timoteo 4:14

Komeera okukorera emirimu echiyaanwa chinu Nyamuwanga akuyaaye ku‑njira ya emisango ja obhuragi na okutuurirwa‑ko amabhoko aamwi na abhakaruka bha rikanisa.

1 Timoteo 5:19

Waasiga okwikirisya okubhuurwa inguru ya omukaruka wa rikanisa, tari ku‑bhubhambaasi bhwa abhaanu bhabhiri amwi bhasatu.