1 Timoteo 5:15 - Indagano Inyaaya mu-Chijita

¹⁵ Okubha abhatumbagasi abhandi bhaamarire okubhura na okuruubha Syetaani.

INDAGANO INYA:YA

¹⁵ Okuba abandi bario woryanu banu baindukire okuru:ba Syetani.

1 Timoteo 5:15 Referans Kwoze

2 Petero 2:2

Ka wone, abhaanu bhaafu bhariruubha jinjira jeebhwe ja orukubho. Ku‑songa ya abheeyigisya abho, injira ya echimari irifumwa.

1 Yoana 2:19

Abhaanu abho, bhaariga bhachiri‑ko, nawe mbachisoka‑ko, kwa okubha bhaariga bhatari na obhumwi bhwa echimari na eswe. Okubha, araabha bhakabheeye na obhumwi obhwo na eswe, bhaakasigaaye kw‑iswe. Nawe ꞉bhaachisookere‑ko, korereki bhaswerurwe abhweru ati bhaariga bhatari na obhumwi bhwa echimari na eswe.

2 Timoteo 4:10

Okubha Deema ꞉eegombere bhya ku‑chaaro kunu, ˆnaansiga ˆnaabhirimira mu‑musi gwa Tesaroonike. Kireseke ꞉aagendere okukorera Nyamuwanga mu‑mukoowa gwa Garaatiya. Nyabhuriko Tiito ꞉aagendere okumukorera mu‑mukoowa gwa Daramaatiya.

1 Timoteo 1:20

Mu‑bhaanu abho ari‑mo Imenaayo na Arekijanda. Abho nibhasigiiye Syetaani korereki bheeyigire, bhasige okufuma Nyamuwanga.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

2 Petero 3:16

Ku‑nyarubha jaaye joone kaayikira emisango ejo. Jiri‑wo emisango ejindi jinu ni bhikomeeye okujisombookerwa ku‑nyarubha jaaye ejo. Emisango ejo, abhaanu bhanu bhatakusombookerwa na bhatarumateene mu‑riikirisya, abhajiyabhya, rwa kutyo abhayabhya Ebhikaame Ebhyeru ebhindi. Mu‑kukora kutyo, abheereterera okusingaarika.

2 Timoteo 2:18

Abho bhabhurire muno, bhasigire echimari. Abhaayika ati obhusuuruko bhwa abhafuuwe bhurakorekeene. Kwa okwiyigisya kutyo abhayabhya eriikirisya rya abhaanu abhandi.

2 Timoteo 1:15

Timoteewo, awe owumenya ati, abhaanu bhoone bha mu‑mukoowa gwa Asiya ꞉bhaansigire. Mu‑abho ari‑mo Fuugero na Erimogeene.

Matayo 4:10

Nawe Yeesu ˆnaamusubhya ati, “Sooka anu, Syetaani! Jikaamirwe mu‑Bhikaame Ebhyeru ati, ‘Uramye Raatabhugenyi Nyamuwanga waawo. Umukorere emirimu omwene era.’”