1 Timoteo 5:10 - Indagano Inyaaya mu-Chijita

¹⁰ Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

INDAGANO INYA:YA

¹⁰ Abe unu ka:ikwa kisi kurwe bikorwa byo bwana, araba arerere aba:na, araba akumire abagenyi, araba aro:sisye ebigere bya be:ru, araba arasakiye banu abanya:sibwa, araba e:kome:sisye mu bikorwa byone byo bwana,

1 Timoteo 5:10 Referans Kwoze

1 Timoteo 6:18

Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Ebikorwa 9:36

Mu‑musi gwa Yoopa aariga ari‑mo omugasi umwi, omwiyigisibhwa wa Raatabhugenyi Yeesu, risiina ryaye aatogwaga Tabhiija, mu‑nyaayika ya Echiyunaani, risiina rinu ni Dorikaasi. Tabhiija aariga ˆnaasakira abhanare, na okukora ebhikorwa ebhindi bhya ekisi.

Tiito 3:1

Ubhe nuwichukya abhaanu bhabhe na echibharo ku‑bhatungi na ku‑bhatangasya bhoone na okubhagayuka. Ni bhusibhusi wone, bhabhega bhatengeejere okukora bhuri echikorwa cha ekisi.

Tiito 2:7

Awe wone, ku‑misango ejo joone, ubhe echijekekanyo cha okwiyikanyibhwa cha ebhikorwa bhya ekisi. Mu‑meeyigisyo gaawo, weeresye echimari na echibharo.

2 Timoteo 3:17

Mbe, Ebhikaame ebhyo ebhikora abhaana bha Nyamuwanga bhabhe bheemariiriiye na bhabhe bhatengeejere okukora ebhikorwa bhya ekisi.

Barumi 12:13

Musakire abheekirisya abheejaanyu mu‑bhukene bhwebhwe, ka wone mubhe bhaangu okukuma kisi abhagenyi mu‑misi jeemwe.

Ruuka 7:44

Yeesu ˆneekebhuukira ˆnaaringira omugasi oyo, ˆnaabhwira Simooni ati, “Owurora omugasi unu? Omwanya gunu neengira mu‑nju yaawo munu, waankuma utanaana amanji ga okwosya amaguru gaani. Nawe omwene, oosya amaguru gaani na amasiga gaaye, na okugafwafuuta kwa jifwiri jaaye.

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

Baeburania 13:21

Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

Baeburania 13:2

Ka wone mugenderere okukuma abhagenyi mu‑nju jeemwe, okubha ku‑njira eyo, abhaanu abhandi ꞉bhaakumire bhamaraayika wa Nyamuwanga okumenya wuri ati ni bhamaraayika.

Baeburania 10:24

Ka wone cheenderwe chisimbiisyanye eswe abheene kwa abheene, korereki cheendane na okukoreraniraga eja ekisi.

Tiito 3:14

Abheejaasu bhoone, bheeyigire okwikomeesye okukora ebhikorwa bhya ekisi, korereki bhabhe na obhuturo bhwa okusakira abhaanu bha obhukene bhwa bhusibhusi. Bhaakakora kutyo obhurame bhwebhwe bhutaribhurwa amatwasyo.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Ruuka 7:38

ˆNeemereeguru ayeeyi ku‑maguru ga Yeesu. ˆNaamba okurira, amasiga gaaye gaariga nigatonyikira ku‑maguru ga Yeesu. Aamufwafuutaga amasiga ago na jifwiri jaaye, ˆnaabhuusu amaguru ga Yeesu na okugabhambaga amafuta aga ebhirange.

3 Yoana 1:12

Abhaanu bhoone abhakuuya Demetiriiyo, abhaayika ati ni muunu wa ekisi. Kaaruubha echimari cha Nyamuwanga mu‑bhurame bhwaye. Noorwo eswe wone, echaayika ati ni muunu wa ekisi. Awe omwene, owumenya ati obhubhambaasi bhweswe ni bhwa echimari.

1 Petero 4:9

Mubhega abhafura emwe abheene kwa abheene mutajujuuma wuri.

2 Timoteo 3:15

Okusookerera ku‑bhwana bhwawo owumenya Ebhikaame Ebhyeru. Ebhikaame ebhyo ebhikuyaana obhuturo bhwa okusombookerwa ati obhuchungusi obhubhonekana kwa okwikirisya Kirisito Yeesu.

2 Timoteo 2:21

Woori, omuunu aakeeyesya na okusigana na ameeyigisyo geebhwe, kaabha rwa echiinu cha okukorera emirimu ja echibharo chinu chaawuuywe, aribhaga eeyire ku‑Raatabhugenyi waaye. Omuunu oyo aribhaga emariiriiye okukora ebhikorwa bhya ekisi.

2 Timoteo 1:5

Ka wone, eniichuka eriikirisya ryawo rya echimari. Eriikirisya eryo, aariga ari naryo kaka waanyu Royisi na nyakomwana Yewuniki. Woori, niri na obhwiyikanyo ati awe wone uri naryo.

1 Timoteo 5:25

Kutyokutyo, ebhikorwa bhya ekisi ebhibhonekana abhweru. Nyabhuriko bhinu bhiiserekere, bhirituurwa abhweru.

1 Timoteo 2:10

Tari, bhakore ebhikorwa bhya ekisi, bhinu bhiiyire ku‑bhagasi bhanu bheekirisiisye okuramya Nyamuwanga.

Bakolosai 1:10

Niwo muritura okurama rwa kutyo Raatabhugenyi Yeesu keenda na okumukondisya ku‑misango joone. Obhurame bhwemwe bhurimukondisya inguru ya emirimu jeemwe ja ekisi, ka wone murigenderera okukura mu‑kumenya Nyamuwanga.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Ebikorwa 22:12

“Damaasiko awo, aariga ari‑wo omuunu umwi, risiina ryaye aatogwaga Ananiiya. Omwene aariga ˆneekomeesya muno okugayuka ebhiraagiro bhyeswe. Ka wone, Abhayawudi abhaafu bheende eyo bhaamukuuyaga ati aariga ari muunu wa ekisi.

Ebikorwa 10:22

Nibhamubhwira ati, “Chaatumwa na omwangarisi umwi wa abhasirikare, risiina ryaye ni Koroneeriyo. Omwene ni muunu wa obhurengeresi na kaagayuka Nyamuwanga, ka wone kaakuuyibhwa na Abhayawudi bhoone ati ni muunu wa ekisi. ꞉Aabhwiriiywe na maraayika omweru ati, akukume iika ewaaye, korereki ategeresye emisango jinu owuja okumubhwira.”

Ebikorwa 9:39

Mbe, Peetero ˆneemuka, ˆnaagenda aamwi nabho. Omwanya gunu ꞉bhaakingire Yoopa, nibhamusira mu‑chisago echo. Omwo abhatumbagasi bhaafu nibhabha ayeeyi nage nibhariraga na okumweresya emingiro na emyenda ejindi jinu Tabhiija aariga abhabhaririiye omwanya gwa obhuwanga bhwaye.

Ebikorwa 6:3

Woori, abhayiri bhaasu, mwawure abhaanu bhataanu na bhabhiri bha echirume agati yeemwe, abha jitungwa ja kisi, bhanu bheejuuywe Mwoyo Mweru na obhwengeeso. Abho echija okubhayaana emirimu ejo,

1 Timoteo 5:16

Araabha omugasi omwikirisya ari na abhatumbagasi mu‑bhayiri bhaaye, abhasakire, korereki rikanisa risige okusitoyerwa. Kutyo, rikanisa riribha na omwanya gwa okusakira abhatumbagasi abhandi bhanu bhatari na obhusakisi.

1 Timoteo 3:7

Tari, abhe omuunu unu kaayikwa kisi noorwo na bhanyateekirisya, korereki aasiga okwayikwa kubhiibhi na okukomwa mu‑rutuura rwa Syetaani.

1 Timoteo 3:2

Mbe, bhuri mwangarisi wa rikanisa, abhe omuunu unu atari‑ko esoro. Abhe murume wa omugasi umwi era, abhe omwiyingirisi, ka wone abhe na obhwengeeso, omuunu unu kaayaanwa echibharo, omufura na abhe omuunu unu kaamenya okwiyigisya.

Matayo 25:17

Kutyokutyo, omugaya unu ꞉aayaaywe jitaranta ebhiri, ˆnaagenda okukora ebhyasara na okubhona jitaranta ejindi ebhiri.