1 Timoteo 5:1 - Indagano Inyaaya mu-Chijita

¹ Waasiga okugonya omukaruka, tari umutongere rwa kutyo owutongera esomwana. Abhasigaji ubhatongere rwa abhamura bhaanyu,

INDAGANO INYA:YA

¹ Utagonyaga mukaruka, nawe wamuremberesya rwesomwana, na bamura rwa ba:na banyu,

1 Timoteo 5:1 Referans Kwoze

Tiito 2:2

Iyigisya abhakaruka, bhabhe abheeyingirisi, bhabhe bha echibharo, bhabhe na obhwengeeso, bhabhe bharumateene chimwichimwi mu‑riikirisya, mu‑ryenda na mu‑bhwigumiirisya.

1 Petero 5:1

Woori, enaayika na emwe abhakaruka bha rikanisa. Anye niri omukaruka oweejaanyu, unu ꞉neeroreeye omwene kutyo Kirisito ꞉aanyaasiibhwe. Ka wone, anye niri omusangisi oweejaanyu wa rikusyo rinu riri yeeyi okuswerurwa. Kurwa ejo, enibheerembeeresya emwe,

Bagalatia 6:1

Abhayiri bhaani mu‑riikirisya, araabha mukamenya ati oweejaanyu aakora echibhiibhi, emwe bhanu omutangasibhwa na Mwoyo Mweru, mumusubhye ku‑tungwa ja ekisi. Mukore kutyo mu‑mwoyo gwa obhworooro. Nawe mwiyangarire, mwasiga okusakwa na okubha na jitungwa rwa jaaye.

Tiito 2:6

Nyabhuriko abhasigaji, ubhasimbiisye korereki bheeyingirirega.

Matayo 23:8

“Nawe emwe, musige okwikirisya okubhirikirwa, ‘omwiyigisya,’ kwa okubha muri na Omwiyigisya umwi era, na emwe bhoone muri bhayiri.

1 Timoteo 5:17

Abhakaruka bhanu abhaangarira rikanisa kisi, bhayaanwe echibharo na okukorerwa eja ekisi, chimwichimwi bhanu abheesoosya okuraasya na okwiyigisya.

Barumi 13:7

Kurwa ejo, mukorerega abhatangasya abho emisango jinu bheeyire okukorerwa. Araabha omutongwa rigooti, mbe mutobhe rigooti eryo. Araabha omutongwa obhusuru, mbe muriye obhusuru obhwo. Araabha omwendwa okuyaana omuunu echibharo, mbe mumuyaane echibharo.

Ebikorwa 15:4

Pawuro na abheejaabho abho, omwanya gunu ꞉bhaakingire Yerusareemu, nibhakumwa kisi na jitumwa ja Yeesu, aamwi na abhakaruka na abheekirisya bha rikanisa. Pawuro na abheejaabho nibhabhabhwira joone jinu Nyamuwanga ꞉aakorere, okutura ku‑bheene.

Ebikorwa 14:23

Pawuro na Bharinaabha nibhasora abhakaruka mu‑bhuri rikanisa. Mu‑kwiyima okurya na okubhasabhirwa, nibhabhatuura mu‑mabhoko ga Raatabhugenyi Yeesu, unu ꞉bheekirisiisye.

Obhusweruro 4:4

Ka wone, echitebhe cha ingʼoma echo chaariga chisingiywe na ebhitebhe ebhindi makumi gabhiri na bhina bhya obhutungi. Ku‑bhitebhe ebhyo, bhaariga bheenyanjire‑ko abhakaruka makumi gabhiri na bhana. Abhakaruka abho, bhaariga bhafwaye emyenda emyeru na ku‑mitwe jeebhwe bhaariga bhafwaye jitengya ja inaaryo.

3 Yoana 1:1

Anye omukaruka waawo mu‑riikirisya, enikukaamira awe Gaayo omwendwa waani. Chimari nikwendere.

2 Yoana 1:1

Anye omukaruka weemwe mu‑riikirisya, enikukaamira awe omusubhaati omwendwa unu usorerwe na Nyamuwanga, aamwi na abhaana bhaawo. Ni chimari nibheendere bhoone. Nitari anye omwene era unu nibheendere, tari na abhaanu bhoone bhanu abhamenya echimari.

Yakobo 5:14

Angu ari‑wo omurwaye mw‑imwe? Oyo kaakenwa abhirikire abhakaruka bha rikanisa, bhaaje bhamusabhirwe na okumubhambaga amafuta kw‑isiina rya Raatabhugenyi Yeesu.

Yakobo 3:17

Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

Ebikorwa 20:17

Omwanya gunu Pawuro aariga ari Mireeto awo, ˆnaabhirikira abhakaruka bha rikanisa rya Yefeeso bhabhugane nage.

Ebikorwa 15:6

Mbe, jitumwa ja Yeesu ejo na abhakaruka abho, nibhakora echiina korereki bhatatirisye kisi omusango ogwo.

1 Timoteo 5:2

abhakwekuru ubhatongere rwa bhaanyokomwana na abhayarakaji ubhatongere rwa abhayara bhaanyu. Ukore kutyo kwa omutima omweru.