Biblia Todo Logo
Bib sou entènèt

- Piblisite -




1 Timoteo 4:7 - Indagano Inyaaya mu-Chijita

7 Awe usige chimwi jingani ja abhaanu bha kara jinu jitari na obhugajuro bhwonebhwone, nawe wiikomeesye siku joone okwikara rwa kutyo Nyamuwanga keenda.

Gade chapit la Kopi

INDAGANO INYA:YA

7 Uremega jinsumo jimbi:bi ne je cikwekuru. Nuwinasyega oku:baya Nyamuanga.

Gade chapit la Kopi




1 Timoteo 4:7
20 Referans Kwoze  

Ubhagaanye bhasige okugwatira jingani ja kara jinu jitari na obhugajuro na okwinyaasya na emiroobho ja amasiina ga bhasaaja ganu gatari na obhuteero. Emisango ejo joone ejireeta jimamba era, jitakusakira abhaanu okwikirisya Nyamuwanga, rwa kutyo bhuri obhutinge bhwaye bhwa okuchungura abhaanu.


Wiikenge na emisango emijabhi jinu jitari na obhugajuro bhwonebhwone na jinu jitakuyaana Nyamuwanga rikusyo. Okubha ejo ejisoosya abhaanu ku‑mwene nijibhasira kura muno.


Obhwitiriranya obhwo, obhuchiiyigisya okurema ebhibhiibhi na obhurigire bhwa echaaro, korereki chirame obhurame bhwa okwiyingirira, bhwa obhurengeresi na obhwa okuramya Nyamuwanga ku‑chaaro cha woori chinu.


Nawe, wiikenge jimamba ja obhutaamutaamu, emiroobho ja amasiina ga bhasaaja, inyombo na riremo inguru ya ebhiraagiro bhya Muusa. Mu‑misango ejo joone gutari‑mo omuriiro gwonegwone.


Nawe abhaanu abhakuru, abho abharya ebhiryo bhikomeeye. Abhaanu abho bheeyigiiye okusoosya obhutaasyanya bhwa emisango ja ekisi na emibhiibhi.


Nawe wiikenge na jimamba ja echitaamutaamu, kwa okubha jitari‑mo omuriiro na owumenya ati ejo ejiibhura inyombo.


Bharisiga okutegeresya echimari echo na bhariruubha jingani ja abhaanu bha kara jinu jitari na obhugajuro bhwonebhwone.


Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.


Kurwa ejo, eniikomeesya siku joone okubha na omutima omweru imbere ya Nyamuwanga na imbere ya abhaanu.


Timoteewo wangarire kisi echimari chinu Nyamuwanga akuyaaye. Wiikenge na emisango emijabhi jinu jitari na obhugajuro na jimamba ja echitaamutaamu, kwa okubha bhitakureeta echibharo ku‑Nyamuwanga. Abhaanu abhandi, abhatoga emisango ejo ati ni obhusombookerwa, nawe chimari bhutari obhusombookerwa.


Bhasige okutegeresya jingani ja Echiyawudi jinu jitari na obhugajuro bhwonebhwone na amaragiriro ga abhaanu bhanu bhasigire echimari.


Nyabhuriko, bhoone bhanu abheekirisya Kirisito Yeesu na abhakena okurama na okuramya Nyamuwanga, bharinyaasibhwa.


Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.


Tari, bhakore ebhikorwa bhya ekisi, bhinu bhiiyire ku‑bhagasi bhanu bheekirisiisye okuramya Nyamuwanga.


Wone jiiyire okumenya ati, ebhiraagiro bhitateeywe‑wo inguru ya abharengeresi, tari inguru ya bhanu abhanyamura ebhiraagiro na inguru ya bhanyatagayuka, ku‑bhanu bhatakuramya Nyamuwanga na ku‑bhakosi bha ebhibhiibhi, ku‑bhanu bhatari na mitima myeru na ku‑bhajabhi, ku‑bhanu abheeta bheesemwene, bhanyiramwene na ku‑bheeti bha abhaanu,


Jimenyekeene ati, “Okunasya omubhiri okubhona amanaga, kuri‑mo omuriiro mutooto era. Tari, okwikomeesya okwikara rwa kutyo Nyamuwanga keenda, kuri‑mo omuriiro gwa bhuri mbaga, kwa okubha rinu erichiyaana omurago gwa okubhona obhuwanga bhwa woori na bhunu bhuriija.”


Bhari‑wo abhaanu bhanu abheeyigisya ameeyigisyo ga orubheeyi. Abheeyigisya ameeyigisyo ganu gatakwikirisyanya na ameeyigisyo ga echimari ga Raatabhugenyi weeswe Yeesu Kirisito, ka wone gatakwikirisyanya na ameeyigisyo ganu agasakira abhaanu okwikara rwa kutyo Nyamuwanga keenda.


ka wone nijo ejinyamura obhungwani siku joone. Abhaanu abho obhwenge bhwebhwe bhunyamukire, bhatari‑mo echimari mu‑myoyo jeebhwe. Abheetogera ati okwikara rwa kutyo Nyamuwanga keenda niyo injira ya okubhona obhuniibhi.


Abhaanu abho anja abhabhonekana ati abheekara rwa kutyo Nyamuwanga keenda, nawe mu‑myoyo jeebhwe abheegaana amanaga ga Nyamuwanga ganu agatura okuyindura jitungwa jeebhwe. Ikenga na abhaanu bha jitungwa ja ejaabho ejo.


Swiv nou:

Piblisite


Piblisite