1 Timoteo 4:4 - Indagano Inyaaya mu-Chijita

⁴ Ebhiinu bhyone bhinu Nyamuwanga abhumbire ni bhya kisi, noorwo chitari‑wo echiinu choonechoone cha okuremwa. Nawe Nyamuwanga asiimwe inguru ya ebhyo bhyone,

INDAGANO INYA:YA

⁴ Okuba cinu co:ne cayangirwe na Nyamuanga ni ca kisi, amwi citario ca kuremwa, cikaramirwa no kusi:ma.

1 Timoteo 4:4 Referans Kwoze

Barumi 14:20

Waasiga okunyamura emirimu ja Nyamuwanga kwa okurya ebhiryo bhyonebhyone bhinu oweenda. Chimari, ebhiryo bhyone ebhiikirisibhwa okuriibhwa, nawe ni chikayo ku‑muunu okurya ebhiryo bhinu ebhitura okukongya oweejaabho akore gunu kaarora ati ni chibhiibhi mu‑meeso ga Nyamuwanga.

1 Bakorinto 10:25

Murye inyama yooneyoone inu eyigusibhwa mw‑iguriro kubhusirisyabhusirisya wuri, korereki mwasiga okunyaaka mu‑mitima jeemwe,

Barumi 14:14

Okuruubhana na ameeyigisyo ga Raatabhugenyi Yeesu, enimenya chimari ati, bhitari‑wo ebhiryo bhyonebhyone ebhijabhi. Nawe araabha omuunu kaarora ati ebhiryo ebhirebhe ni bhijabhi, awo niwo ebhiryo ebhyo bhyabha ebhijabhi ku‑mwene.

1 Bakorinto 10:23

Abhaanu abhandi agati yeemwe abhaayika ati, “Chiikirisiibhwe okukora bhuri chiinu chinu echeenda.” Nawe anye enaayika ati, jitari ati emisango joone jiri na omuriiro. Ka wone abhaayika ati, “Chiikirisiibhwe okukora bhuri chiinu chinu echeenda.” Nawe anye enaayika ati, jitari ati emisango joone ejisakira eriikirisya ryeswe rirumatane.

Ebikorwa 21:25

Nawe ku‑rubhaara rwa abhaanu bhanu bhatari Bhayawudi, bhanu abheekirisya Yeesu, ꞉chaabhakaamiiye inyarubha rwa kutyo ꞉chaaramuuye. ꞉Chaaramuuye ati, bhasige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa, na okukora obhuromesi.”

1 Timoteo 4:3

Abhaanu abho ku‑meeyigisyo geebhwe, abhayingirira abhaanu bhasige okutwara, amwi bhasige okurya ebhiryo ebhirebhe. Nawe Nyamuwanga ꞉aabhibhumbire korereki abheekirisya bhabhiramire, bhamusiime na okubhirya kwa okubha abheene abhamenya echimari.

Ebikorwa 15:29

Musige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa na okukora obhuromesi. Araabha mukasigana na ejo, niwo omubha mukorere kisi. Jibhe kutyo.”

Ebikorwa 10:15

Obhuraka obhwo nibhubhwira Peetero ati, “Nuusige okubhirikira ebhiinu bhinu Nyamuwanga eesiisye, ati ni bhijabhi.”

Barumi 14:6

Omuunu unu kaarora ati orusuku orurebhe ruri na obhugajuro okukira jisiku ejindi, kaakora kutyo kwa okubha keenda okukondisya Raatabhugenyi Yeesu. Owundi unu kaarya choonechoone chirya, kaakora kutyo korereki akondisye Raatabhugenyi Yeesu, kwa okubha kaarya enu ˆnaasiimaga Nyamuwanga. Owundi unu kaarya emikubhi era, kaakora kutyo kwa okubha keenda okukondisya Raatabhugenyi Yeesu. Oyo wone kaasiima Nyamuwanga.

1 Bakorinto 10:26

kwa okubha jikaamirwe mu‑Bhikaame Ebhyeru ati, “Echaaro aamwi na ebhiinu bhyone bhinu bhiri‑mo ni bhya Raatabhugenyi.”

1 Bakorinto 10:30

Araabha anye enirya ebhiryo ebhyo mu‑kusiima Nyamuwanga, kurwa ki nifumwe ku‑songa ya ebhiryo bhinu naasiima Nyamuwanga?