1 Timoteo 4:3 - Indagano Inyaaya mu-Chijita

³ Abhaanu abho ku‑meeyigisyo geebhwe, abhayingirira abhaanu bhasige okutwara, amwi bhasige okurya ebhiryo ebhirebhe. Nawe Nyamuwanga ꞉aabhibhumbire korereki abheekirisya bhabhiramire, bhamusiime na okubhirya kwa okubha abheene abhamenya echimari.

INDAGANO INYA:YA

³ Nibaingirira aba:nu okutwara, nibaingirira okurya ebiryo, binu Nyamuanga akorere biribwega mu kusi:ma na banu abe:kirisva na banu bamenyere ebye cimari.

1 Timoteo 4:3 Referans Kwoze

1 Timoteo 4:4

Ebhiinu bhyone bhinu Nyamuwanga abhumbire ni bhya kisi, noorwo chitari‑wo echiinu choonechoone cha okuremwa. Nawe Nyamuwanga asiimwe inguru ya ebhyo bhyone,

Baeburania 13:4

Obhutwarwa bhwenderwe bhuyaanwe echibharo na abhaanu bhoone. Omurume na omugasi bheekengega obhuromesi, kwa okubha Nyamuwanga ariramura abhasengani na abharomesi.

Barumi 14:6

Omuunu unu kaarora ati orusuku orurebhe ruri na obhugajuro okukira jisiku ejindi, kaakora kutyo kwa okubha keenda okukondisya Raatabhugenyi Yeesu. Owundi unu kaarya choonechoone chirya, kaakora kutyo korereki akondisye Raatabhugenyi Yeesu, kwa okubha kaarya enu ˆnaasiimaga Nyamuwanga. Owundi unu kaarya emikubhi era, kaakora kutyo kwa okubha keenda okukondisya Raatabhugenyi Yeesu. Oyo wone kaasiima Nyamuwanga.

Bakolosai 2:16

Mbe, omuunu woonewoone aasiga okubharamura kwa okubha omurya ebhiryo na okunywa ebhinywebhwa ebhirebhe bhinu abhaayika ni misiro, amwi kwa okubha mutakuruubha obhusimukwa bhwa jichikukuru ja obhuregesi bhwebhwe, amwi ichikukuru ya okwesi okubhonekana, amwi orusuku rwa Isabhaato.

1 Bakorinto 8:8

Woori, ebhiryo bhitakukora chibhe ayeeyi na Nyamuwanga, kwa okubha noorwo chikasiga okurya, chitakugerukirwa‑ko echiinu, ka wone noorwo chikarya, chitakwongesibhwa‑ko echiinu.

Bakolosai 3:17

Omusango gwonegwone gunu omwayika, amwi echiinu choonechoone chinu omukora, mubhikore kw‑isiina rya Raatabhugenyi Yeesu, nimusiimaga Raata Nyamuwanga okutura ku‑mwene.

1 Bakorinto 7:28

Nawe noorwo araabha ukatwara, owubha utakorere echibhiibhi. Omuyarakaji wone, araabha akatwarwa, kaabha atakorere echibhiibhi. Tari, bhanu bhatwareene bharibha na jinyaako mu‑bhurame bhunu. Anye naakeendere jinyaako rwa ejo jaasiga okubhabhona.

Barumi 14:3

Omuunu unu kaarya choonechoone chirya, aasiga okugaya owundi unu kaarya emikubhi era. Omuunu unu kaarya emikubhi era, wone aasiga okuramura owundi unu kaarya choonechoone chirya, kwa okubha Nyamuwanga aamukuma rwa kutyo ari.

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

1 Timoteo 2:4

Nyamuwanga keenda abhaanu bhoone bhachungurwe na okumenya echimari.

1 Bakorinto 6:13

Abhandi agati yeemwe abhaayika ati, “Ebhiryo ni inguru ya inda, na inda ni inguru ya ebhiryo.” Nikwo kutyo jiri, nawe Nyamuwanga arinyamura bhyone bhibhiri. Omubhiri ꞉gutaabhumbirwe inguru ya okukora obhuromesi, tari inguru ya okukorera Raatabhugenyi emirimu, Raatabhugenyi omwene niwe kaangarira omubhiri.

Barumi 14:17

Okubha emisango ja bhusibhusi mu‑bhukama bhwa Nyamuwanga kutari kurya amwi okunywa, nawe ni kukora eja obhurengeresi imbere ya Nyamuwanga, okubha na omurembe na rikonderwa. Ejo joone ejiturikana ku‑bhusakisi bhwa Mwoyo Mweru.

Matayo 15:36

ˆNaagega emikaate etaanu na ebhiri jirya na ebhiswi bhirya, ˆnaasiima Nyamuwanga. Neeya, ˆnaabhibheganya, ˆnaayaana abheeyigisibhwa bhaaye, abheene wone nibhagabhira abhaanu.

Matayo 14:19

Mbe, ˆnaaragirira abhaanu bharya ati, bheenyanje aasi ku‑bhunyaasi. ˆNaagega emikaate etaanu jirya na jiiswi ebhiri jirya, ˆnaaragamira ku‑rwire, ˆnaasiima Nyamuwanga. Neeya, ˆnaabheganya emikaate jirya, ˆnaayaana abheeyigisibhwa bhaaye, abheene wone nibhagabhira abhaanu emikaate aamwi na jiiswi ejo.

Ebikorwa 27:35

Ejire aamara okwayika kutyo, ˆnaagega omukaate, ˆnaasoosya risiima ku‑Nyamuwanga imbere yeebhwe bhoone, ˆnaagubheganya, ˆnaamba okurya.

Yowana 6:23

Niwo, abhaanu abhandi nibhaaja na jingama okusooka mu‑musi gwa Tibheeriyo, nibhakinga anu echise cha abhaanu ꞉bhaariiye emikaate, omwanya gunu Raatabhugenyi Yeesu ꞉aamarire okusiima Nyamuwanga.

Ruuka 24:30

Omwanya gunu ꞉bhaategere inenda okurya ebhiryo, Yeesu ˆnaagega omukaate, ˆnaasiima Nyamuwanga, ˆnaagubheganya, ˆnaabhayaana.

Matayo 15:11

“Muntegeresye kisi na okusombookerwa emisango jinu enibhabhwira! Bhitari ebhiinu bhinu ebhiingira mu‑kanwa bhinu ebhijabhiyasya omuunu. Tari, emisango jinu ejisooka mu‑kanwa kaaye, nijo ejimujabhiyasya.”

1 Timoteo 5:14

Woori, anye enikena abhatumbagasi abhasigaji, bhabhe nibhatwarwa, bheebhure abhaana na okwangarira jinyuumba jeebhwe abheene, korereki abhasoko bheeswe bhaasiga okuchayika kubhiibhi.