1 Timoteo 4:16 - Indagano Inyaaya mu-Chijita

¹⁶ Iyangarira awe omwene, inguru ya jitungwa jaawo na ameeyigisyo gaawo na ugenderere okukora kutyo. Ukakora ejo urichunguka awe omwene aamwi na abhaanu bhanu abhakutegeresya.

INDAGANO INYA:YA

¹⁶ Wiyame omwene no kwiigisya kwao. Nuwikome:sye mwibyo, okuba ukakora kutyo, uri:wonya omwene na banu abakungwa.

1 Timoteo 4:16 Referans Kwoze

Tiito 1:9

Abhe na eriikirisya rinu rirumateene ku‑misango ja echimari inguru ya Yeesu Kirisito, rwa kutyo ꞉eeyigisiibhwe. Niwo omwene wone, kaatura okusimbiisya abhaanu abhandi ku‑meeyigisyo ga echimari na okugonya abhaanu bhanu abhaayika emibhiibhi inguru ya ameeyigisyo ago.

Tiito 2:7

Awe wone, ku‑misango ejo joone, ubhe echijekekanyo cha okwiyikanyibhwa cha ebhikorwa bhya ekisi. Mu‑meeyigisyo gaawo, weeresye echimari na echibharo.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

Baeburania 12:15

Mwiyangarirega, korereki omuunu woonewoone aasiga okugerukirwa obhwitiriranya bhwa Nyamuwanga. Ka wone, aasiga okwibhuka omuunu agati yeemwe unu ari rwa riiti riruru. Omuunu rwa oyo kaja okubhanyaasya, na okujabhiyasya abhaanu bhaafu.

2 Timoteo 3:14

Nawe awe genderera okuruubhirisya jinu ꞉bhaakwiyigisiisye nuujiikirisya ati ni ja echimari. Okubha ubhamenyere kisi bhoone bhanu ꞉weeyigiiye‑ko.

Ruuka 21:34

“Mwikenge! Emyoyo jeemwe jaasiga okwisigomba kukora jitungwa jimbiibhi, obhunanamba, obhukorwa, na echibhabhuko cha obhurame. Mukarema okutengeeja, orusuku rwa okusubha anye Omwana wa Omuunu ruribhatakya!

1 Timoteo 4:6

Ukeeyigisya abheejaasu bhoone emisango ejo, niwo uribha omukosi wa ekisi wa Kirisito Yeesu. Ka wone, uribhaga urererwe kisi mu‑chimari cha eriikirisya na ameeyigisyo ga ekisi ganu awe uruubhire.

1 Timoteo 1:3

Omwanya gunu ꞉neemukire okugenda mu‑mukoowa gwa Makedooniya, ꞉naakusabhirwe ubhe mu‑musi gwa Yefeeso. ꞉Naakusabhirwe ukore kutyo korereki ugonye abhaanu bhanu abheeyigisya ameeyigisyo ga orubheeyi.

Barumi 16:17

Woori, abhayiri bhaani, enibhakomeeresya ati, mwikengega abhaanu bhanu ameeyigisyo geebhwe agakora abheekirisya bhaawukane makijumakiju, ka wone aganyamura eriikirisya na akatungiiywe keebhwe. Mubhe kura nabho, kwa okubha ameeyigisyo geebhwe agataasyanya na ganu ꞉mweeyigisiibhwe.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

1 Bakorinto 9:27

Tari eninyaasya na okunasya omubhiri gwani okwigumiirisya, korereki nikamara okuraasisya abhaanu Emisango ja Ekisi, anye omwene naasiga okuremwa imbere ya Nyamuwanga.

Ebikorwa 6:4

korereki eswe chibhone omwanya gwa okusabhwa Nyamuwanga na okwiyigisya abhaanu omusango gwaye.”

Mariko 13:9

“Nawe emwe, mwiyangarire muno. Abhaanu bharibhasira mu‑maramuriro, ka wone bharibhasira mu‑nju ja ameekofyanyo geebhwe na okubhabhuma kubhiibhi. Bharibhasira imbere ya abhatungi bha Echiruumi na abhakama bha Echiyawudi ku‑songa yaani. Murikenwa okubha abhabhambaasi bhaani imbere ya abhatungi na abhakama abho.

Yakobo 5:20

mumenye ati, unu kaasubhya owa ebhibhiibhi okusooka mu‑bhibhiibhi bhyaye, kaabha awoniisye omwoyo gwa omuunu oyo okusooka mu‑rufu na okufwirwa echigongo ebhibhiibhi bhyaye ebhyafu.

Tiito 2:15

Mbe, iyigisya abhaanu emisango ejo, bhasimbiisye na okubhagonya ku‑bhuturo bhwone. Ka wone, omuunu woonewoone asige okukugaya.

Bakolosai 4:17

Mubhwire Arikipo ati, akuumisye kisi emirimu jinu Raatabhugenyi amuyaaye.

1 Bakorinto 9:22

Ku‑bhanu bhari bhajorobhoke, naariga niri mujorobhoke, korereki nibhasakire bheekirisye Kirisito. ꞉Naakorere joone ku‑bhaanu bhoone, korereki ku‑njira yooneyoone irya nichungure‑ko abhaanu abharebhe ku‑bheene.

Barumi 11:14

niniiyikanya ati, amwi okutura emirimu jaani ejo, Abhayisirayeeri bheejaasu bharyungwa obhwiro bhwa okubhona obhuchungusi rwa kutyo emwe ꞉mwabhubhwene, korereki abhaanu abharebhe mu‑bheene wone bhachunguke.

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

Ebikorwa 26:22

Nawe, Nyamuwanga ꞉aansakiiye okukingira orusuku rwa reero. Akorere niniimereeguru anu imbere ya abhaanu bhoone, abhakuru na abharera, korereki okusoosya obhubhambaasi. Emisango jinu enaayika, nijo jirya era Muusa na abharagi abhandi ꞉bhaayikire ati jirikorekana.

Filemoni 1:19

Anye Pawuro, naakaama kwa okubhoko kwani omwene ati, nirikuriya. Nitakukena okukwichukya ati enikutonga, kwa okubha okuruubhana na okuraasya kwani, awe ꞉waachungukire.

1 Batesalonika 2:16

kwa okubha abhachiyingirira okuraasya Emisango ja Ekisi ku‑bhaanu bhanu bhatari Bhayawudi. Bhatakwenda abhaanu abho bhachunguke. Nikwo kutyo, abhagenderera okukuumisya ebhibhiibhi bhyebhwe bhinu abhakora bhuri rusuku. Nawe, risungu rya Nyamuwanga ryabhakingiiye!

1 Bakorinto 1:21

Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

1 Timoteo 4:15

Wiikomeeresye okukora ejo mu‑mutima gwawo gwone, korereki abhaanu bhoone bharore amagenderero gaawo.