1 Timoteo 3:3 - Indagano Inyaaya mu-Chijita

³ Asige okubha omukorwa, asige okubha omurwani, tari abhe mworooro, abhe omwendi wa omurembe na asige okubha na inamba imbiibhi ya okubhona jipirya.

INDAGANO INYA:YA

³ atari mukorwa, atari mubumi, nawe ni mwororo, atari muyombi, atakurigira mpirya.

1 Timoteo 3:3 Referans Kwoze

Tiito 1:7

Okubha omukaruka wa rikanisa, ni mwangarisi wa emirimu ja Nyamuwanga. Kutyo, kaakenʼywa abhe muunu unu atari‑ko esoro. Asige okubha na echigundu, asige okubha na risungu, asige okubha omukorwa, asige okubha omurwani, ka wone asige okubha na inamba imbiibhi ya okubhona jipirya.

Tiito 3:2

Bhatongere bhasige okufuma omuunu woonewoone, bhasigega okuyomba, bhabhe na jitungwa ja ekisi na bhabhe bhoorooro muno ku‑bhaanu bhoone.

Baefeso 5:18

Ka wone musige obhukorwa kwa okubha obhureterera obhunyamuke, tari mwijusibhwe Mwoyo Mweru,

1 Timoteo 3:8

Abhasakisi bha rikanisa wone, bhabhe na jitungwa ja ekisi, bhasige okubha abhabheeyi, bhasige okubha abhakorwa, bhasige okubha na inamba imbiibhi ya okubhona jipirya.

Yakobo 4:1

Riremo na inyombo bhinu bhiri mw‑imwe ebhisooka aaki? Angu, bhitakusooka mu‑kurigira kwemwe okubhiibhi kunu okukora riremo mu‑bhiwuga bhyemwe?

1 Petero 5:2

mubhe abhareefi bha ekisi ku‑bheekirisya bhanu ꞉mwayaaywe na Nyamuwanga. Ka wone, mubhaangarire mu‑mutima gwa ekisi, kutari kwa okusinyiirisibhwa, kutyo nikwo Nyamuwanga keenda. Musige okukora emirimu jeemwe kwa okurigira jipirya, tari okusooka mu‑mitima jeemwe joone.

Baeburania 13:5

Mwasiga okubha na jitungwa ja okwenda jipirya, tari mwiywega na ebhiinu bhinu muri nabhyo, okubha Nyamuwanga omwene ꞉aayikire ati, “Nitarikusiga noorwo nitari kurabhirwa wuri.”

Tiito 2:3

Kutyokutyo abhakwekuru wone, ubheeyigisye bhabhe na jitungwa jinu ejikusya Nyamuwanga. Bhasige okubha abharomi bha abhaanu, bhasige okubha abhakorwa, tari abhakenwa bheeyigisye ameeyigisyo ga ekisi.

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Yuuda 1:11

Jiribhabhona, kwa okubha bharuubhire orugere rwa Kayini na okukora ebhibhiibhi. Bheeyingisiisye mu‑chikayo, korereki bhabhone ribhona, rwa kutyo Bharaamu ꞉aakorere. Bharisingaarika inguru ya bhunyatagayuka bhwebhwe, rwa kutyo Koora ꞉aasingaarikire inguru ya bhunyatagayuka bhwaye.

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

Tiito 1:11

Abho abhasingaarisya eriikirisya rya abhaanu mu‑misi myafu. Abheeyigisya emisango jinu jiteeyire, korereki bheebhonere jipirya ku‑njira imbiibhi eyo.

1 Batesalonika 5:14

Emwe, abhayiri bheeswe, echibheerembeeresya mugonye abharenga na musimbiisye bhoone bhanu bhafuuwe emitima. Ka wone musakire bhanu bhatari na amanaga na mubhe na obhwigumiirisya ku‑bhaanu bhoone.

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

Ebikorwa 20:33

꞉Niteegombere jipirya ja omuunu woonewoone, noorwo inaaryo, noorwo emyenda jaaye.

Matayo 21:13

Yeesu ˆnaabhabhwira ati, “Jikaamirwe mu‑Bhikaame Ebhyeru ati, ‘Inju yaani iribha inju ya risabhwa.’ Nawe emwe, muyikorere okubha isenga ya abhasaakusi!”

2 Timoteo 3:2

Omwanya ogwo, abhaanu bharibhaga nibheeyenda abheene, bharibhaga nibheegomba jiyera, bharibhaga abha orwikuuya, bharibhaga abha echigundu, bharibhaga abhafumi, bharibhaga bhatakuyaana abheebhusi bheebhwe echibharo, bhataribha na risiima, bhataribha na emitima myeru.