1 Timoteo 3:13 - Indagano Inyaaya mu-Chijita

¹³ Okubha abhasakisi bhanu abhakora kisi emirimu ja obhusakisi, abheebhonera echibharo. Wone, abhabhona ebhaasi nene rya okuraasya emisango ja eriikirisya ryebhwe mu‑Kirisito Yeesu.

INDAGANO INYA:YA

¹³ Okuba banu abakora kisi emirimu jo bufurubendi, nibo ababona ecibaro, no buba:si bwafu mu kwikirisya kunu kuri mu Kristo Yesu.

1 Timoteo 3:13 Referans Kwoze

Matayo 25:21

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Baeburania 6:10

Nyamuwanga ni murengeresi, atakutura okurabhirwa ebhikorwa bhya ekisi bhinu mukorere. Ka wone atakutura okurabhirwa eryenda rinu ꞉mweresiisye inguru yaaye ku‑njira ya okusakira abheekirisya abheejaanyu okusookerera ku‑bhwambiro okukingira woori.

2 Timoteo 2:1

Woori awe omwana waani, ubhe na amanaga mu‑bhwitiriranya bhunu echibhona kwa okwikirisya Kirisito Yeesu.

1 Batesalonika 2:2

Ka wone mumenyere ati omwanya gunu chaariga chichaari okukinga kw‑imwe, ꞉chaanyaasiibhwe muno na okufumwa mu‑musi gurya gwa Firiipi. Noorwo kw‑imwe ꞉chaayingiriiywe muno, nawe Nyamuwanga weeswe ꞉aachiyaaye ribhaasi rya okubharaasisya Emisango ja Ekisi.

Bafilipi 1:14

Aamwi na ejo, enimenya ati okubhoywa kwani kunu, kukorere abheekirisya abheejaasu bhaafu bhasimbiisiibhwe emyoyo na Raatabhugenyi Yeesu. Kurwa ejo, bhari na ribhaasi okuraasisya abhaanu abhandi omusango gwa Nyamuwanga, okuubhaya wuri.

1 Bakorinto 16:15

Abhayiri bhaani mu‑riikirisya, mumenyere ati Sitefwana aamwi na abhaanu bha iika ewaaye, nibho bhaariga bhari bha okwamba okwikirisya Yeesu Kirisito mu‑mukoowa gwa Akaaya, bheesoosya wone okusakira abheekirisya. Kutyo, enibheerembeeresya,

Ebikorwa 21:35

Pawuro, ejire aakinga ku‑njegwe ya mu‑runengo orwo, abhasirikare abho nibhamubhatura ingurunguru, korereki bhamuwonʼye ku‑songa ya injogere ya abhaanu bharya.

Ebikorwa 6:15

Abhaanu bhoone mw‑ibharaja rikuru awo, nibhamuringiraga Tefwano nekeneke, nibharora obhusu bhwaye nibhususana na obhusu bhwa maraayika.

Ebikorwa 6:8

Tefwano oyo, Nyamuwanga aariga amuyaaye ribhando enene, na amanaga maafu. Nikwo okukora aakoraga ebhiruguusyo na ebhibharikisyo mu‑bhaanu.

Ebikorwa 6:5

Obhuramusi obhwo nibhukondera abheeyigisibhwa abho bhoone. Nibhasora Tefwano, omuunu unu eejuuywe Mwoyo Mweru na owa eriikirisya enene. Nibhasora na Firipo, Porokoro, Nikanoori, Timooni, Paarimeena, na Nikorawo wa Atiyookiya, unu kara awo ꞉aafurukiiye mu‑diini ya Echiyawudi.

Ruuka 19:17

Omukama oyo, ˆnaamubhwira ati, ‘Ukorere kisi, omugaya waani omwiyikanyibhwa! Okubha waabha omwiyikanyibhwa ku‑misango emitooto, woori owuja okubha omutungi inguru ya emisi ekumi.’

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

1 Timoteo 3:14

Enikukaamira inyarubha inu, noorwo kutyo eniiyikanya okuuja kw‑awe omwanya gutari mureera.