1 Timoteo 2:6 - Indagano Inyaaya mu-Chijita

⁶ Omwene ꞉aasoosiisye obhurame bhwaye, korereki eerure abhaanu bhoone. Bhunu nibhwo obhubhambaasi bhunu Nyamuwanga ꞉aachiyaaye ku‑mwanya gunu ꞉aateeye‑wo.

INDAGANO INYA:YA

⁶ unu e:tegereyo acungure bo:ne, orusingiro rubeo mu mwanya gwarwo.

1 Timoteo 2:6 Referans Kwoze

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

Bagalatia 4:4

Nawe jisiku jinu jaariga jiteeywe‑wo jejire jaakuumira, Nyamuwanga ˆnaatuma Omwana waaye ku‑chaaro chinu. Omwana waaye oyo, ꞉eebhuuywe na omugasi rwa eswe, ˆnaatungwa na ebhiraagiro bhya Muusa.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

1 Yoana 4:10

Rinu niryo eryenda, jitari ati, eswe ꞉chaatangatire okwenda Nyamuwanga. Tari omwene niwe ꞉aatangatire okucheenda eswe. Nikwo okukora ˆnaatuma Omwana waaye, abhe echoogo cha okusoosya‑wo ebhibhiibhi bhyeswe na okuchigwatanya na Nyamuwanga.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

1 Bakorinto 1:6

Ejo ejeeresya ati emisango inguru ya Kirisito jinu ꞉chaabharaasisiisye ni ja chimari.

1 Timoteo 6:15

Aribha gwakinga omwanya gunu Nyamuwanga ateeye‑wo, arituma rindi Yeesu Kirisito ku‑chaaro. Nyamuwanga niwe kaakusibhwa, omwene era niwe owa obhuturo, Omukama wa abhakama na Raatabhugenyi wa bharaatabhugenyi.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

Tiito 1:3

Omwanya gwejire gwakuumira, Nyamuwanga ꞉aaramuuye okuswerura abhweru Emisango jaaye ja Ekisi. Nyamuwanga Omuchungusi weeswe, ku‑chiraagiro chaaye, anaaye omurimu gwa okuraasya emisango ejo.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Barumi 5:6

Mbe, omwanya gunu eswe chaariga chitari na amanaga, Kirisito ꞉eejire ˆnaachifwira eswe abhajabhi, ku‑mwanya gunu ꞉gwateeywe‑wo.

Yowana 10:15

rwa kutyo Raata ammenyere, anye wone nimumenyere kisi. Anye enisoosya obhuwanga bhwani inguru ya jinaama jaani.

Yowana 6:51

Anye naanye ebhiryo bhinu bhiikire okusooka mu‑rwire, bhinu ebhiyaana abhaanu obhuwanga bhwa akajaanende koone. Omuunu woonewoone unu kaarya ebhiryo ebhyo, kaabha na obhuwanga bhwa akajaanende koone. Ebhiryo ebhyo ni mubhiri gwani gunu nirisoosya inguru ya abhaanu bhoone bha ku‑chaaro kunu, korereki bhabhe na obhuwanga bhwa akajaanende koone.”

Mariko 10:45

Noorwo anye Omwana wa Omuunu, ꞉niteejire okukorerwa, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.

Baeburania 9:12

Omwene ꞉eengiiye rumwi era Ayeeru a Ayeeru. ꞉Ateengiiye eyo na orwamba rwa jimbusi amwi rwa ebhinyara, tari ꞉eengiiye eyo na isagama yaaye omwene, korereki acheerure akajaanende koone.

2 Timoteo 1:8

Woori, waasiga okwiswara okwayika inguru ya Raatabhugenyi weeswe, amwi okwiswara kwa okubha niri mw‑ibhoyero ku‑songa yaaye. Nawe, igumiirisya mu‑bhinyaasyo aamwi na anye, inguru ya okubhwira abhaanu Emisango ja Ekisi, okwingana na amanaga ganu Nyamuwanga kaakuyaana.

2 Batesalonika 1:10

Indamu eyo, irikorekana orusuku runu Raatabhugenyi ariija. Ariija korereki abheeru bhaaye bhoone bhanu bhamwikirisiisye, bhamukusye na okumuyaana echibharo. Emwe wone muribha agati yeebhwe, kwa okubha mwikirisiisye emisango jinu ꞉chaabhabhwiriiye.

Barumi 16:26

nawe woori, bhwatuurwa abhweru. Okutura mu‑Bhikaame Ebhyeru bhya abharagi, obhutinge obhwo, obhumenyekana ku‑bhaanu bha amaanga goone ku‑chaaro. Nyamuwanga wa akajaanende koone, niwe aaragirira ati obhutinge obhwo bhuraasibhwe ku‑bhaanu bhoone, korereki abho wone bheekirisye na okugayuka Raatabhugenyi Yeesu.

Baefeso 1:17

Enisabhwa Nyamuwanga wa Raatabhugenyi weeswe Yeesu Kirisito, Raata owa rikusyo, abhayaane obhwengeeso bhwa echinyamwoyo na okwiswerura kw‑imwe, korereki mumusombookerwe muno.

Baefeso 1:7

Okubha ku‑sagama ya Kirisito cheeruuywe, nikwo okufwirwa echigongo ebhibhiibhi bhyeswe bhyone. Ku‑njira eyo, Nyamuwanga ꞉aacheeresiisye obhuniibhi bhwafu muno bhwa obhwitiriranya bhwaye.

Baefeso 3:5

Nyamuwanga ꞉ataasweruuye obhutinge bhwa imbisike eyo, ku‑mayimbo agandi ganu gaayitingʼene, nawe woori ku‑njira ya Mwoyo Mweru asweruriiye jitumwa na abharagi bhaaye abheeru.

Mariko 1:15

Aaraasyaga, ˆnaayikaga ati, “Omwanya gunu ꞉gwaragirwe, gwakinga, obhukama bhwa Nyamuwanga bhuri yeeyi. Mbe, mute ebhibhiibhi bhyemwe ku‑Nyamuwanga na okwikirisya Emisango ja Ekisi ejo.”

Bagalatia 1:4

Kirisito ꞉aasoosiisye obhurame bhwaye, inguru ya okusoosya‑wo ebhibhiibhi bhyeswe, korereki achichungure okusooka mu‑bhibhiibhi bhyone bhya echaaro chinu cha woori. ꞉Aakorere kutyo, okuruubhana na okwenda kwa Nyamuwanga Raata weeswe.