1 Timoteo 1:20 - Indagano Inyaaya mu-Chijita

²⁰ Mu‑bhaanu abho ari‑mo Imenaayo na Arekijanda. Abho nibhasigiiye Syetaani korereki bheeyigire, bhasige okufuma Nyamuwanga.

INDAGANO INYA:YA

²⁰ Mwabo niwe Humenayo na Alekisanda, banu nayae Syetani, korereki be:igisibwe basigega kufuma.

1 Timoteo 1:20 Referans Kwoze

2 Timoteo 2:17

Ameeyigisyo geebhwe agaswirana rwa echironda chinyabhagunire. Mu‑bheene abho bhari‑mo Imenaayo na Fireeto.

1 Bakorinto 11:32

Nawe woori, omwanya gunu echiramurwa na Raatabhugenyi, awo niwo echibha nichitongerwa, korereki Nyamuwanga aasiga okuchiramura rwa kutyo ariramura abhaanu bhanu bhatakumumenya.

2 Batesalonika 3:15

Nawe musige okumurora rwa omusoko, tari mumugonye rwa omuyiri weemwe.

Obhusweruro 3:19

Anye, enigonya na okufyetura jisimbo abhaanu bhoone bhanu eneenda. Mbe, mwikomeesye na okuta ebhibhiibhi bhyemwe.

Ebikorwa 19:33

Abharebhe mu‑chise echo nibheetogera ati injogere yaariga iri inguru ya Arekijanda kwa okubha Abhayawudi, ꞉bhaamukuuriiye imbere ya abhaanu abho. Arekijanda aariga ari na omusango gwa okwayika. Niwo, ˆnaabhawungisya okubhoko ati bhajibhire, kwa okubha aariga ˆnaakena okureeta obhwibhagisi imbere yeebhwe.

Obhusweruro 13:1

Nejire neeya, nindora rityanyi nirisooka mu‑nyanja. Rityanyi eryo, ryariga riri na emitwe etaanu na ebhiri na amayembe ekumi, na bhuri riyembe ryariga riri na orutengya. Bhuri mutwe gwariga gukaamirwe‑ko risiina rya okufumirisya Nyamuwanga.

2 Timoteo 3:2

Omwanya ogwo, abhaanu bharibhaga nibheeyenda abheene, bharibhaga nibheegomba jiyera, bharibhaga abha orwikuuya, bharibhaga abha echigundu, bharibhaga abhafumi, bharibhaga bhatakuyaana abheebhusi bheebhwe echibharo, bhataribha na risiima, bhataribha na emitima myeru.

2 Timoteo 2:14

Wiichukye abheekirisya emisango ejo. Ubharagirire imbere ya Nyamuwanga, bhasige okubhambasyanya inguru ya emisango emitoototooto. Jimamba ejo jitari‑mo omuriiro, tari ejinyamura bhanu abhoongwa.

2 Bakorinto 10:6

Omwanya gunu muribhaga mugayukire chimwi, niwo eswe chiribhaga chiimaririiye okuyaana ebhitiibha emisango joone jinu jitari ja okugayuka.

Ebikorwa 13:45

Nawe omwanya gunu abhatangasya bha Abhayawudi ꞉bhaarorere echise echinene cha abhaanu, nibhabha na orwiso muno. Niwo nibharema jinu Pawuro aayikaga, enu nibhamufumaga.

2 Bakorinto 13:10

Enibhakaamira emisango jinu nichaari okubhaaja‑ko eyo, korereki omwanya gunu niribhaaja‑ko, naasiga okusongʼana emisango jinu jirireterera nibhe omururu kabhukabhu kw‑imwe noorwo okukingira okukorera emirimu obhuturo bhunu Raatabhugenyi ꞉aanaaye. Obhuturo obhwo, bhutari bhwa okubhanyamura, tari ni bhwa okubharumatanya mu‑riikirisya.

Matayo 18:17

Araabha akarema okubhoongwa, ugende ubhwire rikanisa. Araabha akarema okuungwa rikanisa, umurore wuti munyamanga amwi wuti mutobhesya wa rigooti.

1 Timoteo 5:15

Okubha abhatumbagasi abhandi bhaamarire okubhura na okuruubha Syetaani.

Baeburania 12:5

Angu, murabhiiywe emisango ja okusimbiisya omwoyo jinu Nyamuwanga ꞉aabhabhwiriiye emwe bhanu muri bhaana bhaaye? Nyamuwanga ꞉aayikire ati, “Omwana waani, waasiga okugaya jinu Raatabhugenyi waawo kaakukengya. Siga okufwa omutima omwanya gunu kaakugonya.