1 Timoteo 1:17 - Indagano Inyaaya mu-Chijita

¹⁷ Nyamuwanga niwe omukama unu atari na obhuteero, atakufwa na atakubhonekana, atari‑wo owundi rwa omwene. Omwene ayaanwe echibharo na rikusyo akajaanende koone. Jibhe kutyo.

INDAGANO INYA:YA

¹⁷ Mbe, Omukama wa kajanende, Unu atakubora, ka Unu atakuboneka, niwe Nyamuanga umwi enyere, niwe ayabwega cibaro na rikusyo kajanende na kajanende.

1 Timoteo 1:17 Referans Kwoze

Yuuda 1:25

Omwene niwe Nyamuwanga era, niwe Omuchungusi weeswe okutura ku‑Yeesu Kirisito Raatabhugenyi weeswe. Nyamuwanga akusibhwe muno, kwa okubha omwene ari na rikusyo, obhukuru, amanaga na obhuturo, okwambira kara, woori, noorwo akajaanende koone. Jibhe kutyo.

Obhusweruro 19:1

Ejo jejire jaawa, ninuungwa obhuraka obhunene rwa bhwa echise echinene mu‑rwire eyo. Obhuraka obhwo bhwayikaga ati, “Nyamuwanga akusibhwe! Obhuchungusi, rikusyo na amanaga ni bhya Nyamuwanga weeswe,

Obhusweruro 17:14

Bharigwatana na rityanyi eryo, okukora riremo na Omwana wa Inaama. Nawe Omwana wa Inaama aribhayiga, kwa okubha omwene niwe Raatabhugenyi wa bharaatabhugenyi na Omukama wa abhakama. Bhanu bhari aamwi nage nibho bhabhirikiiywe na okusorwa na Nyamuwanga, abheene ni bheeyikanyibhwa.”

Bakolosai 1:15

Omwana keeresya abhwerubhweru kutyo Nyamuwanga ari, noorwo kutyo Nyamuwanga omwene atakubhonekana. Omwene ari na obhuturo inguru ya ebhibhumbwa bhyone.

Obhusweruro 19:16

Ku‑mwingiro gwaye gunu guswikiiye ribhaajwa ryaye, rikaamirwe‑ko risiina rinu, Omukama wa abhakama na Raatabhugenyi wa bharaatabhugenyi.

Barumi 1:23

Bhasigire okuramya Nyamuwanga wa akajaanende koone, abharamya amasusano ga abhaanu bhanu abhafwa, amwi jityanyi, jinyonyi amwi jityanyi ejindi jinu ejiikurura.

Obhusweruro 19:6

Nejire neeya, ninuungwa obhuraka rwa obhwa echise echinene. Obhuraka obhwo bhworeraga rwa amanji amaafu ganu agooromoka. Ka wone, bhwariga bhuri rwa obhuraka bhunene bhwa ribharuka rinu eribharuka. Nibhwayika ati, “Nyamuwanga akusibhwe! Okubha Raatabhugenyi Nyamuwanga weeswe owa obhuturo bhwone niwe kaatunga.

1 Yoana 4:12

Atari‑wo omuunu woonewoone unu arabhuganyiisye ameeso na Nyamuwanga. Nawe araabha chikeendana, Nyamuwanga ari na obhumwi na eswe. Ka wone eryenda ryaye eryo, niryo erikuumira mu‑myoyo jeeswe.

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Obhusweruro 15:3

Abhaanu abho bhaariga nibheemba orwimbo rwa Muusa, omukosi wa Nyamuwanga. Orwimbo orwoorwo nirwo rwa Omwana wa Inaama. Bheembaga ati, “Raatabhugenyi awe Nyamuwanga owa obhuturo bhwone, ebhikorwa bhyawo ni bhikuru na ebhya okuruguusya. Awe, niwe Omukama wa amaanga goone, na jinjira jaawo ni ja obhurengeresi na ja echimari.

Obhusweruro 7:12

nibhaayikaga ati, “Jibhe kutyo! Jikuma na rikusyo, obhwengeeso na risiima, echibharo na obhuturo na amanaga bhiri ku‑Nyamuwanga weeswe akajaanende koone. Jibhe kutyo!”

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.

1 Petero 5:11

Nyamuwanga niwe ari na obhuturo akajaanende koone! Jibhe kutyo.

Baeburania 11:27

Eriikirisya niryo ꞉ryakorere Muusa ˆnaasooka mu‑chaaro cha Miisiri, okuubhaya wuri risungu rya omukama. ꞉Eegumiirisiisye kwa okubha aariga ari wuti kaarora Nyamuwanga unu atakubhonekana.

Barumi 16:27

Nyamuwanga wenyere niwe owa obhwengeeso bhwone. Omwene niwe akusibhwega akajaanende koone, ku‑njira ya Yeesu Kirisito! Jibhe kutyo.

Barumi 11:36

Nyamuwanga niwe ꞉aabhumbire ebhiinu bhyone. Okutura ku‑mwene ebhiinu bhyone ebhigenderera okubha‑wo, na ebhiinu bhyone bhiri‑wo inguru ya rikusyo ryaye. Nyamuwanga akusibhwe akajaanende koone! Jibhe kutyo.

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

Barumi 1:20

Ku‑bhwambiro awo, Nyamuwanga ꞉aabhumbire ebhiinu bhyone. Okwambira omwanya ogwo, abhaanu abhatura okumenya kutyo Nyamuwanga ari, noorwo kutyo bhatakumurora. Ebhiinu bhinu ꞉aabhumbire ebhyeresya obhuturo bhwaye bhwa akajaanende, ka wone omwene niwe Nyamuwanga era, atari‑wo owundi wuri. Kurwa ejo, abhaanu bhatakutura okwayika ati bhatakumenya Nyamuwanga.

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Yowana 5:44

Emwe mwendere okukuuyibhwa na abheejaanyu, nawe mutakwikomeesya okuyenja echibharo chinu echisooka ku‑Nyamuwanga omwene. Woori, omutura kutiki okunyikirisya?

Barumi 2:10

Nawe abhaanu bhoone bhanu abhakora emisango ja ekisi, bharibha na jikuma, echibharo na omurembe, okwambira ku‑Bhayawudi okukingira ku‑bhaanu bhanu bhatari Bhayawudi.

Baeburania 2:7

꞉Waakorere omuunu okubha omutooto okukira bhamaraayika ku‑mwanya mufuyi era. Nawe woori umuyaaye rikusyo na echibharo,