1 Timoteo 1:14 - Indagano Inyaaya mu-Chijita

¹⁴ Chimari, Raatabhugenyi weeswe Kirisito Yeesu ꞉aanyitiriiye obhwitiriranya bhwafu muno. Ka wone, ꞉aanaaye eriikirisya na eryenda mu‑kubha na obhumwi nage.

INDAGANO INYA:YA

¹⁴ Nawe ecigongo ca Ratabugenyi niciongesya okufura aamwi no kwikirisya no kwenda, binu biri mu Kristo Yesu.

1 Timoteo 1:14 Referans Kwoze

2 Timoteo 1:13

Ugwate kisi ameeyigisyo ga echimari ganu ꞉naakwiyigisiisye. Wiyigisye ago, ubhe echijekekanyo cha eriikirisya na eryenda bhinu ebhibhonekana kwa okwikirisya Kirisito Yeesu.

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

1 Petero 1:3

Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.

Barumi 16:20

Nyamuwanga unu kaabhayaana omurembe, arifwonyorera aasi Syetaani bhwangu, na okubhayaana obhuyigi inguru yaaye. Obhwitiriranya bhwa Raatabhugenyi weeswe Yeesu Kirisito bhubhe aamwi na emwe. [Jibhe kutyo.]

1 Yoana 4:10

Rinu niryo eryenda, jitari ati, eswe ꞉chaatangatire okwenda Nyamuwanga. Tari omwene niwe ꞉aatangatire okucheenda eswe. Nikwo okukora ˆnaatuma Omwana waaye, abhe echoogo cha okusoosya‑wo ebhibhiibhi bhyeswe na okuchigwatanya na Nyamuwanga.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

Obhusweruro 22:21

Obhwitiriranya bhwa Raatabhugenyi Yeesu bhubhe aamwi na emwe bhoone. Jibhe kutyo.

1 Batesalonika 5:8

Nawe eswe, chiri bhaana bha mu‑mwisi, kurwa ejo chiyingirire. Eriikirisya na eryenda bhibhe mu‑myoyo jeeswe. Okubha ebhiinu ebhyo, bhiri rwa ingubha ya echuuma ku‑bhifubha bhyeswe. Chiiyikanye wone ati, Nyamuwanga arichichungura, niwo echibha wuti chifwaye ingofiira ya echuuma ku‑mitwe.

Ebikorwa 15:11

Eswe echiikirisya ati ni bhwitiriranya bhwa Raatabhugenyi weeswe Yeesu Kirisito era nibhwo obhuchichungura na obhwitiriranya obhwoobhwo obhubhachungura abheene wone.”

1 Bakorinto 3:10

Nyamuwanga ku‑bhwitiriranya bhwaye aansakira okuumbaka orufuka rwa omuumbaki wa ekisi na owa obhwengeeso, na omuunu owundi koombaka inguru ya orufuka orwo. Nawe woori, bhuri muunu aangarire kisi, kutyo koombaka inguru yaarwo,

2 Bakorinto 4:15

Emisango joone jinu echibhona, ni inguru yeemwe, korereki obhwitiriranya bhwa Nyamuwanga bhukingire abhaanu bhaafu muno, bhasiime muno Nyamuwanga. Ku‑gwo, Nyamuwanga arigenderera okukusibhwa.

Bagalatia 1:13

Ni chimari ati mwonguuwe kutyo jitungwa jaani jaariga jiri mwanya gunu naariga nindwanirira idiini yaani ya Echiyawudi. Mumenyere wone kutyo ꞉naanyaasiisye muno rikanisa rya Nyamuwanga, keenu ninkenaga okurisingaarisya chimwi.

1 Timoteo 2:15

Nawe omugasi arichungurwa ku‑njira ya orwibhuro rwaye, akagenderera okwikomeesya mu‑riikirisya, mu‑ryenda, mu‑bhweru na okwiyingirira.

1 Timoteo 4:12

Omuunu woonewoone asige okukugaya, kwa okubha ati uchaari musigaji, tari wiikomeesye okubha echijekekanyo cha ekisi ku‑bheekirisya mu‑nyaayika, mu‑tungwa, mu‑ryenda, mu‑riikirisya na mu‑bhwima.

1 Timoteo 6:11

Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.

2 Timoteo 2:22

Wiiruke obhurigire bhwa echisigaji, uruubhega rirenga, eriikirisya, eryenda na omurembe. Ugwatirire ejo, aamwi na bhoone bhanu abhasabhwa Raatabhugenyi kwa omutima omweru.

Tiito 2:2

Iyigisya abhakaruka, bhabhe abheeyingirisi, bhabhe bha echibharo, bhabhe na obhwengeeso, bhabhe bharumateene chimwichimwi mu‑riikirisya, mu‑ryenda na mu‑bhwigumiirisya.

Matayo 20:9

“Niwo abhakosi bhanu ꞉bhaambire emirimu keegoro, nibhaaja nibhayaanwa omuyeero gwa orusuku rumwi.