1 Petero 4:2 - Indagano Inyaaya mu-Chijita

² Ku‑njira eyo, jisiku jaaye joone jinu jisigaaye omwene okwikara ku‑chaaro kunu, ariikara rwa kutyo Nyamuwanga keenda, kutari okuruubha obhurigire bhwa echinyamuunu.

INDAGANO INYA:YA

² Mukore kutyo korereki mumare ji:siku jemwe mu mubiri jinu jicasigaeo, tari rwa kutyo aba:nu abarigira, nawe rwa kutyo Nyamuanga kenda.

1 Petero 4:2 Referans Kwoze

1 Petero 1:14

Emwe muri bhaana bha Nyamuwanga. Mbe woori, mumugayuke, musige okuruubha rindi okurigira kunu mwariga muri nakwo muchaari okumenya Emisago ja Ekisi inguru ya Yeesu Kirisito.

Baefeso 6:6

Mubhagayukega, itari ku‑mwanya gunu abhabharora, muri rwa abhaanu bhanu abheekondya, tari mukuumisyega okwenda kwa Nyamuwanga kwa mwoyo gwone, rwa abhakosi bha Kirisito.

Barumi 6:11

Emwe wone, mubhega nimwirora wuti ꞉mwafuuwe aamwi nage, na echibhiibhi chitakutura okubhatunga rindi. Kutyokutyo, mubhega nimwirora wuti woori muri bhaanga, na muramire inguru ya Nyamuwanga, kwa okubha na obhumwi na Kirisito Yeesu.

2 Bakorinto 5:15

Omuunu oyo ꞉aafuuwe inguru ya abhaanu bhoone, korereki bhanu bharamire, bhasige okurama inguru yeebhwe abheene, tari bharame inguru ya unu ꞉aafuuwe na okusuuruka inguru yeebhwe.

Baefeso 2:3

Omwanya ogwoogwo eswe bhoone wone, chaariga nichikora rwa kutyo abhaanu bhanu bhatakugayuka Nyamuwanga bhaakoraga. Chaakoraga rwa kutyo emibhiri jeeswe na obhwiganirisya bhweswe bhyendaga. Okuruubhana na jitungwa jeeswe jimbiibhi ja obhusimukwa, risungu rya Nyamuwanga ryekaga inguru yeeswe rwa ku‑bhaanu abhandi bhoone.

Barumi 6:2

Wuri, noorwo na akatyari! Eswe chaabha rwa abhafuuwe ku‑misango ja okukora ebhibhiibhi. Kurwa ejo, chitakutura okugenderera okwikara rindi mu‑bhibhiibhi.

Baefeso 4:17

Mbe, enibhakengya na okubharagirira kw‑isiina rya Raatabhugenyi ati, okwambira woori musige okurama rwa abhaanu bhanu bhatakumenya Nyamuwanga kutyo bharamire mu‑bhwiganirisya obhubhiibhi.

Barumi 14:7

Enaayika kutyo, kwa okubha atari‑wo omuunu mw‑iswe unu kaarama inguru yaaye omwene, noorwo unu kaafwa inguru yaaye omwene.

1 Petero 2:1

Mbe, musige obhujabhi bhwone, obhujigi bhwone, obhwirimaanya, orwiso noorwo okuroma oweejaanyu.

Yowana 7:17

Omuunu woonewoone unu keenda okukora kutyo Nyamuwanga keenda, oyo kaja okusombookerwa ati, ameeyigisyo gaani gasookere ku‑Nyamuwanga. Ka wone kaja okusombookerwa ati, nitakwayika ku‑bhuturo bhwani omwene.

Mariko 7:21

Mu‑mwoyo gwa omuunu nimwo obhusooka obhwiganirisya obhubhiibhi, obhusengani,

Mariko 3:35

Omuunu woonewoone unu kaakora okwenda kwa Nyamuwanga, oyo niwe omumura waasu, maayi na omuyara waasu.”

1 Yoana 2:17

Echaaro aamwi na okurigira kwacho okubhiibhi, bhiri na obhuteero. Nawe woonewoone unu kaakora jinu ejikondera Nyamuwanga, kaabha na obhuwanga bhwa akajaanende.

Yakobo 1:18

Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.

Baeburania 13:21

Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

1 Batesalonika 5:18

Musiime Nyamuwanga ku‑bhuri musango, kwa okubha ejo nijo omwene keenda emwe mukore rwa kutyo Kirisito Yeesu ꞉aachiiyigisiisye okukora.

Bakolosai 1:9

Kurwa ejo, chichaariga okusiga okubhasabhirwa, okusookerera orusuku runu ꞉choonguuwe emisango jeemwe. Echisabhwa Nyamuwanga abhayaane okumenya kwone ku‑joone jinu omwene keenda. Ku‑ogwo, abhayaane obhwengeeso bhwone na okusombookerwa kunu okusooka ku‑Mwoyo Mweru.

Baefeso 5:17

Mbe, musige okubha abhataamutaamu, nawe musombookerwe okwenda kwa Raatabhugenyi.

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

Barumi 7:4

Abhayiri bhaani, emisango ejo nikwo kutyo jiri kw‑imwe wone. Noorwo emwe mutakubhoywa rindi na ebhiraagiro bhya Muusa, kwa okubha mufuuwe aamwi na Kirisito ku‑musarabha. Woori emwe muri bhaanu bha Kirisito unu ꞉aasuuruuywe okusooka mu‑bhafuuwe, korereki obhurame bhweswe bhubhe na amatwasyo ga ekisi inguru ya Nyamuwanga.

Yowana 1:13

Abho nibho abhaana bha Nyamuwanga, bhanu ꞉bheebhuuywe kutari ku‑sagama, amwi mu‑kwenda kwa omubhiri, amwi mu‑kwenda kwa omuunu, tari Nyamuwanga omwene ꞉aabhakorere okubha abhaana bhaaye.

Matayo 21:31

“Woori angu, mu‑bhabhiri abho, niga unu ꞉aakorere rwa kutyo esemwene ꞉eendere?” Abhakuru bha abhagabhisi na abhakuru bha Abhayawudi bharya, nibhamusubhya ati, “Ni urya wa okwamba.” Niwo Yeesu ˆnaayika ati, “Ni chimari enibhabhwira ati, abhatobhesya bha rigooti na abhagasi bhanu abheegusya okwibhonera ribhona, bharibhatangatira okwingira mu‑bhukama bhwa Nyamuwanga.

Matayo 12:50

Okubha omuunu woonewoone unu kaakora okwenda kwa Raata waani unu ari mu‑rwire, oyo niwe omumura waasu, omuyara waasu na maayi.”

Matayo 7:21

“Itari ati, bhuri muunu unu kaatogora ati, ‘Raatabhugenyi, Raatabhugenyi,’ ariingira mu‑bhukama bhwa mu‑rwire. Nawe omuunu unu kaakora okwenda kwa Raata waani unu ari mu‑rwire, oyo niwe aribhwingira.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

Bakolosai 3:3

kwa okubha mufuuwe na woori muramire aamwi na Kirisito imbere ya Nyamuwanga. Nawe obhurame bhwemwe bhunu muramire aamwi nage bhutakubhuurika ku‑bhaanu abhandi.

Matayo 20:4

ˆNaabhabhwira ati, ‘Emwe wone mugende okukora emirimu mw‑isambu ryani rya emijabhiibhu. Niribhariya rwa kutyo eyikenwa.’