1 Petero 3:8 - Indagano Inyaaya mu-Chijita

⁸ Ku‑bhuteero, enibhabhwira emwe bhoone ati, mubhe na obhwira bhumwi, mufwirane echigongo, mwendane rwa abha inda imwi, mubhe abhafura na mubhe abheekeeya.

INDAGANO INYA:YA

⁸ Ebya ku bute:to, mubega bo:ne no kwiganirisya kumwi, mufwirane ecigongo, mwendane rwa ba inda eimwi, mubega bafura na bo:roro.

1 Petero 3:8 Referans Kwoze

Barumi 12:10

Mwendane abheene kwa abheene rwa abhayiri. Bhuri muunu eekomeesye okuyaana echibharo oweejaabho.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

Baefeso 4:31

Musigane na obhururu bhwone, risungu, okubhiyirwa, inyombo, amafumo, aamwi na obhujabhi bhwone.

Yakobo 3:17

Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

Baefeso 4:2

Mwikarega mu‑bhwikeeya bhwone na mu‑bhworooro, mwigumiirisyanyega na okwendana bhuri muunu na oweejaabho.

Bakolosai 3:12

Woori, kwa okubha emwe mwabha abhasorwa, abheeru na abheendwa bha Nyamuwanga, mubhe na omwoyo gwa echigongo, obhwa ekisi, obhwikeeya, obhworooro na obhwigumiirisya.

1 Bakorinto 12:26

Araabha echiwuga chimwi cha omubhiri chikawutaara, bhyone ebhiwutaara aamwi nacho. Ka wone echiwuga chimwi chikakuuywa, bhyone ebhikonderwa aamwi nacho.

Matayo 18:33

Awe wone, waariga nuukenwa okufwira echigongo oweejaanyu, rwa kutyo anye ꞉naakufwiriye echigongo.’

1 Yoana 3:14

Eswe chimenyere ati chaasookere mu‑managa ga orufu na woori chiri na obhuwanga bhwa akajaanende koone. Echimenya kutyo, kwa okubha woori echeenda abheejaasu. Omuunu woonewoone unu atakwenda abheejaabho, oyo chimari achaari mu‑managa ga orufu.

1 Bakorinto 1:10

Woori, abhayiri bhaani mu‑riikirisya, enibheerembeeresya kw‑isiina rya Raatabhugenyi weeswe Yeesu Kirisito ati, mwasiga okutaasyanya mu‑nyaayika. Kwasiga okubha‑wo okwawukana agati yeemwe, tari mubhe na obhumwi ku‑jinu omukararira na ku‑jinu omwiganirisya.

Ebikorwa 4:32

Abheekirisya bhoone bhaariga bhari na mwoyo gumwi na omutima gumwi. Aariga atari‑wo noorwo omuunu umwi unu ebhiinu bhyaye ꞉aakorere okubha bhyaye omwene era, nawe bhaariga nibhasangira ebhiinu bhyone.

1 Petero 5:5

Nyabhuriko, emwe abhasigaji wone, mugayuke abhakaruka bha rikanisa. Emwe bhoone, abhasigaji na abhakaruka, bhuri muunu eekeeyega ku‑weejaabho na okusakirana. Mukore kutyo, kwa okubha jikaamirwe mu‑Bhikaame Ebhyeru ati, “Nyamuwanga kaayaajana na abha echigundu, tari bhanu abheekeeya, kaabhayaana obhwitiriranya.”

Baeburania 13:1

Mugenderere okwendana abheene kwa abheene rwa abhayiri mu‑riikirisya.

2 Petero 1:7

Okuyaana Nyamuwanga echibharo okwo kwongesibhwe okwendana rwa abhayiri, okwendana rwa abhayiri okwo kwongesibhwe obhufura bhwa eryenda.

1 Petero 2:17

Muyaane echibharo abhaanu bhoone na mwende abheekirisya abheejaanyu. Mugayuke Nyamuwanga na muyaane echibharo omukama weemwe.

Yakobo 5:11

Rwa kutyo mumenyere, echibhatoga ati bhari na amabhando bhanu ꞉bheegumiirisiisye. ꞉Mwoonguuwe emisango jinu ꞉jaabhwene Ayubhu na kutyo ꞉eegumiirisiisye. Ka wone mumenyere emisango ja ekisi jinu Raatabhugenyi ꞉aamukoreeye ku‑bhuteero. Okubha Raatabhugenyi eejuuywe obhufura bhwafu na echigongo.

Yakobo 2:13

Nyamuwanga ataribha na echigongo ku‑unu atari na echigongo ku‑bhandi. Nawe Nyamuwanga arifwira echigongo abha echigongo orusuku runu ariramura.

Bafilipi 3:16

Echiinu cha bhusibhusi woori ni ati echikenwa okuruubha jinu Nyamuwanga aacheeresiisye.

Barumi 15:5

Nyamuwanga niwe kaachiyaana okwigumiirisya na okufungʼamibhwa. Woori, enisabhwa ati, abhakore mwikare kwa obhwira bhumwi emwe abheene kwa abheene, kwa okubha omuruubha orugere rwa Kirisito Yeesu.

Ebikorwa 28:7

Ayeeyi na anu ꞉chaasikiriiye ryariga riri‑wo risambu rya omukuru wa risinga eryo, unu aatogwaga ati Pubhuriiyo. Omuunu oyo ˆnaachikuma kisi ewaaye, nichimara siku esatu awo.

Ebikorwa 27:3

Mwejo yende‑ko, nichigobha ku‑njekekera ya omusi gwa Sidooni. Awo, Yuriyo ˆnaakorera Pawuro eja ekisi kwa okumwikirisisya abhugane na abhasaani bhaaye, korereki bhamusakire ku‑bhukene bhwaye.

Ebikorwa 2:1

Orusuku rwa Pendekoosite rwejire rwakinga, abhaanu bhoone bhanu ꞉bheekirisiisye Yeesu bhaariga bheekofyanyiisye mu‑nju imwi.

Ruuka 10:33

“Katungu katooto okutura, ˆnaaja Omusamaariya umwi unu aariga ˆnaagenda orugendo. Omwene wone ˆnaatura ku‑njira okwo. Ejire aakinga ku‑muunu oyo, ˆnaafwira echigongo omuunu oyo.

Baefeso 4:32

Ka wone, mukoranire ja ekisi bhuri muunu na oweejaabho, mubhe bhafura na okufwirana echigongo ebhikayo bhyemwe, rwa kutyo Nyamuwanga mu‑Kirisito abhafwiriiye echigongo ebhibhiibhi bhyemwe.

Bafilipi 2:3

Musige okukora omusango gwonegwone kwa orwiso noorwo kwa orwikuuya. Tari mwikeeyega na murorega abhaanu abhandi okubha bha ngʼoryo muno okukira emwe abheene.