1 Petero 3:7 - Indagano Inyaaya mu-Chijita

⁷ Nyabhuriko, emwe abharume, mwikare na abhagasi bheemwe muri na obhwenge, mumenyere ati bhatari na amanaga rwa emwe. Mubhaangarire, nimubhaayanaga echibharo, kwa okubha Nyamuwanga ꞉aaragire ati emwe na abheene muryanjura obhwitiriranya bhwa obhuwanga. Kurwa ejo, emwe abharume, mukore kutyo, korereki risabhwa ryemwe risige okuyingirirwa.

INDAGANO INYA:YA

⁷ Nemwe abarume, nyaburiko mubega na bagasi bemwe no bwenge, nimuyana omugasi ecibaro, rwe ci:nu citakome:e, okuba one ni baribomwandu be:janyu abe ciyanwa co buanga, korereki okusabwa kwemwe kusige okuingirirwa.

1 Petero 3:7 Referans Kwoze

Bakolosai 3:19

Emwe abharume wone, mwendega abhagasi bheemwe, mwasiga okubha abharuru ku‑bheene.

Baefeso 5:33

Mbe, enibhwira emwe bhoone ati, bhuri murume eende omugasi waaye rwa kutyo keeyenda omwene, na bhuri mugasi ni bhusibhusi ayaane omurume waaye echibharo.

1 Bakorinto 7:3

Omurume akorerega omugasi waaye rwa kutyo jeenderwe, omugasi wone akorerega omurume waaye rwa kutyo jeenderwe.

Matayo 18:19

Enibhabhwira rindi ati, araabha abhaanu bhabhiri mw‑imwe bhakeekirisyanya ku‑chaaro anu okusabhwa omusango gwonegwone, Raata waani wa mu‑rwire aribhakorera omusango ogwo.

1 Batesalonika 4:4

Bhuri umwi weemwe abhe na obhuturo bhwa okuyiga okurigira kwaye kwa omubhiri, rwa kutyo Nyamuwanga keenda na okwa echibharo.

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

Baefeso 3:6

Obhutinge bhwa imbisike eyo, ni ati, ku‑njira ya okwikirisya Emisango ja Ekisi, abhaanu bhanu bhatari Bhayawudi na Abhayawudi bhari na omwandu gumwi, bhari mubhiri gumwi na abhasangira aamwi amabhando ganu bharagirwe mu‑Kirisito Yeesu.

Tiito 3:7

꞉Aakorere kutyo na okuchibhara ati chiri abharengeresi kwa obhwitiriranya bhwaye, korereki chibhe na obhwiyikanyo ati chiryanjura obhuwanga bhwa akajaanende.

Baefeso 4:30

Musige okusurumbasya Mwoyo Mweru wa Nyamuwanga, kwa okubha omwene oyo, niwe orunabho rwaye kw‑imwe ati, orusuku oruuja runu muryerurwa chimwi.

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

1 Petero 3:1

Nyabhuriko, emwe abhagasi bhanu mutwawe, mugayuke abharume bheemwe, korereki araabha bhari‑wo abharume bhanu bhatakwikirisya Emisango ja Ekisi, bhajiikirisye kwa okubha abharora jitungwa jeemwe ja ekisi. Kurwa ejo, abhatura okwikirisya Nyamuwanga noorwo bhatabhwiriiywe omusango.