1 Petero 3:11 - Indagano Inyaaya mu-Chijita

¹¹ Asige okukora ebhibhiibhi, akore ja ekisi. Ka wone eekomeesye okubha na omurembe aamwi na abheejaabho,

INDAGANO INYA:YA

¹¹ Aso:ke mu bubi:bi, akorega ebye kisi. Ayenjega omurembe, aguru:bega.

1 Petero 3:11 Referans Kwoze

Matayo 5:9

Bhari na ribhando bhanu abhagwatanya abhaanu bhanu bhasokeene, kwa okubha Nyamuwanga aribhatoga ati, ni bhaana bhaaye.

Baeburania 12:14

Mbe, mwikomeesyega okwikara kwa omurembe na abhaanu bhoone. Ka wone mwikomeesyega okubha abheeru mu‑bhurame bhwemwe, kwa okubha atari‑wo omuunu unu kaatura okurora Raatabhugenyi akabha atari mweru.

Barumi 14:19

Kurwa ejo, chiikomeesye omwanya gwone okukora emisango jinu ejireeta omurembe na jinu ejirumatanya abheejaasu mu‑riikirisya ryeswe.

Bakolosai 3:15

Omurembe gwa Kirisito gutunge mu‑myoyo jeemwe. Emwe mubheeye omubhiri gumwi, kurwa ejo mubhirikiiywe okurama kwa omurembe. Ka wone, nimusiimaga Nyamuwanga.

Barumi 14:17

Okubha emisango ja bhusibhusi mu‑bhukama bhwa Nyamuwanga kutari kurya amwi okunywa, nawe ni kukora eja obhurengeresi imbere ya Nyamuwanga, okubha na omurembe na rikonderwa. Ejo joone ejiturikana ku‑bhusakisi bhwa Mwoyo Mweru.

Barumi 12:18

Mbe, rwa kutyo ejiturikana, emwe ku‑rubhaara rwemwe, mubhe na omurembe na abhaanu bhoone.

3 Yoana 1:11

Woori, omwendwa waani Gaayo, waasiga okuruubha echijekekanyo echibhiibhi, tari echijekekanyo cha ekisi. Omuunu woonewoone unu kaakora ja ekisi, oyo ni mwana wa Nyamuwanga. Nawe unu kaakora ebhibhiibhi, atakusombookerwa ati Nyamuwanga niga.

Yakobo 4:17

Mbe, omuunu woonewoone unu amenyere okukora gwa ekisi, nawe atakugukora, oyo kaakora echibhiibhi.

Baeburania 13:16

Mugenderere okusakira abheejaanyu na okusangira aamwi nabho ebhiinu bhinu muri nabhyo, okubha okukora kutyo, nicho echoogo chinu echikondisya Nyamuwanga.

1 Timoteo 6:18

Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

Bagalatia 6:10

Mbe, bhuri kutyo echibhona omwanya, chikorerega abhaanu bhoone ja ekisi, nawe munomuno abheekirisya abheejaasu.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Barumi 8:6

Abhaanu bhanu obhwiganirisya bhwebhwe obhutungwa na obhusimukwa bhwebhwe bhwa echibhiibhi, abhafwa orufu rwa akajaanende koone. Nawe abhaanu bhanu obhwiganirisya bhwebhwe obhutangasibhwa na Mwoyo Mweru, abhabhona obhuwanga na omurembe.

Barumi 7:21

Mbe, naasombookerwa ati, omwanya gunu eneenda okukora echiinu cha ekisi, enibha ninkururwa okukora echiinu echibhiibhi.

Barumi 5:1

Mbe, Nyamuwanga achibharire okubha abharengeresi imbere yaaye, okuruubhana na eriikirisya ryeswe. Kurwa ejo, chiri na omurembe na Nyamuwanga okutura ku‑Raatabhugenyi weeswe Yeesu Kirisito.

Yowana 17:15

“Raata, nitakukusabhwa ati ubhafurusye okusooka ku‑chaaro kunu, tari ati ubhachungure kusooka ku‑Mubhiibhi urya.

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Matayo 5:45

Mbe, mukakora kutyo, ejibhonekana ati, chimari emwe muri abhaana bha Esomwana unu ari mu‑rwire. Omwene niwe kaamirikira risuubha abhaanu abha ebhikorwa ebhibhiibhi na abha ebhikorwa bhya ekisi. Ka wone, kaagwisisya ingʼubha abharengeresi aamwi na bhanu bhatari bharengeresi.

Barumi 7:19

Omusango gwa ekisi gunu eneenda okukora, nitakugukora. Tari bhujabhi bhunu nitakwenda okukora, nibhwo enikora.

Ruuka 6:35

“Nawe emwe, mwendega abhasoko bheemwe, mubhakorerega eja ekisi. Mubhabhanjega muteeyikanya okusubhisibhwa. Nyamuwanga aribhayaana echiyaanwa echinene, na omuja okubha abhaana bha echimari ku‑mwene unu ari Inguru ya Bhyone. Okubha Nyamuwanga kaasakira abhaanu bhoone noorwo bhanu bhatakumusiima, na bhanu abhakora amabhiibhi.

Ruuka 6:9

Niwo, Yeesu ˆnaabhwira abhaanu abho ati, “Enibhabhuusya emwe ati, angu, ebhiraagiro ebhiikirisya okukora ja ekisi ku‑rusuku rwa Isabhaato, amwi okukora emibhiibhi? Okuwonʼya omuunu amwi okumwita?”

Ruuka 1:79

ka wone bhumurikire abhaanu bhoone bhanu bheekaaye mu‑chisuute, na mw‑irengesi rya orufu. Arichitangasya okutura ku‑njira ya omurembe.”

Mariko 14:7

Abhataka bhari aamwi na emwe siku joone. Omutura okubhakorera ja ekisi omwanya gwonegwone gunu omwenda. Nawe anye nitaribha na emwe siku joone.

1 Petero 3:12

kwa okubha ameeso ga Raatabhugenyi agaringiraga abharengeresi, na amatwi gaaye agategeresyaga risabhwa ryebhwe. Nawe, bhanu abhakora ebhibhiibhi, kaabhafutatira.”