1 Petero 3:1 - Indagano Inyaaya mu-Chijita

^1-2 Nyabhuriko, emwe abhagasi bhanu mutwawe, mugayuke abharume bheemwe, korereki araabha bhari‑wo abharume bhanu bhatakwikirisya Emisango ja Ekisi, bhajiikirisye kwa okubha abharora jitungwa jeemwe ja ekisi. Kurwa ejo, abhatura okwikirisya Nyamuwanga noorwo bhatabhwiriiywe omusango.

INDAGANO INYA:YA

¹ Nyaburiko, emwe abagasi, mworoberega abarume bemwe, korereki bakaba bario abarume banu bate:kirisisye omusango gwa Nyamuanga, abo baindurwe na jintungwa ja bagasi bebwe, nakabee batonguywe omusango,

1 Petero 3:1 Referans Kwoze

Bakolosai 3:18

Emwe abhagasi, mugayukega abharume bheemwe, rwa kutyo jikenerwe ku‑bhaanu bhanu abheekirisya Raatabhugenyi Yeesu.

Baefeso 5:33

Mbe, enibhwira emwe bhoone ati, bhuri murume eende omugasi waaye rwa kutyo keeyenda omwene, na bhuri mugasi ni bhusibhusi ayaane omurume waaye echibharo.

1 Bakorinto 11:3

Nawe woori eneenda mumenye ati omutwe gwa omurume woonewoone omwikirisya ni Kirisito, omutwe gwa omugasi ni murume waaye, na omutwe gwa Kirisito ni Nyamuwanga.

1 Bakorinto 7:16

Awe omugasi omwikirisya, utakutura okumenya! Amwi omurume waawo aritura okwikirisya Kirisito ku‑songa ya eriikirisya ryawo. Awe omurume omwikirisya, utakutura okumenya! Amwi omugasi waawo aritura okwikirisya Kirisito ku‑songa ya eriikirisya ryawo.

1 Petero 3:7

Nyabhuriko, emwe abharume, mwikare na abhagasi bheemwe muri na obhwenge, mumenyere ati bhatari na amanaga rwa emwe. Mubhaangarire, nimubhaayanaga echibharo, kwa okubha Nyamuwanga ꞉aaragire ati emwe na abheene muryanjura obhwitiriranya bhwa obhuwanga. Kurwa ejo, emwe abharume, mukore kutyo, korereki risabhwa ryemwe risige okuyingirirwa.

Barumi 7:2

Siga neeresye omusango ogwo kwa echijekekanyo. Echiraagiro echeeresya ati, omugasi atakwikirisibhwa okusiga omurume waaye omwanya gunu omurume waaye kaabha achaari muwanga. Nawe araabha omurume waaye afuuwe, niwo kaabha na obhwitaage, echiraagiro echo chitakumubhoya rindi.

1 Bakorinto 14:34

omwanya gunu omwikofyanya, abhagasi bhajibhirega, kwa okubha mw‑ikanisa bhatakwikirisibhwa okwayika. Bhagayukega rwa kutyo ebhiraagiro bhya Muusa ebhyayika.

Matayo 18:15

“Araabha omwikirisya oweejaanyu aakakukayira, nuumujee‑ko umubhwire echikayo chaaye muri bhabhiri era. Araabha aakakuungwa, owubha usakiiye omuunu oyo okubha omwikirisya oweejaanyu rindi.

Bakolosai 4:5

Mubhe na obhwengeeso mu‑bhungwani bhwemwe na abhaanu bhanu bhachaari okwikirisya Yeesu. Bhuri mwanya, mukorega ja ekisi.

Baeburania 11:8

Eriikirisya niryo ꞉ryakorere Bhurayimu ˆnaagayuka Nyamuwanga, omwanya gunu ꞉aabhwiriiywe ati asooke mu‑chaaro chaaye, agende mu‑chaaro chinu Nyamuwanga ꞉aaragire okumuyaana. Bhurayimu ꞉aasookere mu‑chaaro chaaye, noorwo kutyo ꞉ataamenyere ati aariga ˆnaagenda ki.

2 Batesalonika 1:8

asingiiywega ribheesi rya omuriro. Omwene niwe ariramura abhaanu bhoone bhanu abharema Nyamuwanga, ka wone bhatakugayuka Emisango ja Ekisi ja Raatabhugenyi weeswe Yeesu.

Barumi 6:17

Kara, emwe mwariga muri bhagaya bha echibhiibhi. Nawe enisiima Nyamuwanga, kwa okubha woori mweekirisya na emyoyo jeemwe joone okugayuka ameeyigisyo ga echimari ganu ꞉mwaramiiye.

1 Petero 4:17

Mumenye ati, omwanya gwa obhuramusi gwakinga na Nyamuwanga kaja okwamba okuramura abhaana bhaaye. Woori araabha obhuramusi bhukambira kw‑iswe abhaana bhaaye, angu, jiribha kutiki ku‑bhanu bhatakwikirisya Emisango ja Ekisi ja Nyamuwanga?

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

Barumi 10:16

Noorwo kutyo, jitari ati Abhayisirayeeri bhoone ꞉bhaagayukire Emisango ja Ekisi ejo kwa okwikirisya Kirisito, abhaafu bhajiremere. Omuragi Iisaya ꞉aayikire ati, “Raatabhugenyi, niga unu eekirisya emisango jeeswe?”