1 Petero 1:6 - Indagano Inyaaya mu-Chijita

⁶ Mbe mukondererwe muno emisango ejo, noorwo kutyo ku‑mwanya mufuyi gunu, omutura okusurumbara inguru ya amaregeejo maafu ga bhuri mbaga.

INDAGANO INYA:YA

⁶ Omweruro ogwo nigwo omusandabira, nakabee kube:ire okusurumbasibwa okusakwa kwafu mwanya mutyari ogwa woryanu.

1 Petero 1:6 Referans Kwoze

Yakobo 1:2

Abhayiri bhaani mu‑riikirisya, mukonderwaga muno omwanya gunu omuregeejibhwa amaregeejo ga bhuri mbaga,

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

Barumi 12:12

Mukondererwega nimurindirira okubhona jinu Nyamuwanga ꞉aabharagire. Mwigumiirisyega mu‑myanya ja jinyaako, na mugendererega okusabhwa Nyamuwanga.

Barumi 5:2

Ku‑njira ya okwikirisya Yeesu, Nyamuwanga achiyaaye obhwitiriranya bhwaye. Noorwo woori echigenderera okuramira obhwitiriranya obhwo. Echikonderwa muno, kwa okubha echiiyikanya ati chirisangira aamwi na Nyamuwanga mw‑ikusyo ryaye.

Matayo 5:12

Mwichuke ati, nikwo kutyo abhaanu bhaanyaasyaga wone abharagi bhanu bhaariga bhari‑wo kara. Mukondererwega na okusandabha muno, kwa okubha Nyamuwanga abhabhiikiiye echiyaanwa echinene mu‑rwire.”

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Yowana 16:22

Emwe wone ku‑mwanya gunu musurumbaaye. Nawe niribhaaja‑ko rindi, na murikonderwa mu‑myoyo jeemwe. Atari‑wo omuunu unu arisoosya rikonderwa eryo mu‑myoyo jeemwe.

Matayo 11:28

“Muuje kw‑anye bhoone bhanu omunyaaka na okusitoyerwa na emigugu emisito, anye enija okubhafungʼamya.

Barumi 5:11

Mbe, okukira ejo joone, Nyamuwanga achikorere chikonderwe muno okutura ku‑Raatabhugenyi weeswe Yeesu Kirisito, kwa okubha omwene niwe achigwatanyiisye na Nyamuwanga.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Ruuka 10:20

“Noorwo kutyo, musige okukondererwa kwa okubha ati amasambwa agabhagayuka. Tari mukondererwega omusango gunu ati, amasiina geemwe gakaamirwe mu‑rwire.”

1 Petero 4:7

Obhuteero bhwa emisango joone, bhuri yeeyi. Kurwa ejo, mwiyingirire na okwiyangarira mu‑misango joone, korereki mubhe na obhuturo bhwa okusabhwa.

Yakobo 4:9

Musurumbare, murire na okukunga. Okuseka kwemwe kuyinduke kubhe okurira na okukonderwa kwemwe kubhe kusurumbara.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.

Yakobo 1:9

Omwikirisya omutaka unu atari na echibharo, kaakenwa akonderwe kwa okubha Nyamuwanga arimwinamusya.

Bafilipi 3:3

Eswe neeswe chitenderwe echinyamwoyo kwa okubha Mwoyo wa Nyamuwanga kaachisakira kutyo jiiyire chiramye Nyamuwanga. Eswe echikuuyisya Kirisito Yeesu na okumwiyikanya. Ka wone chitakwiyikanya ebhikorwa bhyeswe bhya echinyamubhiri korereki chibhone obhuchungusi,

2 Bakorinto 6:10

Ka wone echibhonekana wuti chisurumbaaye, nawe echikondererwa omwanya gwone. Echibhonekana wuti chiri bhataka, nawe chiniibhiisye bhaafu. Echibhonekana wuti chitari na echiinu choonechoone, nawe chiri na ebhiinu bhyone.

1 Batesalonika 1:6

Emwe noorwo kutyo ꞉mwanyaasiibhwe muno inguru ya eriikirisya ryemwe, ꞉mwaruubhire omusango ogwo kwa rikonderwa rinu ꞉mwayaanirwe na Mwoyo Mweru. Kwa okukora kutyo, ꞉mwaruubhire echijekekanyo cheeswe na echa Raatabhugenyi Yeesu.

Bafilipi 4:4

Mukonderwe siku joone kwa okubha emwe muri na obhumwi na Raatabhugenyi Yeesu, enaayika rindi ati mukonderwe!

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Barumi 9:2

Chimari, anye niri na obhusurumbaaye bhwafu muno na obhusungu bhwafu mu‑mwoyo gwani

Bafilipi 2:26

Enimwikirisisya kwa okubha keegomba okubhugana na emwe bhoone. Ka wone omwoyo gwaye ogusurumbara muno, kwa okubha ꞉mwoonguuwe ati aariga arwaye.

Ruuka 2:10

Nawe, maraayika oyo ˆnaabhabhwira ati, “Musige okuubhaya! Niijire okubhareetera emisango ja ekisi, jinu jirikora abhaanu bhoone bhakonderwe muno.

Ruuka 1:47

na omwoyo gwani, ogukondererwa Nyamuwanga, Omuchungusi waani.

Matayo 26:37

ˆNaagega Peetero aamwi na abhamura bhabhiri bha Jebhedaayo. ˆNaamba okusurumbara na okunyaaka muno mu‑mwoyo gwaye.

1 Petero 3:17

Ni akiri okunyaaka inguru ya okukora ja ekisi, araabha nikwo okwenda kwa Nyamuwanga, okukira okunyaaka inguru ya okukora emibhiibhi.