1 Petero 1:22 - Indagano Inyaaya mu-Chijita

²² Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

INDAGANO INYA:YA

²² Mwamarire okwiyesya emyoyo jemwe mu kworobera ebye cimari, nimukinga mu kwendana na ba:na ba:su kunu kutarimo burigerige. Mukome:rega okwendana mu mutima gwerere.

1 Petero 1:22 Referans Kwoze

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

Baeburania 13:1

Mugenderere okwendana abheene kwa abheene rwa abhayiri mu‑riikirisya.

1 Yoana 4:12

Atari‑wo omuunu woonewoone unu arabhuganyiisye ameeso na Nyamuwanga. Nawe araabha chikeendana, Nyamuwanga ari na obhumwi na eswe. Ka wone eryenda ryaye eryo, niryo erikuumira mu‑myoyo jeeswe.

1 Yoana 4:7

Abheendwa bhaani mu‑riikirisya, cheendane, kwa okubha eryenda erisooka ku‑Nyamuwanga. Omuunu woonewoone unu keenda abheejaabho, ni mwana wa Nyamuwanga, ka wone niwe kaasombookerwa Nyamuwanga.

1 Petero 3:8

Ku‑bhuteero, enibhabhwira emwe bhoone ati, mubhe na obhwira bhumwi, mufwirane echigongo, mwendane rwa abha inda imwi, mubhe abhafura na mubhe abheekeeya.

Yakobo 4:8

Mufogererega Nyamuwanga, niwo omwene wone aribhafogerera. Emwe abha ebhibhiibhi, musige ebhibhiibhi bhyemwe na mukore ja ekisi. Emwe abha emitima ebhiri, muruubhe Nyamuwanga kwa emyoyo jeemwe joone.

1 Yoana 3:23

Echiraagiro chaaye nicho chinu ati, chiikirisye risiina rya Omwana waaye Yeesu Kirisito, ka wone cheendane rwa kutyo achiragiriiye.

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

1 Batesalonika 3:12

Raatabhugenyi abhoongesye eryenda, korereki mugenderere okwendana muno emwe abheene kwa abheene, mwende wone abhaanu abhandi bhoone, rwa kutyo eswe wone echibheenda.

1 Yoana 4:20

Omuunu woonewoone unu kaayika ati keenda Nyamuwanga, keenu ˆnaasoka oweejaabho, ni mubheeyi. Echimenya ati ni mubheeyi, kwa okubha, aakasoka oweejaabho unu kaarora bhuri rusuku, atakutura okwenda Nyamuwanga unu achaariga okubhuganganya ameeso aamwi nage.

1 Petero 2:17

Muyaane echibharo abhaanu bhoone na mwende abheekirisya abheejaanyu. Mugayuke Nyamuwanga na muyaane echibharo omukama weemwe.

Ebikorwa 15:9

꞉Ataakorere isoroore yooneyoone agati yeeswe na abheene, kwa okubha abheene wone ꞉bheekirisiisye Yeesu na ku‑njira eyoeyo, ꞉eesiisye myoyo jeebhwe.

1 Yoana 3:11

Mbe, okusookerera omwanya gunu ꞉mwaambire okwikirisya Yeesu Kirisito, mwonguuwe omusango ati, eswe abheekirisya, echikenwa cheendane abheene kwa abheene.

2 Petero 1:7

Okuyaana Nyamuwanga echibharo okwo kwongesibhwe okwendana rwa abhayiri, okwendana rwa abhayiri okwo kwongesibhwe obhufura bhwa eryenda.

Bafilipi 1:9

Enibhasabhirwa ku‑Nyamuwanga ati eryenda ryemwe rigenderere okwiyongesya muno, mu‑kubha na obhwengeeso na okusombookerwa kwone,

Baefeso 4:3

Mukomeere okurinda obhumwi bhunu Mwoyo Mweru kaabhayaana. Omurembe gubhe rwa orugoye runu orubhabhoya aamwi.

Bagalatia 5:5

Nawe eswe, echiiyikanya ku‑bhuturo bhwa Mwoyo Mweru ati, Nyamuwanga arichibhara ati chiri bharengeresi, kwa okwikirisya Yeesu.

Obhusweruro 2:4

Nawe, muri na omusango gumwi gunu guchaannyaasya. Musigire eryenda ryemwe rinu mwariga muri naryo omwanya gunu ꞉mwaambire okunnyikirisya.

1 Petero 4:17

Mumenye ati, omwanya gwa obhuramusi gwakinga na Nyamuwanga kaja okwamba okuramura abhaana bhaaye. Woori araabha obhuramusi bhukambira kw‑iswe abhaana bhaaye, angu, jiribha kutiki ku‑bhanu bhatakwikirisya Emisango ja Ekisi ja Nyamuwanga?

1 Petero 4:8

Okukira ejo joone, mwendane muno, kwa okubha obhwendani obhubhisa obhwafu bhwa ebhibhiibhi.

Baeburania 11:8

Eriikirisya niryo ꞉ryakorere Bhurayimu ˆnaagayuka Nyamuwanga, omwanya gunu ꞉aabhwiriiywe ati asooke mu‑chaaro chaaye, agende mu‑chaaro chinu Nyamuwanga ꞉aaragire okumuyaana. Bhurayimu ꞉aasookere mu‑chaaro chaaye, noorwo kutyo ꞉ataamenyere ati aariga ˆnaagenda ki.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

Baeburania 6:10

Nyamuwanga ni murengeresi, atakutura okurabhirwa ebhikorwa bhya ekisi bhinu mukorere. Ka wone atakutura okurabhirwa eryenda rinu ꞉mweresiisye inguru yaaye ku‑njira ya okusakira abheekirisya abheejaanyu okusookerera ku‑bhwambiro okukingira woori.

2 Bakorinto 6:6

Ka wone echiibhuurisya okubha abhakosi bha Nyamuwanga mu‑bhwiyikanyibhwa, mu‑bhumenyi, mu‑bhwigumiirisya na mu‑bhwa ekisi, mu‑kutangasibhwa na Mwoyo Mweru, mu‑ryenda rya echimari,

Yowana 15:17

Mbe woori, enibharagirira ati, mwendanega.”

1 Petero 3:1

Nyabhuriko, emwe abhagasi bhanu mutwawe, mugayuke abharume bheemwe, korereki araabha bhari‑wo abharume bhanu bhatakwikirisya Emisango ja Ekisi, bhajiikirisye kwa okubha abharora jitungwa jeemwe ja ekisi. Kurwa ejo, abhatura okwikirisya Nyamuwanga noorwo bhatabhwiriiywe omusango.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

2 Timoteo 1:14

Echimari chinu ꞉waayaaywe, uchaangarire ku‑managa ga Mwoyo Mweru unu ari mu‑myoyo jeeswe.

1 Timoteo 5:2

abhakwekuru ubhatongere rwa bhaanyokomwana na abhayarakaji ubhatongere rwa abhayara bhaanyu. Ukore kutyo kwa omutima omweru.

1 Timoteo 4:12

Omuunu woonewoone asige okukugaya, kwa okubha ati uchaari musigaji, tari wiikomeesye okubha echijekekanyo cha ekisi ku‑bheekirisya mu‑nyaayika, mu‑tungwa, mu‑ryenda, mu‑riikirisya na mu‑bhwima.

1 Timoteo 1:3

Omwanya gunu ꞉neemukire okugenda mu‑mukoowa gwa Makedooniya, ꞉naakusabhirwe ubhe mu‑musi gwa Yefeeso. ꞉Naakusabhirwe ukore kutyo korereki ugonye abhaanu bhanu abheeyigisya ameeyigisyo ga orubheeyi.

2 Batesalonika 2:13

Nawe eswe, echikenwa chisiime Nyamuwanga bhuri rusuku ku‑songa yeemwe. Emwe abhayiri, mwenderwe na Raatabhugenyi Yeesu. Echisiima Nyamuwanga, kwa okubha ꞉aabhawuuwe, echiinu choonechoone chichaari okubhumbwa korereki muchungurwe. Muchunguuywe kwa okubha mwesibhwe na Mwoyo Mweru, ka wone mwikirisiisye echimari.

Bagalatia 3:1

Emwe Abhagaraatiya, abhataamutaamu! Niga unu abharogere? ꞉Naabhabhwiriiye abhwerubhweru inguru ya Yeesu Kirisito okubhambwa ku‑musarabha.

Bagalatia 5:7

Ku‑bhwambiro, mwariga nimukora kisi! Woori niga unu abhayingiriiye ati musige okugayuka ameeyigisyo ga echimari?

Barumi 8:13

Araabha mukeekara nimutangasibhwaga na obhusimukwa bhwa echibhiibhi, murifwa. Nawe, mukasingaarisya chimwi ku‑managa ga Mwoyo Mweru, ebhikorwa bhya obhusimukwa bhwa echibhiibhi, murirama akajaanende koone.

Barumi 2:8

Nawe aribhiyirwa na okuyaana ebhitiibha abhaanu bhanu okuruubhana na orwango rwebhwe, abharema echimari na abhakora obhujabhi.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Yowana 17:17

Raata, enikusabhwa ubheesye mu‑chimari chaawo, kwa okubha omusango gwawo nigwo echimari.

Yowana 15:3

Emwe mwakongoreeywe na okubha abheeru ku‑songa ya ameeyigisyo ganu naabheeyigisya.

Ebikorwa 6:7

Omusango gwa Nyamuwanga nigugenderera okuraasibhwa ku‑bhaanu na obhukumi bhwa abheeyigisibhwa bha Yeesu nibhwiyongesya muno mu‑Yerusareemu. Noorwo abhagabhisi bhaafu ꞉bhaagayukire Nyamuwanga, kwa okumwikirisya Yeesu.

Yowana 17:19

Eniisoosya okukukorera emirimu ku‑songa yeebhwe, korereki abheene wone bheesibhwe mu‑chimari.

Yakobo 1:21

Kurwa ejo, musige ebhibhiibhi na ebhikorwa ebhibhiibhi bhyone. Mwikirisye kwa obhworooro omusango gunu Nyamuwanga ꞉aayambire mu‑myoyo jeemwe, kwa okubha ogwo, nigwo ogutura okubhachungura.

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

1 Petero 3:20

Emyoyo ejo, ni ja abhaanu bhanu ꞉bhataagayukire Nyamuwanga kara awo, omwanya gunu Nuuwu aariga achaakonja ingarabha. Nyamuwanga ꞉eegumiirisiisye ebhibhiibhi bhyebhwe okukingira omwanya gunu ingarabha ꞉yaamarirwe okukonjwa. Mu‑ngarabha omwo, nimwo ꞉bheengiiye abhaanu bhatooto era, abhaanu bhataanu na bhasatu, bhanu ꞉bhaawonere okusingaarika mu‑manji.