1 Batesalonika 3:8 - Indagano Inyaaya mu-Chijita

⁸ Woori, emyoyo jeeswe ejikonderwa muno, kwa okubha emwe omugenderera okurumatana ku‑Raatabhugenyi Yeesu.

INDAGANO INYA:YA

⁸ Mbe eswe woryanu ciri baanga emwe muke:mereguru murumire mu Ratabugenyi.

1 Batesalonika 3:8 Referans Kwoze

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

1 Bakorinto 16:13

Mutengeeje, murumatane mu‑riikirisya, ka wone mubhe abhayaari na abha amanaga.

Obhusweruro 3:11

Eniija bhwangu! Mubhe abheeyikanyibhwa, korereki omuunu woonewoone aasiga okubhateesya orutengya rwemwe.

Baeburania 10:23

Chiikomeesye muno okugwatirira jinu echiikirisya na okwiyikanya, okubha Nyamuwanga unu ꞉aaragire, ni mwiyikanyibhwa.

Baeburania 4:14

Mbe, chiri na Omugabhisi Omukuru unu ꞉aagendere na okwingira mu‑rwire, niwe Yeesu Omwana wa Nyamuwanga. Ku‑songa eyo, chigwatirire jinu echiikirisya.

Bafilipi 1:21

Okubha obhwira bhwa obhurame bhwani ni kukusya Kirisito. Ka wone araabha nikafwa, okufwa kwani kuri na omuriiro muno, kwa okubha enija okubha aamwi nage.

Obhusweruro 3:3

Mwichuke jinu ꞉mweeyigisiibhwe, nimujungwa. Mbe, muruubhe ejo na okuta ebhibhiibhi bhyemwe. Mukarema okutengeeja, niriija rwa kutyo omwifi kaaja na mutarimenya omwanya gunu niribhaaja‑ko.

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

Baefeso 3:17

korereki Kirisito akore obhwikaro bhwaye mu‑myoyo jeemwe ku‑njira ya eriikirisya. Enimusabhwa wone, abhasakire korereki murumatane ndi mu‑ryenda ryaye. Kutyo, eryenda ryaye riribha rwa risina na orufuka rwa obhurame bhwemwe,

Ebikorwa 11:23

Bharinaabha ejire aakinga eyo, ˆnaarora kutyo Nyamuwanga ꞉aayaaye abhaanu abho obhwitiriranya bhwaye. ˆNaakondererwa muno, ˆnaabhakomeeresya ati bhagenderere okugayuka Raatabhugenyi Yeesu mu‑myoyo jeebhwe.

2 Petero 3:17

Mbe, emwe abheendwa bhaani, mwamenyere emisango ja abheeyigisya bha orubheeyi abho. Kurwa ejo mutengeeje, korereki mwasiga okujigwa mu‑bhwengebhwenge bhwa abhakayi abho, nimugwa na okusiga okurumatana kwemwe.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

Bafilipi 4:1

Kurwa ejo, abhayiri bhaani, mwimereeguru murumateene mu‑kwiyikanya Raatabhugenyi Yeesu. Enibheenda na niri na obhwira bhwa okubhugana na emwe, abheendwa bhaani. Emwe neemwe rikonderwa ryani na orutengya rwani rwa obhuyigi runu niriyaanwa inguru ya emirimu jinu nikorere.

Bafilipi 1:27

Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

1 Bakorinto 15:58

Kutyo, abhayiri bhaani abheendwa mu‑riikirisya, murumatane mu‑riikirisya eryo, okufwa omwoyo wuri. Mugenderere okukora emirimu ja Raatabhugenyi nimukomeeraga bhuri rusuku, kwa okubha mumenyere ati emirimu jinu omukora inguru ya Raatabhugenyi, jitari ja okufwirwa‑mo wuri.

Yowana 15:7

Araabha mukabha na obhumwi na anye, na emisango jaani jikabha mu‑myoyo jeemwe, mbe woori musabhwe Raata choonechoone chinu omwenda, omwene kaja okubhayaana.

Yowana 15:4

Mubhega na obhumwi na anye, anye wone enija okubha na obhumwi na emwe. Rwa kutyo ritabhi ritakutura okutwasya amatwasyo eryene era rikabha ritari kw‑iti rya rijabhiibhu, nikwo kutyo emwe wone mutakutura okukora okwenda kwa Nyamuwanga mukabha mutari kw‑anye.

Bagalatia 5:1

Kirisito achiyaaye obhwitaage, korereki chiikare mu‑bhwitaage obhwo. Kurwa ejo, mwimereeguru murumateene, mwasiga okwikirisya okusubha rindi mu‑bhugaya bhwa ebhiraagiro.

Yowana 8:31

Mbe, Yeesu ˆnaabhwira Abhayawudi bhanu ꞉bhaamwikirisiisye ati, “Araabha omuja okugenderera okuruubha ameeyigisyo gaani, omuja okubha abheeyigisibhwa bhaani bha echimari.

1 Batesalonika 3:7

Mbe, abhayiri bheeswe, emisango inguru ya eriikirisya ryemwe, jaasimbiisya emyoyo jeeswe, mu‑nyaako na mu‑bhinyaasyo bhyeswe bhyone.