1 Batesalonika 3:6 - Indagano Inyaaya mu-Chijita

⁶ Woori, Timoteewo aasubhire okusooka kw‑imwe, aachibhwira emisango ja ekisi inguru ya eriikirisya ryemwe na eryenda ryemwe. Ka wone aachibhwira ati, omuchiichuka muno bhuri rusuku, muri na obhwira muno mubhugane na eswe, rwa kutyo eswe wone chiri na obhwira bhwa okubhugana na emwe.

INDAGANO INYA:YA

⁶ Nawe Timoteo woryanu akingire kwiswe okuso:ka kwimwe, nacibwira ebigambo byo bwana ebyo kwikirisya kwemwe no kwenda kwemwe, rwa kutyo omuci:cuka kisi siku jo:ne, nimukumbura okucirora, rweswe kutyo ecibakumbura.

1 Batesalonika 3:6 Referans Kwoze

1 Bakorinto 11:2

Enibhakuuya kwa okubha omunyichuka ku‑misango joone, na omuruubha ameeyigisyo ganu ꞉naabheeyigisiisye.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

Ebikorwa 18:5

Siira na Timoteewo bhejire bhaakinga awo okusooka Makedooniya, Pawuro aariga ˆnaasoosya omwanya gwaye gwone okwiyigisya omusango gwa Nyamuwanga ku‑Bhayawudi, ˆnaabhabhwiraga ati Yeesu niwe Kirisito.

Bafilipi 1:8

Nyamuwanga niwe kaamenya ati enaayika echimari kutyo eniigomba okubhugana aamwi na emwe rindi, niri na eryenda riryarirya rwa kutyo Kirisito Yeesu kaabheenda.

1 Yoana 3:23

Echiraagiro chaaye nicho chinu ati, chiikirisye risiina rya Omwana waaye Yeesu Kirisito, ka wone cheendane rwa kutyo achiragiriiye.

Baeburania 13:7

Mwichuke abhatangasya bheemwe bhanu bhaariga nibhabheeyigisya omusango gwa Nyamuwanga. Mwiganirisye inguru ya jitungwa jeebhwe kutyo bhaariga bheekaaye, murorerega eriikirisya ryebhwe.

Baeburania 13:3

Mwichuke abhaanu bhanu bhabhoyerwe mw‑ibhoyero, mubhega wuti mubhoyerwe aamwi nabho. Mwichuke abhaanu bhanu abhanyaasibhwa, mubhega wuti omunyaasibhwa aamwi nabho.

Filemoni 1:5

kwa okubha enuungwa ati owugenderera okwikirisya Raatabhugenyi Yeesu na okwenda abheekirisya abheejaanyu bhoone.

2 Timoteo 1:3

Enisiima Nyamuwanga unu enikorera emirimu mu‑mutima omweru, rwa kutyo ꞉bhaamukoreeye bhasaaja waani. Omwanya gwone enikwichuka, mw‑isabhwa ryani mu‑ngeta na mu‑mwisi.

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

1 Batesalonika 2:17

Mbe, abhayiri bheeswe, okusigana kweswe na emwe, kwariga kuri kwa katungu kafuyi era. Ka wone, ꞉chaasigeene chinyamubhiri era, nawe ꞉chitaasigeene chinyamwoyo. Ku‑mwanya ogwo gwone, chaariga nichiigomba okubhugana na emwe rindi.

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

Bakolosai 4:18

Anye Pawuro, enikaama obhukeesya bhunu kwa okubhoko kwani omwene. Mwichuke ati nibhoyerwe mw‑ibhoyero. Obhwitiriranya bhwa Nyamuwanga bhubhe aamwi na emwe.

Bakolosai 1:4

Echikora kutyo, kwa okubha echuungwa emisango inguru ya eriikirisya ryemwe mu‑Kirisito Yeesu na inguru ya eryenda ryemwe ku‑bheeru bhoone bha Nyamuwanga.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

1 Bakorinto 13:13

Mbe woori, ebhiinu bhisatu bhinu bhitariwaa‑wo, ni riikirisya, obhwiyikanyo na eryenda. Kw‑ijo, gunu guri gwa bhusibhusi ni ryenda.

Ebikorwa 18:1

Emisango ejo jejire jaawa, Pawuro ˆnaasooka mu‑musi gwa Ateene awo, ˆnaagenda mu‑musi gwa Koriito.

Ebikorwa 16:1

Pawuro ˆnaagenda mu‑misi ja Deeribhe na Risitura. Risitura eyo aariga ari‑wo omwiyigisibhwa umwi wa Yeesu, risiina ryaye aatogwaga Timoteewo. Nyiramwene aariga ari Omuyawudigasi, omwene aariga ari mwikirisya wa Yeesu, nawe esemwene aariga ari Muyunaani.

1 Batesalonika 3:7

Mbe, abhayiri bheeswe, emisango inguru ya eriikirisya ryemwe, jaasimbiisya emyoyo jeeswe, mu‑nyaako na mu‑bhinyaasyo bhyeswe bhyone.