1 Batesalonika 2:1 - Indagano Inyaaya mu-Chijita1 Emwe abhayiri bheeswe mu‑riikirisya, omumenya ati, eswe okuuja kw‑imwe, kwariga kuri kwa omuriiro munene muno. Gade chapit laINDAGANO INYA:YA1 Okuba emwe abene:ra, ba:na ba:su, mumenyere ati, cite:jire kwimwe kutyo era. Gade chapit la |
Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.
Mbe, anye omwene nejire naataamibhwa okugenderera okwigumiirisya, ꞉naatumire Timoteewo kw‑imwe, korereki nimenye kutyo mwariga nimugenderera okwikirisya Yeesu. ꞉Naakorere kutyo kwa okubha naariga niniiganirisya ati, amwi Syetaani omuregeeji urya, ꞉aabharegeejere na okubhayabhya. Jikabha jiri kutyo, emirimu joone jinu ꞉chaakorere jitaribha na omuriiro.
꞉Naariinyire okugenda eyo ku‑mwanya ogwo, kwa okubha Nyamuwanga aariga answeruriiye ati nigende. Nichibhugana na abhatangasya bha rikanisa mu‑bhumbise. Nimbabhwira Emisango ja Ekisi jinu naariga nindaasya ku‑bhanu bhatari Bhayawudi. ꞉Naaramuuye okusangira aamwi nabho ejo, korereki emirimu jinu naariga ninkora na jinu enigenderera okukora jaasiga okubha ja okufwirwa‑mo.
Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.