1 Bakorinto 9:8 - Indagano Inyaaya mu-Chijita

⁸ Emisango jinu enaayika, bhutari bhwiganirisya bhwa abhaanu, noorwo ebhiraagiro bhya Muusa wone ebhyayika kutyo.

INDAGANO INYA:YA

⁸ ?Ebyo na:ika ni bya ba:nu? ?Tere amwi ne biragiro bitakwaika kutyo?

1 Bakorinto 9:8 Referans Kwoze

1 Batesalonika 4:8

Omuunu woonewoone unu kaarema ameeyigisyo ago, atakurema omuunu, nawe, kaarema Nyamuwanga unu kaachiyaana Mwoyo Mweru waaye.

1 Batesalonika 2:13

Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.

1 Bakorinto 14:34

omwanya gunu omwikofyanya, abhagasi bhajibhirega, kwa okubha mw‑ikanisa bhatakwikirisibhwa okwayika. Bhagayukega rwa kutyo ebhiraagiro bhya Muusa ebhyayika.

1 Bakorinto 7:40

Nawe ni akiri muno omutumbagasi oyo asigare atatwawe. Obhwo ni bhwiganirisya bhwani, na eniiganirisya ati anye wone Mwoyo wa Nyamuwanga kaantangasya okwayika emisango ejo.

Barumi 6:19

Naasimura na emwe ku‑chijekekanyo echo cha obhugaya, kwa okubha emwe mutari bhaangu okumenya chinu enaayika. Kara, mwariga nimusoosya ebhiwuga bhyone bhya emibhiri jeemwe okukora emisango emijabhi, mwariga muri bhagaya bha ebhibhiibhi, na ebhibhiibhi bhyemwe ꞉bhyeyongesiisye muno. Nawe woori, mubhe nimwisoosya ku‑Nyamuwanga ebhiwuga bhyone bhya emibhiri jeemwe, mubhe abhakosi bha emisango ja obhurengeresi, korereki mukorere emirimu Nyamuwanga kwa omwoyo gwone.

Barumi 3:31

Angu woori, omwanya gunu echikomeeresya okwikirisya Yeesu, okwingana na okwayika ati ebhiraagiro bhya Muusa bhitari na omuriiro? Wuri, noorwo na akatyari! Nawe chikeekirisya Yeesu, niwo echibha chikuumisiisye joone jinu ebhiraagiro bhya Muusa bhiragiriiye.

Barumi 3:5

Nawe, abhaanu abhandi abhatura okwayika ati, “Ebhibhiibhi bhyeswe, eswe Abhayawudi, nibhyo ebhyeresya ati Nyamuwanga ni murengeresi ku‑ndamu yaaye. Kurwa ejo, araabha kaachiyaana ebhitiibha, chaayike ati atari murengeresi chimwi?”

Bagalatia 1:11

Abhayiri bhaani, eneenda mumenye ati, Emisango ja Ekisi jinu ꞉naabharaasisiisye ꞉jitasookere ku‑bhaanu.