1 Bakorinto 9:26 - Indagano Inyaaya mu-Chijita

²⁶ Ku‑songa eyo anye nitakubhirima rwa omuunu unu kaabhirima atari na obhukarariiye, ka wone nitakurwana rwa omuunu unu kaarasa inguumi ˆnaatasya.

INDAGANO INYA:YA

²⁶ Anye kwenikora nimbirima kutiyo, tari rwa unu ke:tima:ta. Enitu:syanya ebifu:fi, tari rwa unu kabuma orutumba.

1 Bakorinto 9:26 Referans Kwoze

2 Petero 1:10

Mbe, abhayiri bhaani, mwikomeesye muno okweresya chimari ati Nyamuwanga abhabhirikiiye na okubhasora. Araabha muramire ku‑njira eyo, mtariikuujura wuri.

2 Timoteo 2:5

Noorwo omubhirimi woonewoone atakutura okuyaanwa echiyaanwa cha obhuyigi, akabha ataruubhire amaragiriro ga obhwenywa bhwa okubhirima.

Bafilipi 1:21

Okubha obhwira bhwa obhurame bhwani ni kukusya Kirisito. Ka wone araabha nikafwa, okufwa kwani kuri na omuriiro muno, kwa okubha enija okubha aamwi nage.

Bakolosai 1:29

Inguru ya omusango ogwo, eniikomeesya na okurwanirira emirimu jinu ku‑managa maafu ganu Kirisito kaanaana.

Ruuka 13:24

“Emwe, mwikomeesye okutura mw‑irango rifunde mwingire. Enibhabhwira ati, abhaanu bhaafu bhariregeeja okwingira, nawe bharitaamibhwa.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

Baefeso 6:12

Okubha riremo ryeswe, chitakurwana na omubhiri amwi isagama, nawe echirwana na obhutungi, obhuturo, abhakuru bha echisuute cha echinyamwoyo na amayijo ga amasambwa mu‑chaaro chinyatarorwa.

1 Petero 5:1

Woori, enaayika na emwe abhakaruka bha rikanisa. Anye niri omukaruka oweejaanyu, unu ꞉neeroreeye omwene kutyo Kirisito ꞉aanyaasiibhwe. Ka wone, anye niri omusangisi oweejaanyu wa rikusyo rinu riri yeeyi okuswerurwa. Kurwa ejo, enibheerembeeresya emwe,

Baeburania 4:1

Mbe, omurago gwa Nyamuwanga gwa abhaanu okwingira orubhaara rwa okwisya omwoyo guchaari aryaarya. Kurwa ejo chiyangarirega, korereki aasiga okubha‑wo omuunu woonewoone agati yeemwe unu aritaamibhwa okwingira mu‑rubhaara orwo.

2 Bakorinto 5:8

Chimari chiri na obhwiyikanyo, ka wone chikeendere noorwo okufuruka okusooka mu‑bhwikaro bhunu, chifurukire ku‑Raatabhugenyi.

2 Bakorinto 5:1

Emibhiri jeeswe ja ku‑chaaro anu, jiri rwa ebhiwuuna. Nawe chimenyere ati, bhikakambuka, Nyamuwanga arichiyaana jinju ja akajaanende mu‑rwire jinu jitakumbakwa na abhaanu.

1 Bakorinto 14:9

Nikwo kutyo jiri na kw‑imwe. Araabha omwayika emisango jinu jitakumenyekana, niga unu kaatura okusombookerwa jinu omwayika? Awo jinu omwayika ejigegwa na omuyaga.

Matayo 11:12

Okusookerera jisiku jinu Yowana Omubhatiija aariga ˆnaaraasya okukingira reero inu, abhaanu abheekomeesya okwingira mu‑bhukama bhwa mu‑rwire kwa amanaga, na abhaanu bha amanaga nibho abhabhubhona.

Bagalatia 2:2

꞉Naariinyire okugenda eyo ku‑mwanya ogwo, kwa okubha Nyamuwanga aariga answeruriiye ati nigende. Nichibhugana na abhatangasya bha rikanisa mu‑bhumbise. Nimbabhwira Emisango ja Ekisi jinu naariga nindaasya ku‑bhanu bhatari Bhayawudi. ꞉Naaramuuye okusangira aamwi nabho ejo, korereki emirimu jinu naariga ninkora na jinu enigenderera okukora jaasiga okubha ja okufwirwa‑mo.

2 Timoteo 4:7

Nirwanire riremo kisi, orugendo rwani nirumarire kisi, ka wone eriikirisya ryani nirigwatiriiye ngʼanyangʼanya.

Baeburania 12:1

Mbe, kwa okubha chiri na echise echinene echo cha abhabhambaasi bhanu bhachisingiiye, chisoosye‑wo joone jinu ejichiyingirira na okusiga ebhibhiibhi bhinu bhichumiriiye‑ko. Ka wone chiikomeesye okukora jinu Nyamuwanga ateeye imbere yeeswe, rwa omuunu unu kaabhirima muno mu‑bhwigumiirisya.