1 Bakorinto 9:1 - Indagano Inyaaya mu-Chijita

¹ Woori, anye nitari mwitaage? Anye nitari tumwa? Anye ꞉nitaarorere Raatabhugenyi weeswe Yeesu? Ka wone emirimu jinu anye ꞉naakorere jitari nijo jinu jikorere emwe mwikirisye Raatabhugenyi?

INDAGANO INYA:YA

¹ ?Anye nitari mwibure? ?Anye nitari ntumwa? ?Nitarorere Yesu Kristo Ratabugenyi? ?Ka emwe mutari murimu gwani mu Ratabugenyi?

1 Bakorinto 9:1 Referans Kwoze

Ebikorwa 9:17

Mbe, Ananiiya ˆnaagenda, ˆneengira mu‑nju eyo. ˆNaamutuura‑ko amabhoko, ˆnaayika ati, “Saawuri waasu, Raatabhugenyi aantuma kw‑awe, korereki urore na wijusibhwe Mwoyo Mweru. Raatabhugenyi oyo niwe Yeesu, unu ꞉aakusoromokeeye ku‑njira omwanya gunu waajaga enu.”

1 Timoteo 2:7

Nikwo okukora anye ꞉naateeywe‑wo okubha omuraasya na okubha itumwa. Ka wone ꞉naateeywe‑wo okubha omwiyigisya wa abhaanu bhanu bhatari Bhayawudi, korereki nibhe nindaasya emisango ja eriikirisya na echimari. Enaayika echimari, nitakubheeya wuri.

1 Bakorinto 3:6

Anye ꞉naayambire jimbibho, Apooro ˆnaajiitirira amanji, nawe Nyamuwanga niwe aariga ˆnaamesya na okukusya.

Ebikorwa 23:11

Mu‑ngeta ya orusuku orwoorwo, Raatabhugenyi ˆneemereeguru ayeeyi na Pawuro, ˆnaamubhwira ati, “Fungʼama! Rwa kutyo wansoosisya obhubhambaasi Yerusareemu anu, nikwo kutyo wone ni bhusibhusi unsoosisye obhubhambaasi na mu‑musi gwa Ruumi.”

Ebikorwa 9:3

Niwo, Saawuri ˆnaamba orugendo rwaye rwa okugenda Damaasiko. Omwanya gunu aariga ˆnaarebherera omusi ogwo, obhweru okusooka mu‑rwire, nibhumungʼarabhisya mbaara joone.

1 Bakorinto 9:19

Anye nitari mugaya wa omuunu woonewoone, niri mwitaage. Nawe niiteeye‑wo okubha omugaya wa abhaanu bhoone, korereki okusakira abhaanu bhaafu bheekirisye Kirisito.

2 Timoteo 1:11

Anye nisorerwe korereki nibhe omuraasya, itumwa na omwiyigisya wa Emisango ja Ekisi ejo.

Bagalatia 5:1

Kirisito achiyaaye obhwitaage, korereki chiikare mu‑bhwitaage obhwo. Kurwa ejo, mwimereeguru murumateene, mwasiga okwikirisya okusubha rindi mu‑bhugaya bhwa ebhiraagiro.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

Bagalatia 1:1

Inyarubha inu, niikaamire anye Pawuro. Anye ꞉nitaatumirwe na abhaanu amwi okuragirirwa na omuunu omurebhe, tari ꞉naatumirwe na Yeesu Kirisito omwene na Raata Nyamuwanga unu ꞉aasuuruuye Yeesu okusooka mu‑bhafuuwe.

1 Batesalonika 2:6

Eswe chaariga chitakukena abhaanu bhachikuuye, ka wone chaariga chitakukena emwe noorwo abhaanu abhandi bhoone bhachikuuye. Noorwo kutyo eswe chiri jitumwa ja Kirisito, chaakeendere ebhiinu ebhirebhe okusooka kw‑imwe, nawe ꞉chitaakorere kutyo.

2 Bakorinto 11:5

Anye nitakwirora ati niri mutooto okukira bhanu abheerora wuti nibho jitumwa jingʼuru.

1 Bakorinto 1:1

Inyarubha inu, niikaamire anye Pawuro, niri aamwi na Sositeene omuyiri weeswe mu‑riikirisya. Anye Pawuro ꞉naabhirikiiywe okubha itumwa ya Kirisito Yeesu mu‑kwenda kwa Nyamuwanga.

Barumi 11:13

Woori, enaayika na emwe bhanu mutari Bhayisirayeeri. Chimari Nyamuwanga ꞉aantumire nibhe itumwa inguru ya abhaanu bhanu bhatari Bhayisirayeeri. Enikusya emirimu jinu niyaaywe,

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Ebikorwa 14:14

Nawe jitumwa Bharinaabha na Pawuro bhejire bhaamenya ejo, nibhatemura emyenda jeebhwe kwa okuruguura. Nibhabhirima na okwingira mu‑chise echo, nibhabhabhwiraga kwa obhuraka bhunene ati,

Ebikorwa 14:4

Nawe abhaanu bha omusi ogwo, nibhaawukana makiju gabhiri. Rikiju rimwi niribha orubhaara rwa Abhayawudi abharebhe bhanu ꞉bhaaremere Yeesu, rikiju erindi niribha orubhaara rwa jitumwa.

Ebikorwa 13:2

Bhunu bhaariga nibharamya Raatabhugenyi na okwiyima okurya ebhiryo, Mwoyo Mweru ˆnaabhabhwira ati, “Munsorere Bharinaabha na Saawuri ku‑mirimu jinu nibhabhirikiriiye.”

Ebikorwa 9:15

Nawe Raatabhugenyi ˆnaabhwira Ananiiya ati, “Genda era! Omuunu oyo, naamusora abhe omukosi waani, korereki araasye risiina ryani ku‑bhaanu bhanu bhatari Bhayawudi, ku‑bhakama bheebhwe na ku‑Bhayisirayeeri abheene.

Ebikorwa 9:5

Saawuri ˆnaayika ati, “Raatabhugenyi awe, naawe ga?” ˆNaamubhwira ati, “Anye naanye Yeesu, unu awe owunnyaasya.

1 Bakorinto 10:29

Omwanya gunu enaayika, “Inguru ya omutima,” nitakwayika inguru ya emitima jeemwe, tari inguru ya omutima gwa omuunu unu aabhabhwira. Nawe kurwa ki okubhuurwa mu‑mutima gwa owundi, kuyingirire obhwitaage bhwani?

1 Bakorinto 10:30

Araabha anye enirya ebhiryo ebhyo mu‑kusiima Nyamuwanga, kurwa ki nifumwe ku‑songa ya ebhiryo bhinu naasiima Nyamuwanga?

1 Bakorinto 11:16

Nawe araabha omuunu keenda okubhambaara inguru ya emisango ejo, amenye ati eswe chitari na akatungiiywe akandi okukira ako, noorwo mu‑makanisa ga Nyamuwanga katari‑mo akatungiiywe akandi.

2 Bakorinto 10:7

Emwe omuringira era jinu ejibhonekana mu‑meeso geemwe! Omuunu woonewoone unu keerora ati omwene ni muunu wa Kirisito, eechuke ati, eswe wone chiri bhaanu bha Kirisito, rwa omwene.