1 Bakorinto 8:3 - Indagano Inyaaya mu-Chijita

³ Nawe omuunu unu keenda Nyamuwanga, oyo niwe kaamenyekana ku‑Nyamuwanga omwene.

INDAGANO INYA:YA

³ Nawe omu:nu akenda Nyamuanga, oyo kaba amenyekere ku Mwene.

1 Bakorinto 8:3 Referans Kwoze

2 Timoteo 2:19

Nawe abhaanu bhanu bheemereeguuyu bharumateene, bhari rwa orufuka runu ruteeywe‑wo na Nyamuwanga. Orufuka orwo rurumateene ndi. Inguru yaarwo ruri‑ko orunabho runu rukaamirwe ati, “Raatabhugenyi kaamenya abhaanu bhaaye,” ka wone, “Omuunu woonewoone unu kaayika ati, omwene ari rubhaara rwa Raatabhugenyi, asige ebhibhiibhi.”

1 Bakorinto 2:9

Nawe jiri rwa kutyo jikaamirwe mu‑Bhikaame Ebhyeru ati, “Atari‑wo omuunu unu areraabhire okujirora noorwo okujuungwa, atari‑wo omuunu unu areraabhire okujituura mu‑mwoyo gwaye, emisango jinu Nyamuwanga ꞉eeraabhiiye bhanu abhamwenda.”

Bagalatia 4:9

Nawe woori, omumenya Nyamuwanga na omwene wone kaabhamenya muno. Woori ni kurwa ki omusubha okuramya obhutinge bhwa akatungiiywe bhwa echaaro chinu? Obhutinge obhwo, bhutari na obhuturo noorwo obhugajuro bhwonebhwone. Amwi omwenda rindi okubha abhagaya bhaabhwo?

Obhusweruro 2:19

Enimenya ebhikorwa bhyemwe. Enimenya wone eryenda ryemwe, eriikirisya ryemwe, obhukosi bhwemwe na obhwigumiirisya bhwemwe. Ka wone, enirora ati, emwe woori omukora kisi muno, okukira kutyo mwariga nimukora ku‑bhwambiro.

Yakobo 1:12

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.

Yowana 10:14

“Anye naanye omureefi wa ekisi. Nimenyere kisi jinaama jaani, ejeene wone jimmenyere,

Matayo 7:23

Awo niwo niribhabhwira abhwerubhweru ati, ‘Nitakubhamenya emwe noorwo na akatyari! Musooke anu, emwe abhakosi bha ebhibhiibhi!’

1 Yoana 4:19

Woori, eswe echeenda Nyamuwanga na abheejaasu, kwa okubha omwene niwe ꞉aatangatire okucheenda eswe.

Obhusweruro 2:9

Enimenya ebhinyaasyo bhyemwe na obhutaka bhwemwe. Nawe chimari emwe muri bhaniibhi! Ka wone, enimenya amafumo ganu omufumwa. Amafumo ago agasoosibhwa na bhanu abheetoga ati, ni bhaana bha Nyamuwanga, nawe bhatari abhaana bha Nyamuwanga, abheene ni bharuubhirisya bha Syetaani.

1 Petero 1:8

Emwe muchaariga okumurora, nawe mumwendere. Ka wone, noorwo kutyo mutakumurora woori, nawe omumwikirisya. Kurwa ejo, omukonderwa rikonderwa rinu ritakwayikwa na rinu riijuuye rikusyo,

Obhusweruro 2:13

Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.

Yowana 21:17

Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

Barumi 11:2

Nyamuwanga ataremere abhaanu bhaaye bhanu ꞉aabhamenyere noorwo echaaro chichaari okubhumbwa. Amwi mutakumenya chinu Ebhikaame Ebhyeru ebhyayika inguru ya omuragi Yeeriya? Omwanya gunu ꞉aajujuumiiye Nyamuwanga inguru ya Abhayisirayeeri, ꞉aayikire ati,

1 Bakorinto 13:12

Ebhiinu bhinu echirora woori, echibhirora mw‑irore wuti bhiri mu‑rukoowa, nawe omwanya gunu oguuja chiribhirora bhyone abhwerubhweru. Woori enimenya kutooto era, nawe omwanya gunu oguuja nirimenya kisi rwa kutyo anye nimenyerwe na Nyamuwanga.

1 Yoana 4:7

Abheendwa bhaani mu‑riikirisya, cheendane, kwa okubha eryenda erisooka ku‑Nyamuwanga. Omuunu woonewoone unu keenda abheejaabho, ni mwana wa Nyamuwanga, ka wone niwe kaasombookerwa Nyamuwanga.