1 Bakorinto 8:1 - Indagano Inyaaya mu-Chijita

¹ Woori enija okwayika inguru ya ebhiryo bhinu bhisyengeeywe ku‑masusano. Rwa kutyo omwayika, chimenyere ati, “Eswe bhoone chiri na obhumenyi.” Nawe obhumenyi obhukora abhaanu okwikuuya. Tari eryenda niryo erikomeesya abhaanu mu‑riikirisya.

INDAGANO INYA:YA

¹ Ku bigambo bya binu abatambira ebisusano, cimenyere ati, bo:ne ciri no bumenyi. Obumenyi obure:ta ecigundu, nawe okwenda okumbaka.

1 Bakorinto 8:1 Referans Kwoze

1 Bakorinto 8:7

Nawe jitari ati abhaanu bhoone bhari na obhumenyi obhwo, kwa okubha bhari‑wo abhandi bhanu bhaariga bhari na jitungwa ja okuramirisya amasusano. Noorwo woori, omwanya gunu abharya ebhiryo bhinu bhisyengeeywe ku‑masusano, ebhiryo ebhyo ebhibhakora okwiganirisya amasusano. Awo abheerora mu‑mitima jeebhwe ati abhakora echibhiibhi, kwa okubha bhachaari okurumatana mu‑riikirisya.

Barumi 14:3

Omuunu unu kaarya choonechoone chirya, aasiga okugaya owundi unu kaarya emikubhi era. Omuunu unu kaarya emikubhi era, wone aasiga okuramura owundi unu kaarya choonechoone chirya, kwa okubha Nyamuwanga aamukuma rwa kutyo ari.

Obhusweruro 2:14

Nawe, muri na emisango emitooto jinu jichaannyaasya. Agati yeemwe bhari‑wo abhaanu bhanu abharuubha ameeyigisyo ga Bharaamu. Bharaamu oyo, ꞉eeyigisiisye Bharaaki okuteganya Abhayisirayeeri korereki bhakore echibhiibhi cha okurya ebhiryo bhinu bhyariga bhisoosiibhwe echoogo ku‑masusano na okukora obhuromesi.

1 Bakorinto 8:4

Woori inguru ya okurya ebhiryo bhinu bhisyengeeywe ku‑masusano, echimenya ati amasusano ganu agaramirisibhwa, gatari chiinu ku‑chaaro kunu. Ka wone echimenya ati ari‑wo Nyamuwanga umwi wenyere.

1 Bakorinto 8:2

Araabha omuunu keerora ati kaamenya omusango omurebhe, oyo achaari okumenya gwonegwone rwa kutyo keendwa amenye.

Barumi 15:14

Abhayiri bhaani, anye omwene enimenya chimari ati muri bhaanu bha ekisi muno, na mumenyere kisi jinu mwenderwe okukora, ka wone muri na obhuturo bhwa okwiyigisyanya.

Baefeso 4:16

Kirisito niwe kaagwatanya omubhiri gwone aamwi na omubhiri gwone ogumbakwa ku‑bhusakisi bhwa ebhiwuga ebhindi. Omwanya gunu bhuri chungo cha omubhiri echikora omurimu gwacho kisi, omubhiri gwone ogukura na bhuri chungo echeendana na echeejabho.

1 Bakorinto 15:34

Mupaapuke mubhe na obhwenge rwa kutyo mukenerwe, musige okukora ebhibhiibhi. Abhandi agati yeemwe bhatakumenya Nyamuwanga. Enaayika ejo, korereki nibhaswasye.

Ebikorwa 15:29

Musige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa na okukora obhuromesi. Araabha mukasigana na ejo, niwo omubha mukorere kisi. Jibhe kutyo.”

1 Bakorinto 10:28

Nawe araabha omuunu akabhabhwira ati, “Ebhiryo bhinu bhisyengeeywe ku‑masusano,” awo mwasiga okurya ebhiryo ebhyo, inguru ya omuunu unu aabhabhwira, ka wone inguru ya omutima.

Ebikorwa 21:25

Nawe ku‑rubhaara rwa abhaanu bhanu bhatari Bhayawudi, bhanu abheekirisya Yeesu, ꞉chaabhakaamiiye inyarubha rwa kutyo ꞉chaaramuuye. ꞉Chaaramuuye ati, bhasige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa, na okukora obhuromesi.”

Ebikorwa 15:10

Mbawo woori omwenda okuregeeja Nyamuwanga kwa okutwikya abheeyigisibhwa abho obhusito bhunu, eswe abheene wone obhuchitama? Noorwo bhasaaja weeswe wone, ꞉bhwabhatamire!

Obhusweruro 2:20

Nawe, muri na omusango gumwi gunu guchaannyaasya. Emwe omwikirisisya omugasi unu kaatogwa ati Yejebheeri. Omwene keetoga ati ni omuragi, nawe atari omuragi. Mumwikirisiisye abhajige emwe abhakosi bhaani, kwa okubheeyigisya mukore obhuromesi na okurya ebhiryo bhinu bhisoosiibhwe echoogo ku‑masusano.

Bakolosai 2:18

Bhari‑wo abhaanu bhanu abhakomeeresya muno emisango ja okwikeeya kwa anja na eja okuramya bhamaraayika. Mwasiga okubheekirisisya bhabhateesye echiyaanwa cheemwe. Abhaanu abho abheekuuya na okwayika ati bhaarora emisango ejo mu‑bhiroro. Nawe chimari, bhawosoosokere mu‑bhwiganirisya bhwebhwe obhubhiibhi kwa okubha ni bhwa echaaro.

1 Bakorinto 14:20

Abhayiri bhaani mu‑riikirisya, mwasiga okwiganirisya rwa abhaana abharera, tari mwiganirisyega rwa abhaanu abhakuru. Nawe inguru ya obhubhiibhi, mubhe rwa abhaana abharera.

1 Bakorinto 5:6

Orwikuuya rwemwe rutari rwa kisi. Mutakumenya ati echifwimbya chitooto era, echisangʼarasya echirengo choone?

1 Bakorinto 5:2

Kurwa ki emwe omwikuuya? Ni akiri mukasurumbaaye na okusoosya agati yeemwe omuunu unu kaakora ejo!

1 Bakorinto 4:18

Woori abhandi agati yeemwe abheekuuya, kwa okubha abheetogera ati nitariija rindi kw‑imwe eyo.

1 Bakorinto 4:10

Abhaanu bhaafu abhachirora ati chiri bhamuumu, kwa okubha echikorera emirimu Kirisito, nawe emwe omwirora ati muri abha obhwengeeso kwa okubha omuruubha Kirisito. Eswe echibhonekana ati chiri bhajorobhoke, nawe emwe omwirora ati muri na amanaga. Eswe echigaywa, nawe emwe omwirora ati muri na echibharo.

1 Bakorinto 1:5

Mu‑kubha na obhumwi na Kirisito muniibhire mu‑bhuri musango, chimwichimwi mu‑kwayika kwemwe na mu‑bhumenyi bhwemwe.

Barumi 14:22

Woori awe, chinu owikirisya inguru ya emisango ejo, chibhe chaawo na Nyamuwanga waawo era. Ari na ribhando omuunu unu atakwiramura omwanya gunu kaakora echiinu chinu kaarora ati ni cha kisi.

Barumi 14:14

Okuruubhana na ameeyigisyo ga Raatabhugenyi Yeesu, enimenya chimari ati, bhitari‑wo ebhiryo bhyonebhyone ebhijabhi. Nawe araabha omuunu kaarora ati ebhiryo ebhirebhe ni bhijabhi, awo niwo ebhiryo ebhyo bhyabha ebhijabhi ku‑mwene.

Barumi 14:10

Woori, awe naawe ga unu owuramura omwikirisya oweejaanyu? Awe wone, kurwa ki owugaya oweejaanyu? Eswe bhoone chiriimereeguru imbere ya echitebhe cha indamu cha Nyamuwanga, na ariramura bhuri umwi weeswe.

Barumi 12:16

Mwikare kwa obhwira bhumwi emwe abheene kwa abheene. Kutyo, musigega okwikuuya, tari mwikeeyega, mubhega na obhusangi na abhaanu abha obhukene. Musigega okwirora ati neemwe abha obhwenge era.

Barumi 11:25

Abhayiri bhaani, eneenda mumenye inguru ya obhutinge bhwa imbisike ya Nyamuwanga bhunu ꞉bhwabhisirwe kara, korereki mwasiga okwirora ati muri bheengeeso muno. Mumenye ati ni Bhayisirayeeri bharebhe abha emyoyo emikomeeye, bhanu bharigenderera okukingira omwanya gunu Nyamuwanga ariikirisya ati obhukumi bhwa abhaanu bhanu bhatari Bhayisirayeeri okuramira obhuchungusi bhwakuumira.

Barumi 14:19

Kurwa ejo, chiikomeesye omwanya gwone okukora emisango jinu ejireeta omurembe na jinu ejirumatanya abheejaasu mu‑riikirisya ryeswe.

1 Bakorinto 4:6

Abhayiri bhaani mu‑riikirisya, naayika emisango ejo joone inguru yaani na Apooro, korereki chibhe echijekekanyo kw‑imwe. Okuruubhana na echijekekanyo echo, musombookerwe jinu ejaayikwa mu‑nyaayika inu ati, “Mwasiga okusaagirisya jinu ꞉jaakaamirwe mu‑Bhikaame Ebhyeru.” Araabha omuruubha inyaayika eyo, ataribha‑wo omuunu woonewoone unu arikuuyisya omuunu umwi na okugaya owundi.

1 Bakorinto 10:15

Enaayika na emwe bhanu muri na obhwenge, kutyo muramure emwe abheene inguru ya jinu enaayika.