1 Bakorinto 7:17 - Indagano Inyaaya mu-Chijita

¹⁷ Bhuri muunu eekare okuruubhana na obhutinge bhwa Raatabhugenyi, ka wone asigare rwa kutyo aariga ari, omwanya gunu Nyamuwanga ꞉aamubhirikiiye. Nikwo kutyo eniragirira mu‑makanisa goone.

INDAGANO INYA:YA

¹⁷ Mbe nawe bibe ku mu:nu wo:ne rwa kutyo Ratabugenyi amugabiye. Mu:nu wo:ne aribatega rwa kutyo Nyamuanga amubirikiye. Nikwo kutyo eniragirira na mu kanisa jo:ne.

1 Bakorinto 7:17 Referans Kwoze

1 Bakorinto 4:17

Ku‑songa eyo, ꞉naatumire Timoteewo, omwana waani omwendwa, unu ari mwiyikanyibhwa ku‑mirimu ja Raatabhugenyi. Omwene kaja okubheechukya kutyo anye eniruubha Kirisito, jiri rwa kutyo eniiyigisya abhaanu bhuri rubhaara mu‑makanisa goone.

1 Bakorinto 7:24

Abhayiri bhaani mu‑riikirisya, bhuri muunu asigare ari imbere ya Nyamuwanga rwa kutyo aariga ari, omwanya gunu ꞉aabhirikiiywe nage.

2 Bakorinto 8:18

Aamwi na Tiito, echituma wone na omuyiri weeswe owundi mu‑riikirisya, unu jikuma jaaye ku‑mirimu ja okuraasya Emisango ja Ekisi jiswireene mu‑makanisa goone.

2 Bakorinto 11:28

Aamwi na ejo joone, bhuri rusuku enisitoyerwa na emirimu jaani ku‑makanisa goone.

1 Bakorinto 7:18

Araabha omuunu ꞉aabhirikiiywe na Nyamuwanga omwanya gunu aariga atenderwe, aasiga okwikora wuti ꞉ataatenderwe. Ka wone, araabha omuunu ꞉aabhirikiiywe na Nyamuwanga omwanya gunu aariga achaari okutendwa, aasiga okutendwa.

1 Bakorinto 7:7

Anye naakeendere abhaanu bhoone bhabhe rwa kutyo anye niri, nawe jitari kutyo kwa okubha bhuri muunu Nyamuwanga amuyaaye echiyaanwa chaaye, owumwi echiyaanwa chinu, owundi chirya.

1 Bakorinto 14:33

kwa okubha Nyamuwanga weeswe atari wa injogere, tari ni wa omurembe. Rwa kutyo jiri mu‑makanisa goone ga abheeru bha Nyamuwanga,

Matayo 19:12

Enaayika kutyo, kwa okubha bhari‑wo abharume abhandi bhanu bhatakutwara kwa okubha bheebhuuywe bhari bhajigaru. Abhandi bhatakutwara kwa okubha abhaanu bhabhakonere korereki bhasige okwibhura. Ka wone, bhari‑wo abhandi bhanu bhatakutwara inguru ya obhukama bhwa mu‑rwire. Omuunu woonewoone unu kaatura okwikirisya omusango ogwo, agwikirisye.”

1 Bakorinto 16:1

Woori enija okwayika inguru ya obhusoroosya bhwa okusakira abheekirisya bha mu‑musi gwa Yerusareemu. Emwe wone mukore rwa kutyo ꞉naabhwiriiye abhaanu bha mu‑makanisa ga mu‑mukoowa gwa Garaatiya.

1 Bakorinto 10:32

Mwasiga okubha echiikuujuro ku‑Bhayawudi, ku‑bhaanu bhanu bhatari Bhayawudi, noorwo mw‑ikanisa rya Nyamuwanga.

1 Bakorinto 11:16

Nawe araabha omuunu keenda okubhambaara inguru ya emisango ejo, amenye ati eswe chitari na akatungiiywe akandi okukira ako, noorwo mu‑makanisa ga Nyamuwanga katari‑mo akatungiiywe akandi.

1 Bakorinto 11:34

Araabha omuunu ari na omweko, aryega iika ewaaye, korereki okwikumanya kwemwe aamwi, kwasiga okukora muramurwe. Amaragiriro agandi ganu gasigaaye, niribhayaana omwanya gunu niriija.

Bagalatia 1:22

Omwanya ogwo, anye naariga nitakumenyekana ku‑bhaanu bhanu ꞉bheekirisiisye Kirisito, mu‑makanisa ganu gari mu‑mukoowa gwa Yuudeya.

1 Batesalonika 2:14

Abhayiri bheeswe, emisango jinu ꞉jaabhwene abhaanu bhanu ꞉bheekirisiisye Kirisito Yeesu, mu‑makanisa ga Nyamuwanga mu‑mukoowa gwa Yuudeya, nijo jibhabhwene emwe wone. Abhaanu bheemwe ꞉bhaabhanyaasiisye emwe, rwa abheene kutyo bhaanyaasiibhwe na Abhayawudi bheejaabho.

2 Batesalonika 1:4

Eswe wone, echikonderwa muno bhunu echisimura inguru yeemwe, mu‑makanisa ga Nyamuwanga. Echikondererwa kutyo omugenderera na obhwigumiirisya bhwemwe na eriikirisya ryemwe noorwo mu‑bhinyaasyo bhyone bhinu omubhona.