1 Bakorinto 5:3 - Indagano Inyaaya mu-Chijita

³ Noorwo kutyo anye niri kura na emwe, nawe niri aamwi na emwe echinyamwoyo, na naamarire okuramura omuunu oyo. Ogwo nigwo naakakorere, araabha naakabheeye niri eyo.

INDAGANO INYA:YA

³ Okuba anye norwo nitario mu mubiri, nawe eniba ndiwo mu mwoyo. Mbe oyo akorere ecikorwa eco anye ndamarire okumutemera eci:na mwisima rya Ratabugenyi Yesu, niri uti ndiwo.

1 Bakorinto 5:3 Referans Kwoze

Bakolosai 2:5

Enaayika ejo noorwo kutyo nitari aamwi na emwe echinyamubhiri, nawe niri aamwi na emwe echinyamwoyo. Enikonderwa, kwa okubha enuungwa inguru ya obhumwi bhwemwe na okurumatana kwa eriikirisya ryemwe ku‑Kirisito.

1 Batesalonika 2:17

Mbe, abhayiri bheeswe, okusigana kweswe na emwe, kwariga kuri kwa katungu kafuyi era. Ka wone, ꞉chaasigeene chinyamubhiri era, nawe ꞉chitaasigeene chinyamwoyo. Ku‑mwanya ogwo gwone, chaariga nichiigomba okubhugana na emwe rindi.

2 Bakorinto 13:2

Omwanya gunu ꞉neejire kw‑imwe rwa kabhiri, ꞉naabhwiriiye bhanu bhaariga bhakorere ebhibhiibhi ati, omwanya gunu niriija rindi, nitaribhafwira echigongo. Noorwo kutyo anye nitari na emwe eyo, enibhwira abhaanu abhandi bhoone ati, omwanya gunu niriija rindi kw‑imwe, nitaribhafwira echigongo.

2 Bakorinto 10:11

Omuunu unu kaayika kutyo, asombookerwe ati, jinu echibhakaamira omwanya gunu chiri kura na emwe, nijo jinu chirikora omwanya gunu chiribhaga chiri aamwi na emwe.

2 Bakorinto 10:1

Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

1 Bakorinto 5:12

Mbe woori, gutari murimu gwani okuramura bhanu bhatari bheekirisya. Abho Nyamuwanga omwene niwe aribharamura. Nawe emwe mwiyire okuramura bhanu bhari mw‑ikanisa, rwa kutyo jikaamirwe mu‑Bhikaame Ebhyeru ati, “Mubhirimye omuunu omubhiibhi asooke mw‑imwe.”