1 Bakorinto 4:6 - Indagano Inyaaya mu-Chijita

⁶ Abhayiri bhaani mu‑riikirisya, naayika emisango ejo joone inguru yaani na Apooro, korereki chibhe echijekekanyo kw‑imwe. Okuruubhana na echijekekanyo echo, musombookerwe jinu ejaayikwa mu‑nyaayika inu ati, “Mwasiga okusaagirisya jinu ꞉jaakaamirwe mu‑Bhikaame Ebhyeru.” Araabha omuruubha inyaayika eyo, ataribha‑wo omuunu woonewoone unu arikuuyisya omuunu umwi na okugaya owundi.

INDAGANO INYA:YA

⁶ Nawe, bairi, emisango ejo najijekekanyisye kwanye na ku Apolo kurwemwe, korereki mwiigirire kwiswe, mutasa:girira mu jinu jandikirwe, omunu wo:ne asigega kwikuisya kubwo umwi kukira oundi.

1 Bakorinto 4:6 Referans Kwoze

2 Bakorinto 11:4

Enaayika kutyo, kwa okubha emwe muri bhaangu okuramira omuunu unu kaaja okuraasya emisango inguru ya Yeesu, jinu jitaasyanyiisye na jinu eswe ꞉chaaraasiisye. Ka wone, omuramira omwoyo ogundi, amwi emisango ejindi bhwangubhwangu era, noorwo kutyo ejitaasyanya na jinu ꞉mwaramiiye okusooka kw‑iswe.

2 Bakorinto 12:19

Amwi omwitogera ati omwanya gunu gwone cheebhagira imbere yeemwe. Nawe echaayika emisango jinu imbere ya Nyamuwanga, chiri na obhumwi na Kirisito. Abheendwa bhaani, joone jinu echikora, ni inguru ya okubhasakira murumatane mu‑riikirisya.

2 Bakorinto 12:6

Noorwo araabha naakeendere okwikuuya, nitaakabheeye omutaamutaamu, kwa okubha naakabheeye ninaayika echimari. Nawe eniyingirira okwikuuya, korereki omuunu woonewoone aasiga okundora ati, niri wa ngʼoryo muno okukira jinu abharora na okuungwa okusooka kw‑anye.

Bakolosai 2:18

Bhari‑wo abhaanu bhanu abhakomeeresya muno emisango ja okwikeeya kwa anja na eja okuramya bhamaraayika. Mwasiga okubheekirisisya bhabhateesye echiyaanwa cheemwe. Abhaanu abho abheekuuya na okwayika ati bhaarora emisango ejo mu‑bhiroro. Nawe chimari, bhawosoosokere mu‑bhwiganirisya bhwebhwe obhubhiibhi kwa okubha ni bhwa echaaro.

1 Batesalonika 1:5

Echimenya kutyo, kwa okubha omwanya gunu ꞉chaabharaasisiisye Emisango ja Ekisi inguru ya Yeesu, ꞉chitaabharaasisiisye emisango era. Tari okuraasya kweswe, ꞉kwaruubheene na ebhiruguusyo bhinu bhyakorwaga na Mwoyo Mweru. ꞉Chaaraasiisye chimenyere kisi ati, emisango ejo ni ja echimari. Emwe abheene mumenyere kutyo chaariga chiri aamwi na emwe, korereki chibhasakire.

Barumi 12:3

Woori, Kirisito anaaye obhwitiriranya nibhe itumwa yaaye. Kurwa ejo, enibhwira bhuri umwi weemwe ati, asige okwirora ati eeyire okukira kutyo ari, tari abhe na obhwengeeso. Mubhe nimwirora ati, bhuri muunu ayaaywe eriikirisya riryarirya na Nyamuwanga.

2 Bakorinto 10:7

Emwe omuringira era jinu ejibhonekana mu‑meeso geemwe! Omuunu woonewoone unu keerora ati omwene ni muunu wa Kirisito, eechuke ati, eswe wone chiri bhaanu bha Kirisito, rwa omwene.

2 Bakorinto 4:15

Emisango joone jinu echibhona, ni inguru yeemwe, korereki obhwitiriranya bhwa Nyamuwanga bhukingire abhaanu bhaafu muno, bhasiime muno Nyamuwanga. Ku‑gwo, Nyamuwanga arigenderera okukusibhwa.

1 Bakorinto 8:1

Woori enija okwayika inguru ya ebhiryo bhinu bhisyengeeywe ku‑masusano. Rwa kutyo omwayika, chimenyere ati, “Eswe bhoone chiri na obhumenyi.” Nawe obhumenyi obhukora abhaanu okwikuuya. Tari eryenda niryo erikomeesya abhaanu mu‑riikirisya.

1 Bakorinto 5:6

Orwikuuya rwemwe rutari rwa kisi. Mutakumenya ati echifwimbya chitooto era, echisangʼarasya echirengo choone?

1 Bakorinto 3:19

Akore kutyo, kwa okubha obhwengeeso bhwa echaaro chinu, ni bhumuumu imbere ya Nyamuwanga. Jiri rwa kutyo jikaamirwe mu‑Bhikaame Ebhyeru ati, “Nyamuwanga kaakoma abha obhwengeeso mu‑bhurigerige bhwebhwe.”

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

2 Bakorinto 10:15

Ka wone chitakwikuuya inguru ya omurimu gwa abhaanu abhandi, omurimu gunu eswe ꞉chitaayaaywe. Tari echiiyikanya ati, rwa kutyo eriikirisya ryemwe erigenderera okukura, nikwo kutyo omurimu gweswe agati yeemwe guribhaga nigwiyongesya.

2 Bakorinto 10:12

Eswe chitakuregeeja okwituura mu‑chise chimwi, amwi okwiringʼaanya na abhaanu bhanu abheekondya abheene. Abheene ni bhamuumu, kwa okubha abheekora wuti niyo indengo ya okwirengera abheene kwa abheene na okwiringʼaanya abheene kwa abheene.

1 Bakorinto 13:4

Eryenda erikora omuunu eegumiirisye, abhe owa ekisi, atakubha na orwiso, atakwikuuya, ka wone atakubha na echigundu.

1 Bakorinto 9:23

Enikora ejo joone inguru ya Emisango ja Ekisi, korereki nisangire na abhandi mu‑mabhando gaajo.

1 Bakorinto 5:2

Kurwa ki emwe omwikuuya? Ni akiri mukasurumbaaye na okusoosya agati yeemwe omuunu unu kaakora ejo!

1 Bakorinto 3:21

Woori omuunu woonewoone aasiga okwikuuya isonga iri ati omwene ni muruubhirisya wa omuunu omurebhe, kwa okubha eswe bhoone Nyamuwanga achiteeye‑wo okubhasakira emwe,

1 Bakorinto 1:31

Jiri rwa kutyo jikaamirwe mu‑Bhikaame Ebhyeru ati, “Omuunu woonewoone unu keekuuya, eekuuye inguru ya Raatabhugenyi.”

1 Bakorinto 1:19

Jiri rwa kutyo jikaamirwe mu‑Bhikaame Ebhyeru ati, “Abhaanu abha obhwengeeso nirinyamura obhwengeeso bhwebhwe. Abhamenyi nirirema obhumenyi bhwebhwe.”

1 Bakorinto 1:12

Woori, jinu eneenda okwayika nijo jinu, ati, bhuri muunu agati yeemwe kaayika jaaye. Owumwi kaayika ati, “Anye niri wa Pawuro.” Owundi kaayika ati, “Anye niri wa Apooro.” Owundi kaayika ati, “Anye niri wa Keefa.” Owundi kaayika ati, “Anye niri wa Kirisito.”

Ebikorwa 18:24

Mbe Omuyawudi umwi, omwibhurwa wa mu‑musi gwa Arekijandiriya risiina ryaye Apooro, ˆnaaja Yefeeso. Apooro oyo aariga ari muunu owa obhuturo bhunene bhwa okusimura na okusombookerwa kisi Ebhikaame Ebhyeru.

Ebikorwa 19:1

Omwanya gunu Apooro aariga ari Koriito eyo, Pawuro ꞉aaturire mu‑misi ja mu‑bhiima, ˆnaakinga mu‑musi gwa Yefeeso. Eyo ꞉aasongʼeene‑yo abheeyigisibhwa abharebhe,

2 Bakorinto 12:20

Enuubhaya ati, omwanya gunu niribhaaja‑ko, amwi niribhasongʼana muri na akatungiiywe kanu katakunkondisya. Eryo ririreterera nikore jinu jitaribhakondera emwe. Enuubhaya ati enitura okubhasongʼana muri na inyombo, orwiso, risungu, orwango, okuromana, okwitemeeka, orwikuuya na injogere.