1 Bakorinto 4:15 - Indagano Inyaaya mu-Chijita

¹⁵ kwa okubha noorwo kutyo muri na abheeyigisya bhaafu muno bhanu abhabhaangarira mu‑Kirisito, esomwana ni umwi. Anye naariga niri esomwana mu‑Kirisito Yeesu, kwa okubharaasisya Emisango ja Ekisi.

INDAGANO INYA:YA

¹⁵ Okuba nakabee muri na be:igisya bisira ekumi mu Kristo, nawe mutari na be:somwana ba:fu. Okuba anye nabe:buye mu Kristo Yesu kurwe Bigambo byo bwana.

1 Bakorinto 4:15 Referans Kwoze

Bagalatia 4:19

Abhaana bhaani mu‑riikirisya, anye enirumwa obhusungu rindi inguru yeemwe, rwa kutyo omugasi unu afugaaye kaarumwa obhusungu omwanya gwa okwibhura. Eniiyungwa kutyokutyo, okukingira anu itungwa ya Kirisito iribhonekana mu‑tungwa jeemwe.

1 Bakorinto 3:10

Nyamuwanga ku‑bhwitiriranya bhwaye aansakira okuumbaka orufuka rwa omuumbaki wa ekisi na owa obhwengeeso, na omuunu owundi koombaka inguru ya orufuka orwo. Nawe woori, bhuri muunu aangarire kisi, kutyo koombaka inguru yaarwo,

1 Bakorinto 9:23

Enikora ejo joone inguru ya Emisango ja Ekisi, korereki nisangire na abhandi mu‑mabhando gaajo.

1 Bakorinto 9:14

Ka wone Raatabhugenyi Yeesu aragiriiye kutyokutyo ati, bhanu abharaasya Emisango ja Ekisi, bhabhonega obhukene bhwebhwe okuruubhana na emirimu ejo.

1 Petero 1:23

kwa okubha mwibhuuywe rwa kabhiri. Okwibhurwa okwo, kutakusooka ku‑bheesomwana, abheene abhafwa, tari mwibhuuywe kwa omusango omuwanga gwa Nyamuwanga, ogwene ogugenderere okubha gwa echimari akajaanende koone.

Yakobo 1:18

Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.

Filemoni 1:19

Anye Pawuro, naakaama kwa okubhoko kwani omwene ati, nirikuriya. Nitakukena okukwichukya ati enikutonga, kwa okubha okuruubhana na okuraasya kwani, awe ꞉waachungukire.

Tiito 1:4

Enikukaamira awe Tiito, omwana waani wa echimari mu‑riikirisya rinu echisangira aamwi. Obhwitiriranya na omurembe okusooka ku‑Raata Nyamuwanga na ku‑Kirisito Yeesu Omuchungusi weeswe, bhibhe aamwi na awe.

2 Timoteo 4:3

Okubha guriija omwanya gunu abhaanu bharibhaga bhatakutegeresya ameeyigisyo ga echimari. Bharyenda okutegeresya ganu agabhakondisya era na okusora abheeyigisya bha okubheeyigisya ganu abheenda okuungwa.

1 Bakorinto 9:18

Woori echiyaanwa chaani niki? Echiyaanwa chaani nicho okuraasya Emisango ja Ekisi okuriywa wuri, okutonga wuri, chinu niiyire okuyaanwa inguru ya okuraasya Emisango ejo.

1 Bakorinto 9:12

Araabha abhandi bheeyire okubhona ebhiinu rwa ebhyo okusooka kw‑imwe, woori eswe, chiteeyire muno okuyaanwa ebhiinu ebhyo? Nawe eswe ꞉chitaatongere bhinu chiiyire okuyaanwa na emwe, tari cheegumiirisya mu‑joone, korereki chaasiga okuyingirira abhaanu okwikirisya Emisango ja Ekisi inguru ya Kirisito.

1 Bakorinto 3:6

Anye ꞉naayambire jimbibho, Apooro ˆnaajiitirira amanji, nawe Nyamuwanga niwe aariga ˆnaamesya na okukusya.

Barumi 15:20

Ku‑mirimu ejo joone, eniikomeesya okuraasya Emisango ja Ekisi ku‑mbaara jinu abhaanu bhachaariga okuraasibhwa emisango inguru ya Kirisito. Enikora kutyo, korereki nisige okwambisya bhuyaaya emirimu mu‑mbaara jinu omuunu owundi aamarire okujikora.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

1 Bakorinto 3:8

Unu kaayamba na unu keetirira amanji bhoone bheengeene, Nyamuwanga ariyaana bhuri umwi weebhwe omuyeero gwaye, okuruubhana na kutyo ꞉aakorere emirimu jaaye.

1 Bakorinto 9:16

Anye niteeyire okwikuuya ku‑songa ya okuraasya Emisango ja Ekisi, okubha ni bhusibhusi kw‑anye okuraasya omusango ogwo. Ka wone jirimbona araabha nitakuraasya Emisango ja Ekisi ejo.

1 Bakorinto 15:1

Woori, abhayiri bhaani mu‑riikirisya, enibheechukya Emisango ja Ekisi jinu ꞉naaraasiisye kw‑imwe, na emwe nimujiramira. Ejo nijo ejibhareterera okwimereeguru murumateene.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

Bagalatia 3:24

Ebhiraagiro bhya Muusa bhyariga nibhichitangasya rwa omuresi weeswe, okukingira omwanya gunu Kirisito ꞉eejire. Kurwa ejo woori, ni ku‑njira ya okwikirisya Kirisito era echitura okubharwa ati chiri bharengeresi imbere ya Nyamuwanga.

Bagalatia 3:25

Woori, kwa okubha eriikirisya mu‑Yeesu Kirisito ryakingire, chitari rindi emwaro ya ebhiraagiro, omuresi weeswe.