1 Bakorinto 4:14 - Indagano Inyaaya mu-Chijita

¹⁴ Nitakubhakaamira emisango jinu okubhaswasya, tari eneenda okubhakengya rwa abhaana bhaani abheendwa,

INDAGANO INYA:YA

¹⁴ Nitakwandika binu ati nibaswasye, nawe enibatongera rwa ba:na ba:ni abendwa.

1 Bakorinto 4:14 Referans Kwoze

1 Batesalonika 2:11

Omwichuka ati, omwanya gunu chaariga chiri kw‑imwe, chaakoreraga bhuri umwi weemwe rwa kutyo omwibhusi wa echirume kaakorera abhaana bhaaye. Chaariga nichibhakomeesya emyoyo, okubhasimbiisya na okubheerembeeresya,

3 Yoana 1:4

Chitari‑wo echiinu chinu echinkondisya muno, okukira okuungwa ati abhaana bhaani mu‑riikirisya abhagenderera okuruubha echimari.

1 Bakorinto 9:15

Nawe anye nichaariga okutonga noorwo echiinu chimwi ku‑bhinu niiyire okuyaanwa. Ka wone nitakukaama kutyo, korereki niyaanwe ebhyo. Kw‑anye ni akiri nifwe okukira okusakirwa ebhiinu okusooka kw‑imwe, kwa okubha nitakwenda omuunu woonewoone angaanye okwikuuya inguru ya okuraasya Emisango ja Ekisi, kwa okunaana ebhiinu.

1 Bakorinto 4:15

kwa okubha noorwo kutyo muri na abheeyigisya bhaafu muno bhanu abhabhaangarira mu‑Kirisito, esomwana ni umwi. Anye naariga niri esomwana mu‑Kirisito Yeesu, kwa okubharaasisya Emisango ja Ekisi.

1 Batesalonika 5:14

Emwe, abhayiri bheeswe, echibheerembeeresya mugonye abharenga na musimbiisye bhoone bhanu bhafuuwe emitima. Ka wone musakire bhanu bhatari na amanaga na mubhe na obhwigumiirisya ku‑bhaanu bhoone.

Bakolosai 1:28

Kirisito niwe echiraasya omwanya gunu echikengya na okwiyigisya abhaanu bhoone mu‑bhwengeeso bhwone. Echimuraasya, korereki chireete abhaanu bhoone imbere ya Nyamuwanga bharumateene echinyamwoyo okuruubhana na okubha na obhumwi na Kirisito.

2 Bakorinto 12:19

Amwi omwitogera ati omwanya gunu gwone cheebhagira imbere yeemwe. Nawe echaayika emisango jinu imbere ya Nyamuwanga, chiri na obhumwi na Kirisito. Abheendwa bhaani, joone jinu echikora, ni inguru ya okubhasakira murumatane mu‑riikirisya.

2 Bakorinto 11:11

Nitakwayika kutyo kwa okubha nitakubheenda. Nyamuwanga kaamenya ati enibheenda.

2 Bakorinto 7:3

Nitakwayika emisango ejo okubharamura, kwa okubha naamarire okwayika ati, emwe muri mu‑myoyo jeeswe, chiri aamwi na emwe noorwo ikabha ati ni kurama aamwi, amwi ati ni kufwa aamwi.

1 Bakorinto 15:34

Mupaapuke mubhe na obhwenge rwa kutyo mukenerwe, musige okukora ebhibhiibhi. Abhandi agati yeemwe bhatakumenya Nyamuwanga. Enaayika ejo, korereki nibhaswasye.

1 Bakorinto 6:5

Enaayika kutyo korereki murore jiswaro. Angu, agati yeemwe atari‑wo noorwo omuunu umwi owa obhwengeeso, unu kaatura okutema echiina agati ya abheekirisya?

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

1 Bakorinto 4:17

Ku‑songa eyo, ꞉naatumire Timoteewo, omwana waani omwendwa, unu ari mwiyikanyibhwa ku‑mirimu ja Raatabhugenyi. Omwene kaja okubheechukya kutyo anye eniruubha Kirisito, jiri rwa kutyo eniiyigisya abhaanu bhuri rubhaara mu‑makanisa goone.

2 Batesalonika 3:14

Araabha omuunu woonewoone, atakwenda okuruubha emisango jeeswe jinu jiri ku‑nyarubha inu, mwikenge omuunu oyo. Musige okubha na obhumwi nage, korereki eesware.

Filemoni 1:10

niri na risabhwa rimwi kw‑awe inguru ya Oneesimo. Omwene ari rwa omwana waani, na anye niri rwa eswemwene, kwa okubha nimusakiiye niri mw‑ibhoyero anu ˆneekirisya Yeesu Kirisito.

1 Yoana 2:1

Emwe abhaana bhaani mu‑riikirisya, nibhakaamiiye emisango ejo, korereki musige okukora ebhibhiibhi. Nawe araabha omuunu woonewoone aakakora ebhibhiibhi, chiri na omubhagisi ku‑Raata Nyamuwanga. Omubhagisi oyo niwe Yeesu Kirisito, omurengeresi.