1 Bakorinto 3:18 - Indagano Inyaaya mu-Chijita

¹⁸ Omuunu woonewoone agati yeemwe aasiga okwijiga ati ari na obhwengeeso. Araabha omuunu aakeerora ati ari na obhwengeeso ku‑chaaro chinu, abhe ˆneekora ati ni mumuumu korereki abhone obhwengeeso bhwa echimari.

INDAGANO INYA:YA

¹⁸ Omu:nu wo:ne asige kwibebeya omwene. Omu:nu wo:ne mwimwe ake:ganirisya ati, ni mwenge mu:si inu, nabe mu:nu:mu, akorereki abe mwenge.

1 Bakorinto 3:18 Referans Kwoze

Bagalatia 6:3

Mbe, omuunu woonewoone unu keerora ati ni wa obhugajuro okukira abheejaabho, oyo atari wa obhugajuro, keejiga omwene era.

Yakobo 1:22

Musigega okwijiga abheene. Musige okubha abhaanu bhanu omutegeresya era omusango gwa Nyamuwanga, tari mukorega kutyo ogwayika.

Ruuka 18:17

Ni chimari enibhabhwira ati, omuunu woonewoone unu atakwikirisya obhukama bhwa Nyamuwanga rwa omwana omutooto, omuunu oyo atakutura okwingira mu‑bhukama bhwa Nyamuwanga.”

Matayo 18:4

Kurwa ejo, omuunu woonewoone unu keekeeya na okubha rwa omwana omurera unu, niwe omukuru mu‑bhukama bhwa mu‑rwire.

Mariko 10:15

Ni chimari enibhabhwira ati, woonewoone unu atakwikirisya obhukama bhwa Nyamuwanga rwa omwana omurera, ataringira mu‑bhukama obhwo noorwo na akatyari.”

Yakobo 1:26

Araabha omuunu keerora ati kaaramya Nyamuwanga, nawe atakuyingirira orurimi rwaye okwayika emibhiibhi, keejiga omwene, okuramya Nyamuwanga kwaye kutari‑mo omuriiro.

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

Baefeso 5:6

Mwasiga okwikirisya omuunu woonewoone okubhajiga kwa emisango ja kutyo era, okubha ebhibhiibhi ebhyo bhyone, nibhyo ebhikora risungu rya Nyamuwanga niriitika ku‑bhanyatagayuka.

1 Bakorinto 6:9

Mutakumenya ati abhajabhi bhatariingira mu‑bhukama bhwa Nyamuwanga? Mwasiga okwijiga! Abhasengani, abhaanu bhanu abharamya amasusano, abharomesi, noorwo abhasambukani,

1 Bakorinto 4:10

Abhaanu bhaafu abhachirora ati chiri bhamuumu, kwa okubha echikorera emirimu Kirisito, nawe emwe omwirora ati muri abha obhwengeeso kwa okubha omuruubha Kirisito. Eswe echibhonekana ati chiri bhajorobhoke, nawe emwe omwirora ati muri na amanaga. Eswe echigaywa, nawe emwe omwirora ati muri na echibharo.

1 Yoana 1:8

Araabha echaayika ati eswe chitari na ebhibhiibhi, echiijiga abheene, wone echimari chitari‑mo mu‑myoyo jeeswe.

2 Timoteo 3:13

Nawe bhanu abhakora ebhibhiibhi na abhajigi, bharigenderera okukora ebhibhiibhi muno, bharibhaga nibhajiga na okujigwa.

Bagalatia 6:7

Mwasiga okwijiga abheene, Nyamuwanga atakusiijaakwa. Echiinu chinu omuunu kaayamba, nicho arigesa.

1 Bakorinto 15:33

Mwasiga okujigwa na abhaanu bhanu abhaayika kutyo, okubha, “Abhasaani abha jitungwa jimbiibhi, abhanyamura jitungwa ja ekisi.”

Barumi 12:16

Mwikare kwa obhwira bhumwi emwe abheene kwa abheene. Kutyo, musigega okwikuuya, tari mwikeeyega, mubhega na obhusangi na abhaanu abha obhukene. Musigega okwirora ati neemwe abha obhwenge era.

Barumi 11:25

Abhayiri bhaani, eneenda mumenye inguru ya obhutinge bhwa imbisike ya Nyamuwanga bhunu ꞉bhwabhisirwe kara, korereki mwasiga okwirora ati muri bheengeeso muno. Mumenye ati ni Bhayisirayeeri bharebhe abha emyoyo emikomeeye, bhanu bharigenderera okukingira omwanya gunu Nyamuwanga ariikirisya ati obhukumi bhwa abhaanu bhanu bhatari Bhayisirayeeri okuramira obhuchungusi bhwakuumira.

Ruuka 21:8

Yeesu ˆnaabhasubhya ati, “Mwangarire, omuunu woonewoone aasiga okubhajiga. Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Ka wone bharyayikaga ati, ‘Omwanya gwa obhuteero gwafogeeye!’ Abhaanu abho, mwasiga okubharuubha!

Matayo 13:22

Jimbibho jinu ꞉jaaguuwe mu‑mawa, jiri rwa omuunu unu koongwa emisango inguru ya obhukama bhwa mu‑rwire, nawe kaajigwa na obhwiganirisya bhwa obhurame bhwa ku‑chaaro na obhurigire bhwa obhuniibhi. Kurwa ejo, emisango ejo ejiyiganywa, nijirema okutwasya amatwasyo mu‑bhurame bhwaye.

1 Bakorinto 3:17

Woori, araabha omuunu akanyamura riyekaru rya Nyamuwanga, omuunu oyo, Nyamuwanga arimunyamura, kwa okubha riyekaru rya Nyamuwanga ni ryeru, na riyekaru eryo niwe emwe.