1 Bakorinto 3:1 - Indagano Inyaaya mu-Chijita

¹ Abhayiri bhaani mu‑riikirisya, omwanya gunu naariga niri kw‑imwe ꞉nitaaturire okwayika na emwe rwa abhaanu bhanu abhatangasibhwa na Mwoyo Mweru. Tari naariga ninaayika na emwe rwa abhaanu bhanu abhatangasibhwa na emisango ja echaaro, ka wone rwa abhaana abharera mu‑kwikirisya Kirisito.

INDAGANO INYA:YA

¹ Nanye, ba:na ba:su, nita:turire kwaika nemwe rwa ba:nu ba mu mwoyo, nawe rwa bo mubiri, rwa ba:na abarera mu Kristo.

1 Bakorinto 3:1 Referans Kwoze

Baeburania 5:13

Omuunu unu kaanywa amata era achaari mwana omurera, atakumenya okusoosya obhutaasyanya bhwa emisango ja ekisi na emibhiibhi.

1 Bakorinto 2:6

Woori eswe, echaayika emisango ja obhwengeeso ku‑bhaanu bhanu bharumateene mu‑riikirisya, nawe obhwengeeso obhwo bhutari bhwa echaaro chinu, ka wone bhutari bhwa abhatungi bha echaaro chinu bhanu bhariyitingʼana.

1 Bakorinto 14:20

Abhayiri bhaani mu‑riikirisya, mwasiga okwiganirisya rwa abhaana abharera, tari mwiganirisyega rwa abhaanu abhakuru. Nawe inguru ya obhubhiibhi, mubhe rwa abhaana abharera.

Barumi 7:14

Chimenyere ati echiraagiro ꞉chaareeterwe na Mwoyo wa Nyamuwanga, nawe anye ku‑bhusimukwa bhwani bhwa echibhiibhi, niri mugaya wa echibhiibhi.

1 Yoana 2:12

Enibhakaamira emwe abhaana bhaani mu‑riikirisya, kwa okubha Nyamuwanga abhafwiriiye echigongo ebhibhiibhi bhyemwe, kw‑isiina rya Yeesu Kirisito.

Bagalatia 6:1

Abhayiri bhaani mu‑riikirisya, araabha mukamenya ati oweejaanyu aakora echibhiibhi, emwe bhanu omutangasibhwa na Mwoyo Mweru, mumusubhye ku‑tungwa ja ekisi. Mukore kutyo mu‑mwoyo gwa obhworooro. Nawe mwiyangarire, mwasiga okusakwa na okubha na jitungwa rwa jaaye.

Matayo 16:23

Nawe Yeesu, ˆneekebhuukira, ˆnaabhwira Peetero ati, “Sooka anu Syetaani! Owuregeeja okunyingirira okukora jinu Nyamuwanga keenda! Awe utakwiganirisya jinu jiri ja Nyamuwanga, tari wiganirisya jinu jiri ja abhaanu.”

1 Bakorinto 14:37

Araabha omuunu keerora ati ari na echiyaanwa cha okusoosya obhuragi, amwi ati ari na echiyaanwa echindi cha Mwoyo Mweru, asombookerwe ati, jinu enibhakaamira, ni maragiriro okusooka ku‑Raatabhugenyi.