1 Bakorinto 15:4 - Indagano Inyaaya mu-Chijita

⁴ Ka wone ˆnaasiikwa, ˆnaasuuruka ku‑rusuku rwa kasatu, rwa kutyo jikaamirwe mu‑Bhikaame Ebhyeru.

INDAGANO INYA:YA

⁴ nasi:kwa, nasu:ruka ku rusiku rwa kasatu rwa binu byandikirwe kutyo ebyaika.

1 Bakorinto 15:4 Referans Kwoze

Matayo 12:40

Rwa kutyo Yoona ꞉aabheeye mu‑nda ya iiswi inene siku esatu mu‑ngeta na mu‑mwisi, nikwo kutyo anye wone Omwana wa Omuunu, niribha mu‑fwa jisiku esatu mu‑ngeta na mu‑mwisi.

Baeburania 13:20

Nyamuwanga omwene, niwe kaachiyaana omurembe. ꞉Aasuuruuye Raatabhugenyi weeswe Yeesu, unu ari Mureefi Omukuru wa jinaama, kwa okubha ꞉eetire isagama yaaye inu eyeeresya chimari indagano ya kajaanende koone.

Barumi 6:4

Omwanya gunu ꞉chaabhatiijiibhwe, chaariga wuti chifuuwe na okusiikwa aamwi nage, korereki rwa kutyo Kirisito ꞉aasuuruuywe okusooka mu‑bhafuuwe ku‑managa maafu ga Raata Nyamuwanga, nyabhuriko, noorwo eswe chiture okurama obhurame obhuyaaya.

Ruuka 24:46

Ka wone ˆnaabhabhwira ati, “Jikaamirwe ati, Kirisito arinyaasibhwa na okwitwa na ku‑rusuku rwa kasatu arisuuruka okusooka mu‑bhafuuwe.

Ruuka 24:26

Angu, jaariga jiteenderwe Kirisito okubhona ebhinyaasyo ebhyo, niwo eengire mw‑ikusyo ryaye?”

Ruuka 9:22

ˆNaabhabhwira ati, “Jeenderwe anye Omwana wa Omuunu, ninyaasibhwe muno, niremwe na abhakuru bha Abhayawudi, abhakuru bha abhagabhisi, na abheeyigisya bha ebhiraagiro bhya Muusa, okukingira okwitwa. Nawe ku‑rusuku rwa kasatu, nirisuuruka.”

Bakolosai 2:12

Omwanya gunu ꞉mwabhatiijiibhwe, ꞉mwafuuwe, nimusiikwa aamwi na Kirisito. Nimwiya nimusuuruka aamwi nage, kwa okubha ꞉mweekirisiisye amanaga ga Nyamuwanga unu ꞉aamusuuruuye okusooka mu‑bhafuuwe.

Ebikorwa 17:31

Kurwa ejo ꞉aateeye‑wo orusuku runu ariramura abhaanu bhoone kwa echimari, ku‑njira ya omusorwa waaye. ꞉Eeresiisye abhaanu bhoone echimari cha ejo kwa okumusuurura omuunu oyo okusooka mu‑bhafuuwe.”

Ebikorwa 1:3

Ejire aasuuruka okusooka mu‑fwa, ꞉aamarire siku makumi gana, ˆneebhuurisya ku‑tumwa ejo kwiya kaafu. Mu‑bhibharikisyo bhyafu aabheeresyaga abhwerubhweru ati ni muwanga na aabheeyigisyaga emisango ja obhukama bhwa Nyamuwanga.

Mariko 9:31

kwa okubha aariga ˆneeyigisya abheeyigisibhwa bhaaye. ˆNaabhabhwira ati, “Anye Omwana wa Omuunu, nirituurwa mu‑mabhoko ga abhaanu na bhariinyita. Nawe ku‑rusuku rwa kasatu okusookerera okufwa kwani, Nyamuwanga arinsuurura.”

Matayo 20:19

Ku‑bhuteero, bharintuura mu‑mabhoko ga abhaanu bhanu bhatari Bhayawudi, korereki bhansiijaake, bhambume na jijaridi, na okumbumiirira ku‑musarabha. Nawe ku‑rusuku rwa kasatu, Nyamuwanga arinsuurura.”

Matayo 16:21

Okusookerera omwanya ogwo, Yeesu ˆnaamba okubhwira abheeyigisibhwa bhaaye abhwerubhweru ati ni bhusibhusi agende Yerusareemu na okunyaasibhwa muno. ꞉Aabhabhwiriiye ati abhakuru bha Abhayawudi, abhakuru bha abhagabhisi na abheeyigisya bha ebhiraagiro bhya Muusa, bharimunyaasya okukingira okwitwa. Nawe ku‑rusuku rwa kasatu, arisuuruka.

1 Petero 1:11

Mwoyo wa Kirisito unu aariga ari mu‑myoyo jeebhwe, ꞉aasoosiisye obhuragi ati Kirisito arinyaaka na akasooka mu‑nyaako ejo, aribhona rikusyo. Abharagi abho, ꞉bhaayenjeresiisye muno okumenya ati, emisango ejo, jirikorekana rusuku ri na jirimubhona kutiki.

Yowana 19:38

Ejo jejire jaawa, ˆnaaja omuunu umwi unu aariga ˆnaatogwa Jejefu. Omwene oyo, aariga asookere mu‑ruguuyo rwa Arimataaya. Aariga ari mwiyigisibhwa wa Yeesu, nawe bhumbise, kwa okubha aariga ˆnoobhaya abhatangasya bha Abhayawudi. Mbe, omuunu oyo ˆnaagenda ku‑Piraato, ˆnaamusabhwa ati agege omutumbi gwa Yeesu, agende okugusiika. Piraato ˆnaamwikirisisya. Mbe, Jejefu ˆnaagenda, ˆnaagega omutumbi gwa Yeesu.