1 Bakorinto 14:13 - Indagano Inyaaya mu-Chijita

¹³ Kurwa ejo, omuunu unu kaayika inyaayika ingenyi, asabhwe Nyamuwanga korereki amuyaane obhuturo bhwa okugajura inyaayika eyo.

INDAGANO INYA:YA

¹³ Mbe unu ka:ika orurimi orundi, asabwe korereki agajure.

1 Bakorinto 14:13 Referans Kwoze

1 Bakorinto 12:30

Ka wone, angu, abhaanu bhoone bhari na echiyaanwa cha okuwosya abharwaye? Angu, abhaanu bhoone abhaayika jinyaayika jingenyi? Angu, abhaanu bhoone bhari na echiyaanwa cha okugajura jinyaayika ejo?

Mariko 11:24

Kurwa ejo enibhabhwira ati, emisango jinu omwirembeeresya nimusabhwa ku‑Nyamuwanga, mwikirisyega ati mwajiramira, murijibhona.

1 Bakorinto 12:10

owundi echiyaanwa cha okukora ebhiruguusyo, owundi echiyaanwa cha okusoosya obhuragi. Mwoyo oyooyo kaayaana owundi echiyaanwa cha okusombookerwa araabha omusango gusookere ku‑masambwa amwi ku‑Mwoyo Mweru, owundi echiyaanwa cha okwayika jinyaayika jingenyi, owundi echiyaanwa cha okugajura jinyaayika ejo.

Ebikorwa 8:15

Bhejire bhaakinga, nibhasabhirwa abhaanu abho korereki bharamire Mwoyo Mweru,

Ebikorwa 1:14

Abho bhoone bhaariga nibheekomeesya okwikofyanya aamwi okusabhwa Nyamuwanga. Aamwi na abho, bhaariga bhari‑wo abhagasi abhandi na Maryamu nyiramwene Yeesu na abhamura bhaabho Yeesu.

1 Bakorinto 14:12

Nikwo kutyo jiri na kw‑imwe. Woori, kwa okubha omwenda muno okubha na ebhiyaanwa bhya Mwoyo Mweru, muyenje muno okubha na ebhiyaanwa bhinu ebhisakira abheekirisya abheejaanyu okukomeera mu‑riikirisya.

1 Bakorinto 14:14

Enaayika kutyo, kwa okubha nikasabhwa mu‑nyaayika ingenyi, omwoyo gwani nigwo ogubha nigusabhwa, nawe obhwenge bhwani bhutakubhona‑mo omuriiro gwonegwone.

1 Bakorinto 14:26

Woori, abhayiri bhaani mu‑riikirisya, chaayike ki? Omwanya gunu omwikofyanya okusabhwa, umwi keemba orwimbo, owundi keeyigisya, owundi kaayika jinu Nyamuwanga aamuswerurira, owundi kaayika jinyaayika jingenyi, na owundi kaajigajura. Emisango ejo joone jikorekane okukomeesya abheekirisya.