1 Bakorinto 13:5 - Indagano Inyaaya mu-Chijita

⁵ Eryenda erikora omuunu ayaanega abhandi echibharo, ritakureterera okwiganirisya emisango jaaye era, noorwo okubhiyirwa bhwangu, noorwo okubha na ingwatira mu‑mwoyo.

INDAGANO INYA:YA

⁵ Okwenda kutakukora binu bite:ire. Kutakuyenja byakwo. Kutakubiirwa. Kutana ngwatira.

1 Bakorinto 13:5 Referans Kwoze

1 Bakorinto 10:24

Omuunu aasiga okwigana jinu ejisakira omwene era, tari eegane jinu ejisakira abheejaabho.

Yakobo 1:19

Abhayiri bhaani abheendwa, muntegeresye kisi. Bhuri muunu abhe omwangu wa okuungwa, nawe asige okubha omwangu wa okwayika noorwo okubhiyirwa,

Bafilipi 2:21

Abhaanu abhandi bhoone abhafurubhenda na emisango jeebhwe abheene, jitari jinu Yeesu Kirisito keenda.

Bafilipi 4:8

Ku‑bhuteero, abhayiri bhaani, emisango ja echimari, emisango jinu jiiyire jiyanwe echibharo, emisango ja obhurengeresi, emisango emyeru, emisango jinu ejikondisya, emisango jinu jiri ja ekisi, emisango jinu jiiyire okukuuyibhwa, ejo nijo mwiganirisye.

Bagalatia 5:13

Abhayiri bhaani, Nyamuwanga abhabhirikiiye, korereki mubhe abhaanu bhanu muri na obhwitaage. Nawe mwasiga okukorera obhwitaage bhwemwe wuti omwanya gwa okuruubha okurigira kwa omubhiri, tari musakirane mu‑ryenda.

1 Bakorinto 12:25

korereki omubhiri gwasiga okwawukana, tari ebhiwuga bhyone bhisakirane.

2 Bakorinto 5:19

Nikwo okwayika ati, okutura ku‑Kirisito, Nyamuwanga aariga ˆnaagwatanya abhaanu ku‑mwene okubhabharira ebhibhiibhi bhyebhwe wuri. Eswe wone chiyaaywe emirimu ja okuraasisya abhaanu emisango ja obhugwatanyi obhwo.

1 Bakorinto 10:33

Mubhe rwa kutyo anye niri. Eniikomeesya okukondisya abhaanu bhoone ku‑misango joone jinu enikora. Jitari ati enikora kutyo, korereki anye omwene niibhonere omuriiro, tari enikora kutyo, korereki abhaanu bhaafu bheebhonere omuriiro korereki bhachungurwe.

1 Bakorinto 11:18

Enuungwa ati, bhunu omwikofyanyaga mw‑ikanisa, omwawukana‑mo makijumakiju. Omwanya ogundi, anye wone eniikirisya ati nikwo kutyo jiri.

Matayo 5:22

Nawe anye enibhabhwira ati, omuunu woonewoone unu kaasoka oweejaabho, kaakenwa aramurwe. Ka wone, woonewoone unu kaafuma oweejaabho ati, ni mutaamutaamu, omwene wone kaakenwa aramurwe kw‑ibharaja rikuru rya Abhayawudi. Omuunu woonewoone unu kaafuma oweejaabho ati, ni mumuumu, kaakenwa eeswe mu‑muriro gwa akajaanende koone!

Ruuka 7:39

Omufarisaayo oyo, ejire aarora ejo, ˆneeganirisya mu‑mwoyo gwaye ati, “Omuunu unu akabheeye ari muragi, akamenyere ati, omugasi unu kaamukuunʼya‑ko ni muunu wa mbaga ki. Akamenyere ati, omwene ni owa ebhibhiibhi!”

Mariko 3:5

Yeesu ˆnaaroreerera nekeneke Abhafarisaayo bhoone abhiyiriiywega, keenu asurumbaayega inguru ya obhukomeeye bhwa emyoyo jeebhwe. Niwo ˆnaabhwira omuunu oyo ati, “Gorora okubhoko kwawo.” Omuunu oyo ˆnaakugorora, awoawo ˆnaawora!

2 Batesalonika 3:7

Echaayika kutyo kwa okubha, emwe mumenyere kutyo jeenderwe muruubhe jitungwa jeeswe. Eswe bhunu chaariga chiri aamwi na emwe chaariga chitari bharenga,

1 Bakorinto 7:36

Omuunu woonewoone unu kaarora ati jitari ja kisi okusiga okutwara omuyarakaji unu ateeye‑ko obhuko, ka wone araabha okurigira kwaye okumuyiga, na omuunu oyo kaarora ati jiiyire bhatwarane, akore rwa kutyo keenda, bhatwarane. Awo kaabha atakorere echibhiibhi.

Matayo 9:4

Nawe Yeesu aasombookerwaga joone jinu bhaariga nibheeganirisya, ˆnaabhabhuusya ati, “Ni kurwa ki omwiganirisya emibhiibhi mu‑myoyo jeemwe?

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

2 Timoteo 4:16

Nejire neebhagira mw‑iramuriro omwanya gwa okwamba, ꞉nitaabhwene omuunu noorwo umwi unu ꞉eemereeguuyu orubhaara rwani, nawe bhoone ꞉bhaansigire. Enisabhwa Nyamuwanga abhafwire echigongo ku‑chikorwa echo cha okumbirima.