1 Bakorinto 12:10 - Indagano Inyaaya mu-Chijita

¹⁰ owundi echiyaanwa cha okukora ebhiruguusyo, owundi echiyaanwa cha okusoosya obhuragi. Mwoyo oyooyo kaayaana owundi echiyaanwa cha okusombookerwa araabha omusango gusookere ku‑masambwa amwi ku‑Mwoyo Mweru, owundi echiyaanwa cha okwayika jinyaayika jingenyi, owundi echiyaanwa cha okugajura jinyaayika ejo.

INDAGANO INYA:YA

¹⁰ No undi kayanwa okukora ebirugu:ro, oundi okuraga, no undi okwauraga emyoyo, oundi jinyami ja jindimi, no undi kayanwa okugajura jindimi.

1 Bakorinto 12:10 Referans Kwoze

1 Bakorinto 14:39

Kutyo, abhayiri bhaani mu‑riikirisya, mwikomeesye okusoosya obhuragi, ka wone musigega okuyingirira omuunu okwayika jinyaayika jingenyi.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

Mariko 16:17

Abhaanu bhanu bheekirisiisye, abhaja okukora ebhibharikisyo bhinu, bharibhaga nibhasoosya amasambwa ku‑bhaanu kw‑isiina ryani na okwayika mu‑nyaayika inyaaya.

Bagalatia 3:5

Mumbwire, Nyamuwanga kaabhayaana Mwoyo Mweru na okukora ebhiruguusyo agati yeemwe kwa okubha ꞉mwaruubhire ebhiraagiro bhya Muusa, amwi kwa okubha ꞉mwategeresiisye na okwikirisya Emisango ja Ekisi inguru ya Yeesu?

Mariko 16:20

Abheeyigisibhwa bhaaye bharya nibhasooka arya. Nibhagenda okuraasya Emisango ja Ekisi woonewoone. Raatabhugenyi Yeesu abhayaanaga amanaga ga okukora ebhibharikisyo. Nikwo kutyo aariga ˆneeresya emisango ejo ati ni ja chimari.]

Obhusweruro 2:2

Enimenya ebhikorwa bhyemwe, okwikomeesya kwemwe na obhwigumiirisya bhwemwe. Enimenya wone ati mutakutura okwigumiirisya abhaanu abhabhiibhi. Ka wone, mwaregeejere abhaanu bhanu abheetoga ati ni jitumwa, keenu bhatari jitumwa. Mwabharegeeja, nimusongʼana ati, ni bhabheeyi.

1 Batesalonika 5:20

Ka wone musige okurema obhuragi,

1 Bakorinto 13:8

Eryenda ritari na obhuteero. Nawe okusoosya obhuragi, okwayika jinyaayika jingenyi na obhumenyi, ebhiyaanwa ebhyo bhyone bhiri na obhuteero.

Barumi 15:19

꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko.

Barumi 12:6

Mbe, chiri na ebhiyaanwa bhya mbaga nyafu, rwa kutyo Nyamuwanga ꞉aachiyaaye kwa obhwitiriranya bhwaye. Omuunu unu ayaaywe echiyaanwa cha okusoosya obhuragi, akorere emirimu echiyaanwa echo okuruubhana na eriikirisya ryaye.

Ebikorwa 19:6

Omwanya gunu Pawuro ꞉aabhatereeye‑ko amabhoko gaaye, awoawo Mwoyo Mweru ˆnaabheekira, nibhaamba okwayika mu‑nyaayika jingenyi na okusoosya obhuragi.

Ebikorwa 11:28

Owumwi weebhwe, risiina ryaye aatogwaga Agabho, ˆneemereeguru mw‑isangi, ˆnaasoosya obhuragi kwa obhuturo bhwa Mwoyo Mweru ati, omweko omururu oguuja okuswirana ku‑chaaro choone. Chimari rwa kutyo ꞉aayikire, omweko ogwo ꞉gwabheeye‑wo ku‑mwanya gwa obhutungi bhwa Kirawudiyo unu aariga ari Kayisaari.

Ebikorwa 5:3

Peetero ˆnaamubhuusya ati, “Awe Ananiiya! Ni kurwa ki Syetaani eengira mu‑mutima gwawo? Waabhwira Mwoyo Mweru orubheeyi na okubhisa‑ko ejindi jinu ꞉waabhwene ku‑bhugusi bhwa risambu ryawo.

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Yowana 16:13

Mwoyo wa echimari oyo, aribha aaja kw‑imwe, aribhatangasya okusombookerwa echimari choone. Ataryayika ku‑bhuturo bhwaye omwene, tari aryayika jinu aryungwa na okubhabhwira jinu jirikorekana.

Yowana 14:12

Ni chimari enibhabhwira ati, omuunu woonewoone unu kaanyikirisya, arikora emirimu jinu anye enikora. Ka wone arikora minene okukira jinu enikora, kwa okubha enigenda ku‑Raata.

Ruuka 24:49

“Woori muringire, enibhareetera Mwoyo Mweru rwa kutyo Raata waani aariga aragire. Nawe mwikare mu‑musi munu, okukingira omwanya gunu muriyaanwa obhuturo okusooka inguru mu‑rwire.”

Baeburania 2:4

Nyamuwanga wone aariga ˆnaasoosya obhubhambaasi inguru ya obhuchungusi obhwo, ku‑njira ya okukora ebhibharikisyo, ebhiruguusyo na ebhikorwa bhya amanaga bhya mbaga nyafunyafu. Ka wone ꞉aagabhiiye abhaanu ebhiyaanwa bhya Mwoyo Mweru okuruubhana na okwenda kwaye.

Ebikorwa 11:27

Mu‑siku ejo abharagi okusooka Yerusareemu ꞉bheejire Atiyookiya.

1 Bakorinto 11:4

Kutyo, omurume woonewoone omwikirisya unu kaaswikira omutwe gwaye omwanya gunu kaasabhwa, amwi omwanya gunu kaasoosya obhuragi, oyo kaaswasya Kirisito, unu ari mutwe gwaye.

1 Bakorinto 14:13

Kurwa ejo, omuunu unu kaayika inyaayika ingenyi, asabhwe Nyamuwanga korereki amuyaane obhuturo bhwa okugajura inyaayika eyo.