1 Bakorinto 11:32 - Indagano Inyaaya mu-Chijita

³² Nawe woori, omwanya gunu echiramurwa na Raatabhugenyi, awo niwo echibha nichitongerwa, korereki Nyamuwanga aasiga okuchiramura rwa kutyo ariramura abhaanu bhanu bhatakumumenya.

INDAGANO INYA:YA

³² Nawe cikaramurwa, mbe ecitongerwa na Ratabugenyi, korereki Citaja kutemerwa eci:na aamwi ne ca:ro.

1 Bakorinto 11:32 Referans Kwoze

Obhusweruro 3:19

Anye, enigonya na okufyetura jisimbo abhaanu bhoone bhanu eneenda. Mbe, mwikomeesye na okuta ebhibhiibhi bhyemwe.

1 Bakorinto 11:30

Eyo niyo isonga agati yeemwe bhari‑mo abhajorobhoke na abharwaye bhaafu, ka wone abhandi bhafuuwe.

1 Yoana 5:19

Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.

Barumi 3:19

Mbe, eswe chimenyere ati, omwanya gunu Ebhikaame Ebhyeru ebhisimura inguru ya echiinu choonechoone, ebhisimura inguru ya abhaanu bhanu ꞉bhaayaaywe Ebhikaame ebhyo. Ebhikaame ebhyo, ꞉bhyakaamirwe korereki abhaanu bhoone, Abhayawudi na abhaanu bhanu bhatari Bhayawudi bhasige okubha na isonga ya okwibhagira omwanya gunu Nyamuwanga ariramura echaaro. Jiribha abhwerubhweru ati abhaanu bhoone bheeyire okuramurwa na Nyamuwanga.

Barumi 5:16

Ka wone bhuri‑wo obhutaasyanya bhunene agati ya echiyaanwa cha obhwitiriranya bhwa Nyamuwanga na jinu ꞉jaasookeene na echibhiibhi cha Adaamu. Omwanya gunu echibhiibhi chimwi chirya ꞉chaakorerwe na Adaamu, Nyamuwanga ꞉aaramuuye abhaanu na okubhayaana ebhitiibha. Nawe omwanya gunu ebhibhiibhi bhyafu bhikorerwe na abhaanu, Nyamuwanga kaabhabhara okubha abharengeresi imbere yaaye, ku‑songa ya obhwitiriranya bhwaye.

1 Bakorinto 1:20

Woori bhari aaki bhanu echaayika ati bhari na obhwengeeso? Bhari aaki bhanu echaayika ati ni bheeyigisya bha ebhiraagiro bhya Muusa, noorwo abhamenyi bha okwayika kisi mu‑siku jinu? Nyamuwanga eeresya abhwerubhweru ati obhwengeeso bhwa echaaro chinu ni bhumuumu.

1 Bakorinto 1:21

Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

1 Bakorinto 11:31

Araabha chikeetatirisiisye eswe abheene, Nyamuwanga atakachiramuuye.

1 Bakorinto 11:33

Kutyo, abhayiri bhaani mu‑riikirisya, omwanya gunu omwikofyanya okurya ebhiryo bhya Raatabhugenyi, murindanega.

1 Timoteo 1:20

Mu‑bhaanu abho ari‑mo Imenaayo na Arekijanda. Abho nibhasigiiye Syetaani korereki bheeyigire, bhasige okufuma Nyamuwanga.