1 Bakorinto 1:9 - Indagano Inyaaya mu-Chijita

⁹ Nyamuwanga arikora ejo kwa okubha omwene ni mwiyikanyibhwa. Omwene niwe ꞉aabhabhirikiiye, mubhe na obhumwi na Omwana waaye Yeesu Kirisito, Raatabhugenyi weeswe.

INDAGANO INYA:YA

⁹ Nyamuanga ni mwiikanyibwa, niwe ababirikiye emwe mwingire mu kusangira kwo Mwana wae niwe Yesu Kristo Ratabugenyi.

1 Bakorinto 1:9 Referans Kwoze

2 Batesalonika 3:3

Nawe Raatabhugenyi Yeesu ni mwiyikanyibhwa, omwene kaja okubhakomeesya na okubhaangarira okusooka ku‑Mubhiibhi urya.

Baeburania 10:23

Chiikomeesye muno okugwatirira jinu echiikirisya na okwiyikanya, okubha Nyamuwanga unu ꞉aaragire, ni mwiyikanyibhwa.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

1 Bakorinto 10:13

Amaregeejo ganu gaabhabhona, gari rwa ganu abhaanu abhandi abhabhona bhuri rusuku. Nyamuwanga ni mwiyikanyibhwa, omwene atakuja okubhasiga muregeejibhwe okukira obhuturo bhwemwe. Omwanya gunu emwe omuregeejibhwa, Nyamuwanga kaja okubhayaana obhuturo bhwa okwigumiirisya na okubheeresya injira ya okusooka omwo.

Barumi 8:28

Chimenyere ati, mu‑joone Nyamuwanga kaakorera eja ekisi abhaanu bhanu abhamwenda, nibho bhabhirikiiywe okuruubhana na obhutinge bhwaye.

Obhusweruro 19:11

Nejire neeya, nindora orwire rwigukire. Ringira, ifwaraasi iinyeru na unu aariga ayiriinyire‑ko kaatogwa ati, “Mwiyikanyibhwa” na “Owa Echimari.” Niwe kaaramura na okurwana riremo kwa obhurengeresi.

1 Yoana 1:7

Tari, araabha chiramire mu‑bhweru rwa kutyo Nyamuwanga ari mu‑bhweru, awo niwo echibha na obhumwi eswe abheene kwa abheene. Ka wone isagama ya Yeesu, Omwana waaye, eyicheesya ebhibhiibhi bhyeswe bhyone.

2 Bakorinto 1:18

Nawe woori, rwa kutyo Nyamuwanga ari mwiyikanyibhwa, jinu ꞉chaabhabhwiriiye, jaariga jitari ja omuunu okwayika ati, “Cha,” neeya ˆnaayika ati, “Wuri.”

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

1 Yoana 4:13

Eswe chiri na obhumwi na Nyamuwanga, omwene wone ari na obhumwi na eswe. Echimenya kutyo, kwa okubha achiyaaye Mwoyo waaye.

Baeburania 11:11

Eriikirisya niryo ꞉ryakorere Saara ˆnaabhona obhuturo bhwa okujira inda na okwibhura omwana, noorwo kutyo aariga akokoowe, kwa okubha aariga ˆneekirisya ati Nyamuwanga kaakuumisya omurago gwaye.

Barumi 9:24

Abhaanu abho neeswe, bhanu ꞉aabhirikiiye. ꞉Ataabhirikiiye Abhayawudi era, tari noorwo bhanu bhatari Bhayawudi.

Barumi 8:30

Mbe, bhanu aariga aaramuuye okusookerera kara bhabhe abhaanu bhaaye, nibho bhanu ꞉aabhirikiiye, nibho bhanu ꞉aabharire okubha abharengeresi, na nibho bhanu ꞉aaragire ati aribhayaana rikusyo.

Bagalatia 2:20

Bhumuunu bhwani bhwa kara bhwa ebhibhiibhi, ꞉bhwabhambirwe aamwi na Kirisito ku‑musarabha. Woori niri muwanga, nawe nitari anye unu niri muwanga, tari Kirisito niwe ari muwanga mu‑mwoyo gwani. Obhuwanga bhunu niri nabhwo omwanya gunu, niri nabhwo mu‑kwikirisya Omwana wa Nyamuwanga. Omwene ꞉aanyendere na okusoosya obhurame bhwaye inguru yaani, korereki nichunguke.

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

2 Batesalonika 2:14

Nyamuwanga ꞉aabhabhirikiiye, korereki muramire obhuchungusi obhwo ku‑njira ya Emisango ja Ekisi jinu ꞉chaaraasiisye kw‑imwe. ꞉Aabhabhirikiiye korereki musangire aamwi mw‑ikusyo rya Raatabhugenyi weeswe Yeesu Kirisito.

Yowana 17:21

Enisabhwa ati abho bhoone bhabhe chiinu chimwi. Raata, enisabhwa ati bhabhe na obhumwi na eswe, rwa kutyo awe uri na obhumwi na anye, na anye wone niri na obhumwi na awe. Enisabhwa ati bhabhe chiinu chimwi, korereki abhaanu bha ku‑chaaro kunu bheekirisye ati chimari naawe ꞉waantumire.

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

Baefeso 3:6

Obhutinge bhwa imbisike eyo, ni ati, ku‑njira ya okwikirisya Emisango ja Ekisi, abhaanu bhanu bhatari Bhayawudi na Abhayawudi bhari na omwandu gumwi, bhari mubhiri gumwi na abhasangira aamwi amabhando ganu bharagirwe mu‑Kirisito Yeesu.

Baeburania 6:18

Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

Baeburania 2:17

Ku‑songa eyo, ꞉aakenerwe aaje ari rwa kutyo abhayiri bhaaye bhari mu‑joone, korereki abhe Omugabhisi Omukuru unu ari owa echigongo na omwiyikanyibhwa ku‑mirimu jaaye imbere ya Nyamuwanga. Omugabhisi oyo niwe ꞉aakorere echoogo korereki Nyamuwanga afwire echigongo abhaanu ebhibhiibhi bhyebhwe.

2 Timoteo 1:9

Omwene ꞉aachichunguuye, ˆnaachibhirikira chibhe abhaana bhaaye abheeru. ꞉Ataakorere kutyo kwa okubha ati ebhikorwa bhyeswe ni bhya ekisi, tari ꞉aakorere kutyo mu‑kwenda kwaye na obhwitiriranya bhwaye. ꞉Aachiyaaye obhwitiriranya obhwo inguru ya Kirisito Yeesu, noorwo achaari okubhumba echaaro.

Matayo 24:35

Orutumba na echaaro bhiritura, nawe emisango jaani jitaritura wuri.

Bagalatia 1:15

Nawe Nyamuwanga, ꞉aansorere nichaari kwibhurwa, ˆnambirikira ku‑bhwitiriranya bhwaye, ˆnaaramura

1 Bakorinto 10:16

Omwanya gunu echisiima Nyamuwanga inguru ya omutawo gurya gwa amabhando ga ebhiryo bhya Raatabhugenyi, owubha chitakusangira aamwi isagama ya Yeesu Kirisito? Ka wone, omwanya gunu echibheganya omukaate, owubha chitakusangira aamwi omubhiri gwa Kirisito?

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

Barumi 11:17

Woori, amatabhi amarebhe ga omujeyituuni ꞉gaatemerwe, na amatabhi agandi ga omujeyituuni gwa ibhara nigongwa‑ko, nigabha agati ya amatabhi ga obhusimukwa ga omujeyituuni gunu. Amatabhi goone agabhona ebhiryo okusooka ku‑misi jiryajirya ja omujeyituuni. Woori emwe, neemwe amatabhi ga omujeyituuni gwa ibhara.

1 Batesalonika 2:12

korereki murame rwa kutyo Nyamuwanga keenda. Nyamuwanga niwe kaabhabhirikira korereki mwingire mu‑bhukama na mw‑ikusyo ryaye.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

2 Timoteo 2:13

Araabha eswe chitari abheeyikanyibhwa ku‑mwene, omwene kaagenderera okubha omwiyikanyibhwa, kwa okubha omwene atakutura okwirema.”