1 Bakorinto 1:5 - Indagano Inyaaya mu-Chijita

⁵ Mu‑kubha na obhumwi na Kirisito muniibhire mu‑bhuri musango, chimwichimwi mu‑kwayika kwemwe na mu‑bhumenyi bhwemwe.

INDAGANO INYA:YA

⁵ Okuba mu byone mwani:bi:ye mu Mwene, mu kwaika kwone na mu kusombo:kerwa kwone.

1 Bakorinto 1:5 Referans Kwoze

2 Bakorinto 9:11

Aribhayaana obhuniibhi ku‑joone, korereki mubhe abhafura siku joone. Awo niwo abhaanu bharisiima Nyamuwanga, inguru ya ebhiinu bhinu chiribhasirira okusooka kw‑imwe.

2 Bakorinto 8:7

Muri bhaniibhi mu‑misango joone. Muri na eriikirisya, obhuturo bhwa okwayika kisi, obhumenyi, obhwikomeesya bhwafu bhwa okukora ja ekisi, na eryenda ryemwe kw‑iswe. Mbe, nyabhuriko, mubhe abhaniibhi ku‑mirimu ja obhwitiriranya ejo, ja okusakira abhandi.

Bakolosai 2:3

Mu‑mwene oyo nimwo bhibhisirwe ebhibhiikwa bhyone bhya obhwengeeso na okusombookerwa.

Bafilipi 1:9

Enibhasabhirwa ku‑Nyamuwanga ati eryenda ryemwe rigenderere okwiyongesya muno, mu‑kubha na obhwengeeso na okusombookerwa kwone,

Barumi 15:14

Abhayiri bhaani, anye omwene enimenya chimari ati muri bhaanu bha ekisi muno, na mumenyere kisi jinu mwenderwe okukora, ka wone muri na obhuturo bhwa okwiyigisyanya.

Yakobo 3:13

Niga mw‑imwe unu ari na obhwengeeso na okusombookerwa? Mbe, eeresye obhwengeeso bhwaye na okusombookerwa kwaye mu‑kukora ebhikorwa bhya ekisi, mu‑bhworooro bhunu obhusooka mu‑bhwengeeso.

Bakolosai 3:10

na mufwaye bhumuunu obhuyaaya. Nyamuwanga omwene niwe ꞉aabhumbire bhumuunu obhuyaaya obhwo na kaagenderera okubhukora bhususane nage kata, korereki mumusombookerwe kisi.

Baefeso 6:19

Munsabhirwe anye wone, korereki Nyamuwanga anaane emisango ja okwayika, niraasye kwa ribhaasi obhutinge bhwa imbisike yaaye bhunu bhusweruriiywe mu‑Misango ja Ekisi.

Baefeso 1:17

Enisabhwa Nyamuwanga wa Raatabhugenyi weeswe Yeesu Kirisito, Raata owa rikusyo, abhayaane obhwengeeso bhwa echinyamwoyo na okwiswerura kw‑imwe, korereki mumusombookerwe muno.

1 Bakorinto 12:8

Mwoyo kaayaana omuunu owumwi okwayika emisango ja obhwengeeso, owundi Mwoyo oyooyo kaamuyaana okwayika emisango ja obhumenyi.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Baefeso 2:7

korereki eeresye ku‑bhoone ku‑mwanya gunu oguuja, obhwitiriranya bhwaye bhwafu muno ku‑bhwa ekisi bhwaye kw‑iswe bhunu bhuri mu‑Kirisito Yeesu.

1 Bakorinto 13:2

Ka wone noorwo nikasoosya obhuragi na okusombookerwa jimbisike joone na okumenya joone kisi, noorwo nikabha na eriikirisya enene rya okutura okufurusya ebhiima, nawe araabha nitari na eryenda, anye nitari chiinu.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

1 Bakorinto 14:26

Woori, abhayiri bhaani mu‑riikirisya, chaayike ki? Omwanya gunu omwikofyanya okusabhwa, umwi keemba orwimbo, owundi keeyigisya, owundi kaayika jinu Nyamuwanga aamuswerurira, owundi kaayika jinyaayika jingenyi, na owundi kaajigajura. Emisango ejo joone jikorekane okukomeesya abheekirisya.

1 Bakorinto 13:8

Eryenda ritari na obhuteero. Nawe okusoosya obhuragi, okwayika jinyaayika jingenyi na obhumenyi, ebhiyaanwa ebhyo bhyone bhiri na obhuteero.

1 Bakorinto 12:10

owundi echiyaanwa cha okukora ebhiruguusyo, owundi echiyaanwa cha okusoosya obhuragi. Mwoyo oyooyo kaayaana owundi echiyaanwa cha okusombookerwa araabha omusango gusookere ku‑masambwa amwi ku‑Mwoyo Mweru, owundi echiyaanwa cha okwayika jinyaayika jingenyi, owundi echiyaanwa cha okugajura jinyaayika ejo.

1 Bakorinto 8:11

Ku‑njira eyo, omwikirisya oweejaanyu unu achaari kurumatana mu‑riikirisya, unu Kirisito ꞉aafwiriiye, kaatura okusingaarika okuruubhana na obhumenyi bhwawo.

Barumi 15:4

Joone jinu ꞉jaakaamirwe kara mu‑Bhikaame Ebhyeru, ꞉jaakaamirwe inguru ya okuchiiyigisya. Ebhikaame ebhyo ebhichisakira okwigumiirisya mu‑bhinyaasyo bhyeswe na okufungʼamibhwa, korereki chibhe na obhwiyikanyo.

Barumi 11:12

Woori, araabha abhaanu bhanu bhatari Bhayisirayeeri ku‑chaaro choone, ꞉bhaabhwene obhwitiriranya bhwafu kwa okubha Abhayisirayeeri ꞉bhaaremere Kirisito, mbe bharibhona noorwo obhwitiriranya bhwafu muno omwanya gunu Abhayisirayeeri bharibhaga bhachungukire.

Ebikorwa 2:4

Abhaanu abho bhoone nibheejusibhwa na Mwoyo Mweru, nibhaamba okwayika mu‑nyaayika jingenyi, rwa kutyo Mwoyo Mweru aabhatangasyaga okwayika.

2 Bakorinto 6:10

Ka wone echibhonekana wuti chisurumbaaye, nawe echikondererwa omwanya gwone. Echibhonekana wuti chiri bhataka, nawe chiniibhiisye bhaafu. Echibhonekana wuti chitari na echiinu choonechoone, nawe chiri na ebhiinu bhyone.