Tîtɛ 1:6 - Kɑɑ Fí

⁶ Ɛ́ píkŋɛ ŋɡɔ ncẅɛ́ɛmbi pɔ́ ŋu ẅí pɛ́ kɑ́ pɔ́ ŋ́kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, mbɔ́ŋkʉ̈ɔ́ pɛ́ zɑ́p tʉ́m yɔ́p nǔu Sɛ́, mɑt wɔp pɔ́ wɛ sʉ́Ꞌnɛ, pɔ́p pɛn ńnɑ́ŋ ńzúꞋ ntsu wɛ́.

Tîtɛ 1:6 Referans Kwoze

1 Timɔtɛ́ɛ 3:12

Ɛ́ píkŋɛ ŋɡɔ pɑfɑꞋ mɛfɑꞋ tsɛt cúꞋlɛ-pʉɔ-Kɛlístɔ ɡẅɛɛ pɔ tɑ́Ꞌ tɑ́Ꞌ mɑŋɡɛ́, ńdíŋɛ mɛnjɛ́Ꞌ mɔ́p sʉ́Ꞌnɛ, tɛ mbɑ mbɔ́ŋkʉ̈ɔ́ pɔ́p.

Tîtɛ 1:10

N cú ŋɡɔ ɔ zɑ́p pʉɔ pɑ́Ꞌɑ, mbíꞋŋɡɔ pʉɔ tɛ ńzɑ́ɑ sɛ́ ḿbɔ́ ńtʉʉ tú. Pɔ́p sɛ́ ńzíꞋ pʉɔ nɛ́ mɛnu mí ɛ́ kɑ́ tʉ́ʉ, ńdɔk ɛ́fúklɛ wɔ́p. Nɛzɑ́ɑ pɔ́ pɑyúdɑ pi pɔ́p pɛ́mnɛ nu-Yɛ́su Kɛlístɔ.

Ɛ́fɛ̂zɛ 5:18

Kɔɔ pʉʉ nɔ́ mɛluꞋ tɛ ɛ́ jʉ́ wʉ́ʉ. Nɛɡɛ pɔ́Ꞌɔ, ɛ́ nɛcʉ́ɔ nǔu sɛ̂ndúŋ kɛpɔŋ. Zẅikŋɛ Lɛ́ɛnɛ́nɛ jʉ́nɛ wʉ́ʉ.

1 Tɛsɑlɔník 5:14

Pɔ́ɔpɛ́mɑ́, pɛk sɛ́ ḿbúꞋ mbɔ́ mbɔ̌ pʉʉ ŋɡɔ pʉʉ ɡɑ́ ntík mbɔ̌ pɛlɔ́ŋ, ńní mɛtʉʉ-pʉɔ pi pɔ́p kɑ́ ɡẅɛɛ mbɔŋyúu pɔ́, ńtɔ́ɔtɛ pʉɔ pi pɔ́p pɛ́t pɔ kɛ́ tɛntɛ, ŋ́ɡẅɛɛ pɔ kɔkmbʉʉ nzʉʉ mbɑ wɔ̌ lɑ́.

Lúkɑ́shi 1:5

Ɛ́ kɑ pɔ́ ŋkɑ́ yi Ɛlɔ̂dɛ m̄bɔ́nɛ fɔɔ-ŋɡɔ́ŋ-Jẅidɛ̂, Wɛcɔ́ nɔŋpɔꞋ pɔ́ ɡú, lík yɛ́ pɔ́ ŋɡɔ Sɑkɑlíyɑ, ɑ pɔ́ ŋɡɑŋfɑꞋ tsɛtsɛt pʉɔ pɛ́ Ábyɑ. Nzwɛ́ wɛ ḿbɔ́ yɛ́ ɡúu nǔu njẅɛt-Álɔ̂ŋ, tɑ́tndɑ́-pɑnɔŋpɔꞋ, lík yɛ́ pɔ́ ŋɡɔ Lísɑpɛ.

1 Timɔtɛ́ɛ 1:9

Pɛkŋɛ pɛn ḿbɔ́ ńjí ŋɡɔ Sɛ́ ŋ́kɑɑ ḿbɔ́ ńtík nɛpʉ́ʉ mbíꞋ pʉɔ pi pɔ́p ɡɛnɛ nu yi ɛ́ tʉ́ʉnɛ pɔ́, ɑ kɑ pɔ́ ńtík nɛpʉ́ʉ mbíꞋ pɑfʉꞋ mɛnu, pɔ́p pɑtʉʉtú, mbíꞋ pɑɡwɑ́k Sɛ́, pɔ́p pɑɡɛ mɛnu kɛpɔŋ, ḿbɛn mbíꞋ mbɑ pʉɔ pi pɔ́p kɑ́ zúꞋ ntsu-Sɛ́ pɔ́, ŋ́kɛ́ mbɔɔ lɔk yɛcɔ́ yúu mi ɛ́ fúnɛ mbɔ̌ wɛ́ ɛ́fúŋ yɛcɔ́ yúu pɔ́. Sɛ́ kɑ pɔ́ ḿbɛn ńtík nɛpʉ́ʉ mbíꞋ pʉɔ pi pɔ́p jẅítɛ pɛtɑ́t pɔ́p pɔ́p pɛmɑ́ pɔ́p, mbíꞋ pɛfút.