Tîtɛ 1:2 - Kɑɑ Fí

² Pɔ́Ꞌɔ, mbɔ pɔ́p ńnɑ́ŋ ḿbɔ́ ńzẅíꞋlɛ luk kɛ́mɛ yi Sɛ́ kɑ lɑ́Ꞌ ḿbɛ́t pɔ kɛ́ puꞋ ŋɡɔŋ, ŋ́kɑꞋ mbɔ̌ pʉɔ pɛ́. Pɛ́ jí ŋɡɔ ɑ lɔ̌ɔ ńcú nu pɛ́ lɔɔ kɛ́kɑ́ŋ pɔ́.

Tîtɛ 1:2 Referans Kwoze

1 Jɑ̂ŋ 2:25

Kɛlístɔ kɑ kɑꞋ mbɔ̌ pɛkŋɛ ŋɡɔ, pɛkŋɛ pɛ Sɛ́ ɡʉ ńdɑ́Ꞌ ḿbɔ́ pɔ ŋkɑ́ tsʉʉ.

2 Timɔtɛ́ɛ 1:9

A kɑ ɡɛ pɛkŋɛ luk, ɛ́fúŋ wɛkŋɛ ńdɔk ŋ́ɡɛ pʉɔ pɛ́. A ŋ́kɑɑ ɡɛ pɔ́Ꞌɔ, ɛ́fú nǔu mɛfɑꞋ sʉ́Ꞌnɛ mi pɛkŋɛ fɑꞋnɛ pɔ́, ɑ kɑ ɡɑ́ pɑ́Ꞌ ɑ kɑ kwɑŋɛ́nɛ ḿbɛn ŋ́ɡɛ pɔŋtʉ́m yɛ́. A kɑ lɛɛ nǔu Yɛ́su Kɛlístɔ ńnyɛt pɔŋtʉ́m yɛ́ ɛ̂yɑ́ tɛ ndǔmbí pɛ́t pɔ kɛ́ pɔ́ ɡú.

Jẅidɛ 1:21

Pʉʉ ɡɛ Sɛ́ kɛ́ ḿbɔ́ ŋ́kẅiꞋ ŋ́kɔŋ wʉ́ʉ kɔŋnɛ, ḿbɔ́ ńzẅíꞋlɛ ŋɡɔ Tsɑpʉɔ wɛkŋɛ Yɛ́su Kɛlístɔ ŋ́ɡʉ ŋ́ɡɛ pʉʉ ɡẅɛɛ luk kɛ́mɛ, mbíꞋŋɡɔ ɑ tsɑ́ɑ mɛjʉ́ŋ mʉ́ʉ.

2 Timɔtɛ́ɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋntúu-Yɛ́su Kɛlístɔ, mbɔ Sɛ́ kɑ kɔŋnɛ ŋɡɔ m bɔ́ wɛ́tɛ́. Yɑ́ɑ fɑꞋ pɔ́ nɛɡʉ ńcú nu nǔu luk kɛ́mɛ yi Sɛ́ kɑ kɑꞋnɛ ŋɡɔ pʉɔmɛsɔŋ ɡʉ ńdɛɛtɛ nǔu Yɛ́su Kɛlístɔ ŋ́ɡẅɛɛ.

Tîtɛ 3:7

A kɑ níꞋ pɑ́Ꞌɑ nɛpɔ́ yi pɛkŋɛ ɡʉ ńdɛɛ nǔu pɔŋ tʉ́m yɛ́, ńtsʉ́Ꞌ pʉɔ ndʉ́ŋndʉŋ ŋ́ɡẅɛɛ luk kɛ́mɛ pɑ́Ꞌ pɛkŋɛ nɑŋ ḿbɔ́ ńzẅíꞋlɛ lɑ́.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

2 Timɔtɛ́ɛ 2:15

Sɑ́Ꞌ tʉʉ nɛɡɔ́ ńtʉ́ʉ mbi Sɛ́, ḿbɔ́ ŋu ẅí ɑ pɛ́mnɛ wɛ́, ḿbɔ́ ŋɡɑŋfɑꞋ ẅí sʉ́ʉ kɑ́ pɔ́ ŋ́kɔ́ wɛ́ nǔu fɑꞋ yɛ́ pɔ́. Ḿbɔ́ ŋɡɑŋfɑꞋ ẅí ɑ cẅinɛ Ŋkʉʉ ẅi ɛ́ nɛ́nẅín, kɛ́ ɡʉ nǔu ŋ́kúpmɛ yɛcɔ́ yúu.

2 Timɔtɛ́ɛ 2:13

Ɛ́ lɑɑ ḿbɔ́ yi pɛkŋɛ nɑ́ŋ ńtsɔ́Ꞌ nzʉʉ yɛ ńtík ŋɡʉ́ɔlɛ, mbɔ ɑ kɛ́ mbɔɔ tsɔ́Ꞌ nzʉʉ yɛkŋɛ ńtík ŋɡʉ́ɔlɛ pɔ́. MbíꞋŋɡɔ ḿbɔ́ ɑ pɔɔ cú nu ḿbɛn ŋ́kúp pɔ́.»

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

Tîtɛ 2:7

mbɑ nǔu kʉ̈ɔ́ lɑ́. KwɑꞋ ɡu tʉ́ʉ nǔu kʉ̈ɔ́ lɑ́, ńnyɛt pɔ fʉꞋ-yúu sʉ́Ꞌnɛ. Ɔ lɑɑ ḿbɔ́ ńzíꞋ pʉɔ nɛ́ yúu, ɔ zíꞋ wɔ́p pɔ ndɑꞋ nɛ́ nu yi Sɛ́ kɔŋnɛ, ḿbɛn ńzíꞋ tɛ ńjí yúu mi ɔ zíꞋnɛ yɛ́tɛ́.

1 Tɛsɑlɔník 5:8

Lɑ́ ŋ́ɡʉ nǔu pɛkŋɛ pi pɛkŋɛ nɛnnɛ nɛnɛm, mbɔ ɛ́ sɛ́ ḿbíkŋɛ ŋɡɔ pɛkŋɛ ɡuutɛ mbʉʉ yɛkŋɛ, ŋkɔŋɛ mbɑ nɛzɑ́p tʉ́m nǔu Sɛ́ pɔ́ yɛkŋɛ ndẅí-ntsɔ yi pɛ́ lɔknɛ tʉ́n ńniitɛ. NɛzẅíꞋlɛ lɛ́Ꞌ yi Sɛ́ ɡʉ ŋ́ɡɛ pɛkŋɛ luk, ɛ́ pɔ́ yɛkŋɛ cɔꞋ-ntsɔ yi pɛ́ lɔknɛ tʉ́n ńniitɛ.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Mɑtʉ̈ɔ 25:34

Fɔɔ ɡɔ́ɔ ŋ́kɛ́ ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi tʉʉ ŋɡɔ: «Pʉʉ ẅínɛ tɑ̌ɑ mɔ kɑ níꞋnɛ mbɔ́tnɛ nǔu pʉʉ, pʉʉ tɔ́ ŋ́kúu tsɛt nɛfɔɔ ní Sɛ́ kɑ lɑ́Ꞌ ńniitɛ ńdɔk ńzẅíꞋlɛ wʉ́ʉ tɛ ɛ́fú nɛnɔŋ ŋɡɔŋ.

Mɛnu ɛ́ ńdɑ́Ꞌ ńcẅɛt 17:8

Nɑɑ ẅí ɔ jʉ́ɔnɛ lɑ́, ɑ kɑ pɔ́ ɡú, lɑ́ ɑ kɛ́ pɛn mbɔ́ ɡú pɔ́. A ɡʉ ŋ́ɡɛ ḿbɛn ḿbɔ́ ɡú, ɛ́fú tsɛt nɛpʉ́ kɛ́ ndúŋ ŋ́kɔ́Ꞌ ŋ́ɡʉ nɛ́ zʉꞋ yi ɑ ɡʉ ŋ́kúu zúꞋu ŋ́kúu pɛ́. Pʉɔ pi pɔ́p ndǔ tsɛ́tsɑ́Ꞌ, mbɔ pɛ́ ŋkɑɑ ŋwɑꞋnɛ lík yɔ́p tsɛt ŋwɑꞋnɛ yi ɛ́ ɡɛnɛ pɛ́ pɔ́ ɡú, tɛ ɛ́fú ŋkɑ́ yi pɛ́ kɑ nɔŋnɛ ndǔmbí pɔ́, pɔ́p ɡʉ ŋ́ɡɛ ńjʉ́ɔ nɑɑ ɛ̂wɑ́ mɑɑ tɛꞋ. MbíꞋŋɡɔ ɑ kɑ pɔ́ ɡú, ɑ kɑ́ pɛn ḿbɔ́ ɡú pɔ́, ŋ́kɛ́ ŋ́ɡɛ ḿbɛn ńcẅɛt.»

Mɛnu ɛ́ ńdɑ́Ꞌ ńcẅɛt 13:8

Pʉɔ tsʉʉ pí pɔ́p ndǔ tsɛ́tsɑ́Ꞌ ɡʉ ŋ́ɡɛ ŋ́kẅíꞋlɛ mbi yɛ́, ŋ́ɡúꞋlɛ wɛ́. Pɛ́ lɑ́Ꞌ ŋɡɔŋ pʉɔ tsʉʉ pí pɛ́ ŋ́kɑɑ ŋwɑꞋnɛ lík yɔ́p tsɛt ŋwɑꞋnɛ-luk tɛ ɛ́fú ŋkɑ́ yi mbí kɑ zɛnɛ pɔ́, ŋwɑꞋnɛ ɛ̂yɑ́ yɛ́ mɔ́ɔ-Njinjɔ ẅí pɛ́ kɑ jẅínɛ wɛ́.

2 Timɔtɛ́ɛ 2:10

Ɛ́ yúu mi ɛ́ ɡɛnɛ m bɔ́ ńjʉ́ɔ ŋɡʉ̈ɔ́Ꞌ pɔ ŋɡɔ́ku ɔɔ, mbíꞋ pʉɔ pi Sɛ́ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, sʉk sʉknɛ, ńjí ŋɡɔ Yɛ́su Kɛlístɔ ɡʉ ŋ́ɡɛ pɔ́p luk yɔ́p. Pɔ́p fu pɔ́Ꞌɔ, ŋ́kúu tsɛt nɛŋwɑ́ŋɛ-luk kɛ́mɛ.

1 Timɔtɛ́ɛ 6:19

Pɔ́p lɑɑ ŋ́ɡɛ pɔ́Ꞌɔ, mbɔ pɔ́p lɔk ńcúꞋlɛ fuꞋ yɔ́p ńdẅɛꞋ nǔu zʉꞋ sʉ́Ꞌnɛ, zʉꞋ yi yîyɑ́ fuꞋ ɡʉ ńdɑ́Ꞌ ḿbɔ́ pɔ ɡú, ńdɔk pɔ́Ꞌɔ, ŋ́ɡẅɛɛ kwɑꞋ luk.

Pʉɔ-Lɔ́mɑ 5:21

Ɛ́ lɛɛ pɔ́Ꞌɔ, Sɛ́ lɔk pɑ́Ꞌ ɑ tsɑ́ɑnɛ mɛjʉ́ŋ mɔ́p, jʉ́ tsʉ́Ꞌnɛ ŋ́ɡẅɛɛ wɔ́p, ŋ́ɡɛ pɔ́p tsʉ́Ꞌ pʉɔ pi pɔ́p ndʉ́ŋndʉŋ mbi yɛ́, ɛ́ lɔk ɛ́fí pɑ́Ꞌ nu kɛpɔŋ kɑ ɡɛnɛ nɛvú ɡẅɛɛ pʉɔmɛsɔŋ, ńjẅítɛ wɔ́p. Sɛ́ tsɑ́ɑ mɛjʉ́ŋ mɛkŋɛ ŋ́ɡɑ́ fuꞋ níinɛ yɛkŋɛ pɔ́Ꞌɔ, pɛkŋɛ lúꞋnɛ Tsɑpʉɔ Yɛ́su Kɛlístɔ lɑ ŋ́ɡẅɛɛ luk kɛ́mɛ.

ŊwɑꞋnɛ-Gɑŋntúu Yɛ́su Kɛlístɔ 15:18

Ɛ́ pɔ́ mɛnu mí ɑ kɑ lɑ́Ꞌmɔ́ ŋ́ɡɛ pɛ́ jí.

Jɑ̂ŋ 17:2

Ɔ kɑ ɡɑ́ mɛtʉʉ mbɔ̌ wɛ́ nɛlɔk ńdíŋɛ pʉɔmɛsɔŋ, ńjí ŋɡɔ ɑ ɡʉ ŋ́ɡɑ́ luk kɛ́ mɛ, mbɔ̌ pʉɔ tsʉʉ pí ɔ kɑ ɡɑ́nɛ mbɔ̌ wɛ́.»

Jɑ̂ŋ 10:28

Ŋ ɡɑ́ luk kɛ́mɛ mbɔ̌ pɔ́p, pɔ́p ŋ́ɡʉ ńdɑ́Ꞌ ḿbɛn ńtíi ndɔɔ kɛ́mɛ pɔ́. Sɑ̌ɑ ŋu pɛn mbɔɔ kuꞋ nɛfú mbɔ̌ mɔ ɛ́sɑꞋ wɔ́p pɔ́.

Jɑ̂ŋ 6:68

Símɔ Pyɛ̂ pʉ̈ɔt mbɔ̌ wɛ́ ŋɡɔ: «Tsɑpʉɔ, pɛk ɡʉ ŋ́ɡʉ ŋ́kẅɛ́ɛtɛ pɔ wɔ̌? Ɔ ɡẅɛɛ sẅiŋɛ yí ɛ́ ɡɑ́nɛ luk kɛ́mɛ.

Jɑ̂ŋ 6:54

Ŋu lɑɑ ŋ́kwɛ́t mbɑp-mbʉʉ yɑɑ, ńnɔ́ mɛci mɑ́ɑ, ɑ ɡẅɛɛ luk kɛ́mɛ. Ŋ ɡɛ ńzẅíimɛ ŋɡɑŋ nǔu nɛvú ndẅiknzʉʉ lɛ́Ꞌ.

Jɑ̂ŋ 5:39

Pʉʉ mɔɔ ŋwɑꞋnɛ ndɛn kɑɑ-Sɛ́ tɛꞋ, mbíꞋŋɡɔ pʉʉ sɛ́ ŋ́kwɑŋɛ ŋɡɔ pʉʉ ɡʉ ńdɛɛ nǔu ŋ́ɡẅɛɛ luk kɛ́mɛ. Yɛ́tɛ kɛ́ nɛ cú ŋu ẅí mɔ jʉ́ pɔ́!

1 Timɔtɛ́ɛ 6:12

Kɛ́ ḿbɔ́ ḿmɑꞋ yú pɔ ntsɔ sʉ́Ꞌnɛ wɛ́ pɑzɑ́ptʉ́m nǔu Sɛ́. KúꞋlɛ luk kɛ́mɛ sʉ́Ꞌnɛ, mbíꞋŋɡɔ Sɛ́ kɑ fúŋ wú, ntɛ́ pɔ wɛ́tɛ́. Ɔ kɑ pɛn ńtʉ́ʉ mbi pʉɔ tɛ ńzɑ́ɑ ḿbɛ́m nu sʉ́Ꞌnɛ yi ɔ zɑ́pnɛ tʉ́m yú nǔu.

1 Tɛsɑlɔník 2:15

Pɑyúdɑ ɛ̂pɑ́ kɑ jẅí pɑcẅiŋkʉʉ-Sɛ́ pɛ́ ŋkɑ́mbi, pɔ́p kɑ pɛn ńjẅí Tsɑpʉɔ Yɛ́su. Pɔ́p pɛn ḿbɔ́ ŋ́kʉ́ʉnɛ wɛ́k. Pɔ́p kɑ́ pɔ́ ŋ́ɡɛ yúu mi ɛ́ pɔŋnɛ Sɛ́ pɔ́, pɔ́p pɑɑ pʉɔ tsʉʉ.

Pʉɔ-Lɔ́mɑ 16:25

Pɛkŋɛ ɡúꞋlɛ Sɛ́. Jʉ́ kuꞋnɛ nɛɡɛ pʉʉ tɛntɛ tɛntɛ́nɛ nzʉʉ wɛ́. Ŋkʉʉ Sʉ́Ꞌnɛ ẅí n cẅinɛ ɛ́ cú nu nǔu Yɛ́su Kɛlístɔ, ɛ́ ɡʉ ḿbɔ́ ɛ́fɑꞋ yîyɑ́ fɑꞋ. Sɛ́ lɔk wɔ Ŋkʉʉ Sʉ́Ꞌnɛ, ńnyɛt yúu mi ɑ kɑ zɑ́pnɛ nǔu Kɛlístɔ, mbɔ ɛ́ kɑ zɛɛ ḿbɔ́ yi lʉɔmɛ́nɛ tɛ ɛ́fú tɛ mɛŋɡuꞋ.

Pʉɔ-Lɔ́mɑ 5:4

Nɛsʉk ɡɛ pɛkŋɛ tɛntɛ. Ɛ́ lɛɛ pɔ́Ꞌɔ, pɛkŋɛ nɑ́ŋ ḿbɔ́ ńzẅíꞋlɛ ŋɡɔ yúu mi sẅiŋɛ-Sɛ́ sɛ́ ńcú, jʉ́ Sɛ́ ŋ́ɡɛ ŋ́ɡɛ ɛ́ puutɛ nǔu pɛkŋɛ.

Pʉɔ-Lɔ́mɑ 5:2

Jʉ́ Yɛ́su kɑ tsɔ́Ꞌnɛ sɛ̂ndúŋ lɑ Sɛ́ ɡɑ́ fuꞋ níinɛ yɛkŋɛ pɑ́Ꞌɑ, tɛ ɛ́ tsʉ́Ꞌ ŋ́ɡɔ́ ḿbɔ́ pɔ mbɔ̌ pɛkŋɛ pɔ́Ꞌɔ ɛ́fú nǔu pɑ́Ꞌ pɛkŋɛ zɑ́pnɛ tʉ́m nǔu jʉ́ Yɛ́su. Pɛkŋɛ pɑ́Ꞌɑ tsɑ́ɑtɛ pɔ́ tʉ́m pɛkŋɛ tɛꞋ, mbíꞋŋɡɔ pɛkŋɛ nɑ́ŋ ḿbɔ́ ńzẅíꞋlɛ pɑ́Ꞌ Sɛ́ ɡʉ ŋ́ɡɛ ŋ́ɡɑp yúu mi ɛ́ nǔu nɛɡúꞋ wɛ, ŋ́ɡɑ́ yɛkŋɛ.

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

Pʉɔ-Lɔ́mɑ 1:2

Ntí sɑk pɑ́Ꞌ Sɛ́ kɑ lɑ́Ꞌnɛ ŋkɑꞋ ẅîwɑ́ Ŋkʉʉ Sʉ́Ꞌnɛ tɛ ŋ́ɡɛ pɑcẅiŋkʉʉ pɛ́ pɛ́ ŋkɑ́mbi ŋwɑꞋnɛ tsɛt ŋwɑꞋnɛ yɛ́.

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

Kɔlɔsíyɛ̂ŋ 1:27

MbíꞋŋɡɔ Sɛ́ kɑ jʉ́ɔ ŋɡɔ ɑ ɡʉ ŋ́ɡɛ pʉɔ pɛ́ jí yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ḿbɔ́ yi ɑ kɑ kɑꞋnɛ nɛɡɛ nǔu mɛtúu mɛtúu, yîyɑ́ yúu ɡẅɛɛ fuꞋ, ḿbɛn ḿbɔŋ tɛꞋ. Yîyɑ́ ntsɛm pɔ́ ŋɡɔ pʉʉ jí ŋɡɔ Kɛlístɔ ɑ tsɛt tʉ́m pʉʉ, ḿbɔ́ ŋ́ɡɛ pʉʉ zẅíꞋlɛ ŋkɑ́ yi pʉʉ ɡʉ ńdɑ́Ꞌ kúu tsɛt nɛɡúꞋ-Sɛ́.

Mɑ́lɛ́kúshi 10:30

tɛ ḿbɛ́t kɛ́ zɛ pɔ ŋkɔ̂ɔnɛ nɛɡẅɛɛ yɛcɔ́ ŋkɑ́ ŋkʉ pɔ́, pɛ́ ɡʉ ŋ́kʉ́ʉnɛ wɛ́, lɑ́, Sɛ́ kɛ́ ŋ́ɡɛ ɑ fú pɔ ŋkɔ̂ɔnɛ ŋ́ɡẅɛɛ mɛndɑ́, ŋ́ɡẅɛɛ pɔ́ɔpɛ́mɑ́, ŋ́ɡẅɛɛ pɛmɑ́ pɛ́, ŋ́ɡẅɛɛ mbɔ́ŋkʉ̈ɔ́ pɛ́, ŋ́ɡẅɛɛ mɛŋkɑ́Ꞌ mɛ́, ḿbɛn ńdɑ́Ꞌ ḿbɔ́ tsɛt ŋɡɔŋ fí, ŋ́ɡẅɛɛ luk kɛ́mɛ.

Mɑ́lɛ́kúshi 10:17

Yɛ́su ɡɛ ńtʉ́ʉ sɛ̂ndúŋ ḿbɔ́ ŋ́ɡʉ, wɛcɔ́ ŋu kʉ̈ɔ́ ńtɔ́ ŋ́kẅíꞋlɛ mbi yɛ́, ḿbíkŋɛ wɛ́ ŋɡɔ: «Cícɑ, ɡu pɔ́nɛ kwɑꞋ ŋu sʉ́Ꞌnɛ. Ŋ ɡʉ ŋ́ɡɛ yɑ́ɑ ŋɡɔ́ku lɑ́ ŋ́ɡẅɛɛ luk kɛ́mɛ?»