Pʉɔ-Lɔ́mɑ 8:30 - Kɑɑ Fí

³⁰ Pʉɔ pi Sɛ́ kɑ zɑ́Ꞌnɛ njí ńtsɔ́Ꞌ wɔ́p, ɑ lɛɛ tɛ ḿbɛn ɛ́fúŋ pɔ wɔ́p, ɛ́fúŋ wɔ́p pɔ́Ꞌɔ, ḿbɛn ńtsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́, ɛ́ pɔɔ kuꞋ pɔ ndɑꞋ pɔ́Ꞌɔ pɔ́, ɑ kɑ pɛn ŋ́ɡɑ́ nɛɡúꞋ mbɔ̌ pɔ́p.

Pʉɔ-Lɔ́mɑ 8:30 Referans Kwoze

Mɛnu ɛ́ ńdɑ́Ꞌ ńcẅɛt 17:14

Pɔ́p ɡʉ ḿmɑꞋ Mɔ́ɔ-Njinjɔ nɛ́ ntsɔ, lɑ́ ɑ kɛ́ ńdɛɛ wɔ́p, mbíꞋŋɡɔ ɑ Tsɑpʉɔ pɛtsɑpʉɔ, ḿbɔ́ Fɔɔ pɛfɔɔ. Pʉɔ pí ɑ kɑ fúŋnɛ wɔ́p, ńtsɔ́Ꞌ wɔ́p, pɔ́p jí pɔ́ ndɑꞋ wɛ́, pɔ́p pɛpɔ́p lɛɛ nɑɑ ɛ̂wɑ́.

Pʉɔ-Lɔ́mɑ 8:28

Pɛkŋɛ pɛn ḿbɔ́ ńjí ŋɡɔ mɛnu mi ɛ́ ɡɛnɛ pʉɔ pi pɔ́p sɛ́ ŋ́kɔŋ Sɛ́, Sɛ́ ɡɛ mîmɑ́ mɛnu, ŋ́ɡɛ pɔ nu sʉ́Ꞌnɛ nǔu pɔ́p, pɔ́p ẅi ɑ kɑ tsɔ́Ꞌnɛ nǔu ntɛ́ yi ɑ kɑ zɑ́Ꞌnɛ njí ŋ́kwɑŋɛ.

Ɛ́fɛ̂zɛ 1:11

Pɛk kɑ lúꞋnɛ pɔ pɑ́Ꞌ pɛk kɑ lɑtnɛ mbʉʉ nǔu Kɛlístɔ, lɑ ŋ́ɡẅɛɛ yɛ́k zʉꞋ tsɛtsɛt pʉɔ pi ɑ ɡɛnɛ pɔ́p luk, ɛ́ mbíꞋŋɡɔ Sɛ́ kɑ zɑ́Ꞌnɛ njí ńtsɔ́Ꞌ wɛ́k. Ɛ́ pɔ́ pɑ́Ꞌ ɑ kɑ zɑ́pnɛ. Sɛ́ pɛn ŋ́ɡɛ kʉ̈ɔ́ lɑ́ pɔ pɑ́Ꞌ ɑ kɑ zɑ́pnɛ ŋɡɔ ɑ ɡʉ ŋ́ɡɛ pɔ́Ꞌɔ.

Ɛ́bɛlʉʉ 9:15

Yɔ yúu minɛ ɛ́ ɡɛnɛ Kɛlístɔ pɔ́ nǔu nu yɛcɔ́ kɑɑ yi ɛ́ yɛ fí, yi ɛ́ pɛn ńdɔk ḿbɔ́ pɑ́Ꞌ ŋwɑꞋnɛ lɔk ńtík nɛvú, ḿbɔ́ nɛnkɛ́m. A kɑ pfú ɛ́ pɔ́ nɛlɔk pɔ́Ꞌɔ, ɛ́fú ndɑ́tsɑ́ŋ yi mɛnu kɛpɔŋ-pʉɔmɛsɔŋ kɑ níꞋnɛ wɔ́p zúꞋu, ŋkɑ́ yi pɛ́ kɑ pɛ́t pɔ́ nǔu nu nduŋmbi kɑɑ, ńcẅɛɛtɛ wɔ́p. Ɛ́ kɛ́ fú pɔ́Ꞌɔ, pʉɔ pinɛ pɛ́ kɑ tsɔ́Ꞌnɛ wɔ́p, pɔ́p kuꞋ nɛcẅɛ́ɛ mɛyúu sʉ́Ꞌnɛ mi ɑ kɑ pʉ́nɛ, ɛ́ pɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Ɛ́fɛ̂zɛ 1:5

ńzɑ́p tɛ ntí sɑk tɛꞋ ŋɡɔ ɑ ɡʉ ńdɛɛ nǔu Yɛ́su Kɛlístɔ ŋ́ɡɛ pɛkŋɛ tsʉ́Ꞌ pɔ́ɔ pɛ́. Ɛ́ pɔ́ pɔ wɛ nɛkɔŋtɛ, ḿbɔŋ wɛ́ tɛꞋ.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.

1 Kɔlɛ̂ŋtɛ 6:11

Ɛ́ pɑ́Ꞌ pɛcɔ́ pʉɔ tsɛtsɛt pʉʉ kɑ zɛɛ ḿbɔ́ pɔ́Ꞌɔ. Lɑ́ Sɛ́ kɑ suk mîmɑ́ mɛnu nǔu pʉʉ, ńdɔk wʉ́ʉ ŋ́ɡɛ pʉɔ pɛ́. Sɛ́ wɛkŋɛ kɑ lɔk Zẅikŋɛ yɛ́ ŋ́ɡɛ pʉʉ tsʉ́Ꞌ ḿbɔ́ pɔ pʉɔ pi pɔ́p ndʉ́ŋndʉŋ mbi yɛ́ ntɛ́ Tsɑpʉɔ Yɛ́su Kɛlístɔ. Pʉʉ ɡẅɛɛ mbʉʉ yʉʉ lɑ ńjí ŋɡɔ pʉʉ ńdɔk ŋ́ɡúꞋlɛ Tsɑpʉɔ.

1 Pyɛ̂ 3:9

Kɔɔ pʉʉ lɔk nu kɛpɔŋ ḿbɑꞋ nu kɛpɔŋ. Kɔɔ pɛ́ zɔɔtɛ wʉ́ʉ pʉʉ pɑ́Ꞌ. Tɛ tsʉꞋ pɔ́Ꞌɔ, pʉʉ cú ŋɡɔ Sɛ́ pɔ́ nɛ́ ŋɡɑŋ, Sɛ́ kɑ tsɔ́Ꞌ wʉ́ʉ pɔ pɑ́Ꞌ ɑ ɡʉ ḿbɔ́ nɛ́ pʉʉ.

Jɑ̂ŋ 17:22

NɛɡúꞋ ẅi ɔ kɑ ɡɑ́nɛ mbɔ̌ mɔ lɑ́, ɛ́ ẅîwɑ́ ẅi ŋ kɑ ɡɑ́nɛ mbɔ̌ pɔ́p, pɔ́p ɡʉ tɛmtɛ ḿbɔ́ tɑ́Ꞌ pɑ́Ꞌ pûu tɛmtɛnɛ lɑ́.

2 Pyɛ̂ 1:10

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pʉʉ kẅiꞋ ɛ́sɑ́Ꞌ tʉʉ, nɛpɔ́ yi pʉʉ ɡʉ ŋ́ɡɛ pɛ́ jí sʉ́Ꞌnɛ ŋɡɔ Sɛ́ kɑ fúŋnɛ wʉ́ʉ, ńtsɔ́Ꞌ wʉ́ʉ. Pʉʉ lɑɑ ńnɑ́ŋ nǔu yîyɑ́ ntɛ́, mbɔ pʉʉ kɛ́ lɑ́Ꞌ ḿvu nǔu nu kɛpɔŋ pɔ́.

1 Kɔlɛ̂ŋtɛ 1:9

Jʉ́ Sɛ́ ẅi ɑ kɑ tsɔ́Ꞌnɛ wʉ́ʉ pɑ́Ꞌ pʉʉ ɡʉ ńnɑ́ŋ ŋkɑ́ tsʉʉ ńtɛmtɛ mbʉʉ yʉʉ nǔu Mɔ́ɔ nɛ Yɛ́su Kɛlístɔ ẅi ɑ Tsɑpʉɔ wɛkŋɛ, ɑ lɔɔ ŋ́kɑꞋ yúu mi ɑ ɡʉ ŋ́ɡɛ ḿbɛn ŋ́kúpmɛ pɔ́.

1 Tɛsɑlɔník 2:12

Pɛk kɑ níꞋ mɛtʉʉ mʉ́ʉ, ńníꞋ tʉ́m yʉ́ʉ, ńtsuŋ ńcú mbɔ̌ pʉʉ ŋɡɔ pʉʉ nɛn nǔu sɛ̂ndúŋ ẅi Sɛ́ sɛ́ ŋ́kɔŋ. Jʉ́ ẅi ɑ sɛ́ ɛ́fúŋ wʉ́ʉ tsɛt nɛfɔɔ nɛ́, tsɛt nɛɡúꞋ wɛ.

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

2 Timɔtɛ́ɛ 2:11

Mɛnu mi mɔ ńcú lɑɑ ɛ́ zúꞋu ḿbɔ́ pɔ́Ꞌɔ: «Ɛ́ lɑɑ ḿbɔ́ yi pɛkŋɛ pɛ Kɛlístɔ kɑ tɛmtɛ ḿpfú, mbɔ pɛkŋɛ pɛpɔ́p ŋ́ɡɛ ńtɛmtɛ ḿbɔ́ ɡú.

Mɛnu ɛ́ ńdɑ́Ꞌ ńcẅɛt 19:9

Wɛcɔ́ Cʉ̈ɔꞋ-Sɛ́ cú mbɔ̌ mɔ ŋɡɔ: «ŊwɑꞋnɛ tsɛt ŋwɑꞋnɛ ŋɡɔ pɛpɔ́ttʉ́ pʉɔ pí pɛ́ fúŋnɛ wɔ́p zʉꞋ-ndínɑ lɑ́ɑndɑ́-mɔ́ɔ-Njinjɔ, ḿbɛn ńcú mbɔ̌ mɔ ŋɡɔ: Ɛ́ sẅiŋɛ yi ɛ́ cẅɛtnɛ kwɑꞋ ntsu-Sɛ́.»

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

1 Pyɛ̂ 5:10

Ŋɡʉ̈ɔ́Ꞌ yʉʉ ɡʉ nɑꞋ ńnɑ́ŋ pɔ mɔ́zʉꞋ, Sɛ́ ẅi mbɑ yɛ́tɛ́ nu sʉ́Ꞌnɛ lɑ́ fú pɔ mbɔ̌ wɛ́, jʉ́ ẅí ɑ kɑ lɛɛnɛ nǔu Yɛ́su Kɛlístɔ ɛ́fúŋ wʉ́ʉ pɑ́Ꞌ pʉʉ ɡʉ ḿbɔ́ yʉ́ʉ tsɛt nɛɡúꞋ wɛ ẅí ndẅiklɛ kɑ́ pɔ́ ɡú pɔ́, ɡʉ ɛ́fú pɔ́Ꞌɔ, ŋ́ɡɛ yɛcɔ́ yúu pɔɔ pɛn ńjɑ́k nǔu pʉʉ pɔ́, ńtẅí fufuꞋ wʉʉ, pʉʉ tɛntɛ, pɛ́ pɔɔ pɛn ŋ́kuꞋ nɛtsʉ́ʉ wʉ́ʉ tɛ ḿmɑꞋ sɛ́ pɔ́.

Kɔlɔsíyɛ̂ŋ 3:4

Kɛlístɔ pɔ́nɛ kwɑꞋ yʉ́ʉ luk. A ɡʉ ńdɑ́Ꞌ ḿbɔ́ tɛ ńcẅɛt, pʉʉ pɛn ńcẅɛt yʉ́ʉ, pʉʉ pɛ́ pɔ́p tɛmtɛ ḿbɔ́ tsɛt nɛɡúꞋ wɛ.

Ɛ́fɛ̂zɛ 4:4

Mbɑp-mbʉʉ-Kɛlístɔ yɛmɔ́Ꞌ, Zẅikŋɛ lɛ́ɛnɛ́nɛ pɔ́ yɛ́mɔ́Ꞌ ndʉ́ŋndʉŋ pɑ́Ꞌ yúu mi Sɛ́ kɑ fúŋnɛ wʉ́ʉ, pʉʉ pɔ́ ńzẅíꞋlɛ ɛ́ pɔ́ pɔ yɛ́mɔ́Ꞌ.

2 Kɔlɛ̂ŋtɛ 4:17

Mɔ́ɔ mɔ́yúu ŋɡʉ̈ɔ́Ꞌ ẅi pɛk ŋkɔ̂ɔnɛ ḿbɔ́ ńjʉ́ɔ, ɛ́ lɛɛ lɛɛnɛ. Pɛ́ lɑɑ ŋ́ɡʉ ḿbɛ́ɛ fʉꞋ, ɛ́ pɔɔ kuꞋ yɛcɔ́ yúu nǔu nɛɡúꞋ kɛ́ ndɛn ẅi ɛ́ kɑ́ pɔ́ ŋ́ɡʉ ńdɑ́Ꞌ ḿmɛ pɔ́, ẅi yîyɑ́ ŋɡʉ̈ɔ́Ꞌ lɔk ńtsɔ́Ꞌ sɛ̂ndúŋ ŋ́ɡɑ́ mbɔ̌ pɛkŋɛ.

Jɑ̂ŋ 5:24

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.

Ɛ́fɛ̂zɛ 2:6

Pɑ́Ꞌ pɛkŋɛ kɑ lɑt mɔ́ mbʉʉ yɛkŋɛ nǔu Yɛ́su Kɛlístɔ lɑ́, ɑ kɑ zẅíimɛ wɛkŋɛ pɛpɔ́p nǔu nɛvú, ḿbɛn ŋ́ɡɛ pɛkŋɛ cʉ́ɔ nzʉʉ Yɛ́su Kɛlístɔ, pɛkŋɛ pɛpɔ́p tɛmtɛ ŋ́kɔ́Ꞌ ńnɑ́ŋ tʉ́nɛ́pú ḿbɔ́ ɛ́sɑ́Ꞌ mbɑ kʉ̈ɔ́ lɑ́ zúꞋu.

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

Pʉɔ-Lɔ́mɑ 1:6

Mbɑ pʉʉ yʉ́ʉ, pʉʉ nǔu nɔɔ-pʉɔ ɛ̂pɑ́, mbíꞋŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ yʉ́ʉ pʉɔ-Kɛlístɔ.

Pʉɔ-Lɔ́mɑ 8:21

Ɛ́ pɔ́ ŋɡɔ yɛcɔ́ lɛ́Ꞌ ɡʉ ńdɑ́Ꞌ ŋ́kuꞋ, ɑ fú ndɑ́-kwɑɑ ńcẅɛɛtɛ mbɑ kʉ̈ɔ́ lɑ́ yi ɑ kɑ niitɛ́nɛ, yɛcɔ́ yúu pɔɔ pɛn ńdyɔ́ nǔu pɔ́, mbɑ kʉ̈ɔ́ lɑ́ pɔ́ zʉꞋ yi pʉɔ-Sɛ́ zúꞋu tsɛt nɛɡúꞋ, yɛcɔ́ yúu lɔɔ ḿpfú zúꞋu pɔ́, yɛcɔ́ kɛ́ mbɔɔ lyɔ́.

Pʉɔ-Lɔ́mɑ 11:29

Ɛ́ pɔ́Ꞌɔ, mbíꞋŋɡɔ Sɛ́ kɑ́ lɔk yúu ŋ́ɡɑ́ fuꞋ-ŋu ḿbɛn ńcẅɛ́ɛ pɔ́, ŋ́kɛ́ ḿbɔɔ cú ŋɡɔ ɑ fúŋ ŋu ḿbɛn ŋ́kúpmɛ nu yi ɑ cúnɛ pɔ́.

1 Kɔlɛ̂ŋtɛ 2:7

Ɛ́ ɡʉ nǔu pɛk, mbɔ pɛk lɛꞋlɛ yɛ́k pɔ jínu-Sɛ́ yi ɛ́ ŋkʉꞋnɛ nu yi ɛ́ kɑ pɔ́ yi lʉɔmɛ́nɛ, mbɔ Sɛ́ kɑ lɑ́Ꞌ mɔ́ ńniitɛ ńzɑ́p tɛ mbí pɛ́t kɛ́ pɔ́ ɡú, nɛpɔ́ yi ɑ ɡʉ ńdɑ́Ꞌ ńdɔk ŋ́ɡɑ́ nɛɡúꞋ wɛkŋɛ.

Ŋɡɑlɑ̂t 1:6

Ɛ́ kʉꞋnɛ wɑ́ɑ tɛꞋ nǔu pɑ́Ꞌ Sɛ́ kɑ lɛɛnɛ nǔu Kɛlístɔ, ɛ́fúŋ wʉ́ʉ, ŋ́ɡɑ́ fuꞋ fɛ̌ɛ yʉ́ʉ, ŋ kɑ cẅɛt tsɛtsɛt pʉʉ, pʉʉ shɔtnɛ nzʉʉ wɛ́, tɛ ńtsʉ́Ꞌ ńzúꞋ pɔ yɛcɔ́ Ŋkʉʉ sʉ́Ꞌnɛ wɛ ndɛꞋ.

Ŋɡɑlɑ̂t 1:15

Pɑ́Ꞌ mbɔ ŋ kɑ pɛ́t pɔ nɛpɛm, Sɛ́ tsɔ́Ꞌ wɑ́ɑ, ŋ́ɡɛ ŋ́ɡɑ́ fuꞋ yɑ́ɑ, ɛ́fúŋ wɑ́ɑ ŋɡɔ n tsʉ́Ꞌ ḿbɔ́ pɔ nǔu mɛ́ mbɔ́.

Ŋɡɑlɑ̂t 5:8

Ẅîwɑ́ ɡwɛ́tnɛmbɔp ẅí pɛ́ kɑ sẅíinɛ wʉ́ʉ tɛ pʉʉ pɛ́m, ɛ́ ŋ́kɑɑ ḿbɔ́ fú mbɔ̌ Sɛ́ ẅí ɑ sɛ́ ɛ́fúŋ wʉ́ʉ pɔ́.

Ɛ́fɛ̂zɛ 3:11

Sɛ́ kɑ ɡɛ pɑ́Ꞌɑ ɛ́ lɔk ḿbuutɛ nǔu yúu mi ɑ kɑ zɑ́pnɛ tɛ ḿbɛ́t pɔ kɛ́ puꞋ mbí, ŋɡɔ ɑ ɡʉ ńdɑ́Ꞌ ɛ́fú nǔu Tsɑpʉɔ wɛkŋɛ Yɛ́su Kɛlístɔ, ŋ́ɡɛ yîyɑ́ yúu.