Pʉɔ-Lɔ́mɑ 8:18 - Kɑɑ Fí

¹⁸ N zɛɛ ḿbɔ́ ŋ́kwɑŋɛ ŋɡɔ, ŋɡʉ̈ɔ́Ꞌ yi pɛkŋɛ ŋkɔ̂ɔnɛ ḿbɔ́ ńjʉ́ɔ kɑ́ síi ŋ́kuꞋ yɛcɔ́ yúu nǔu nɛɡúꞋ ẅi Sɛ́ ɡʉ ŋ́ɡɛ ŋ́ɡɛ pɛkŋɛ jʉ́ɔ pɔ́.

Pʉɔ-Lɔ́mɑ 8:18 Referans Kwoze

1 Pyɛ̂ 4:13

Pʉʉ tsʉ́Ꞌ ńtsɑ́ɑtɛ tsɑ́ɑtɛ́nɛ mbíꞋŋɡɔ pʉʉ sɛ́ ńjʉ́ɔ yʉʉ ŋɡʉ̈ɔ́Ꞌ pɑ́Ꞌ Kɛlístɔ, ɛ́ lɛɛ pɔ́Ꞌɔ, pʉʉ ɡɛ ḿbɔ́ tɛ ńjʉ́ɔ nɛɡúꞋ wɛ ḿbɛn ŋ́ɡẅɛɛ yʉ́ʉ mɑ́mɑ́ tsɑ́ɑtɛ.

Kɔlɔsíyɛ̂ŋ 3:4

Kɛlístɔ pɔ́nɛ kwɑꞋ yʉ́ʉ luk. A ɡʉ ńdɑ́Ꞌ ḿbɔ́ tɛ ńcẅɛt, pʉʉ pɛn ńcẅɛt yʉ́ʉ, pʉʉ pɛ́ pɔ́p tɛmtɛ ḿbɔ́ tsɛt nɛɡúꞋ wɛ.

ŊwɑꞋnɛ-Gɑŋntúu Yɛ́su Kɛlístɔ 20:24

Lɑ́ ɛ́ ɡʉ nǔu mɔ, mbɔ wɑɑ nɛpɔ́ kɑ́ síi ḿbɔ́ pɔ yúu tʉʉndɛn mbɔ̌ mɔ pɔ́. Yúu mi mɔ sɛ́ ńtsɑ́ɑ, ɛ́ pɔ́ pɔ ŋɡɔ, ɛ fɑꞋ fɑꞋ yi pɛ́ ɡɑ́nɛ mbɔ̌ mɔ tɛ ḿmɛk. Ɛ́ pɔ́ nɛɡɛ ŋ́ɡɛ mbɑ kʉ̈ɔ́ lɑ́ yi Tsɑpʉɔ Yɛ́su kɑ cúnɛ ŋɡɔ ŋ ɡɛ. N cú nɛɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔmɛsɔŋ nɛlɔk ɛ́sẅíi wɔ́p pɑ́Ꞌ Sɛ́ fú nǔu Yɛ́su ŋ́ɡɑ́ fuꞋ níinɛ mbɔ̌ pʉɔ pɔ́Ꞌɔ.»

1 Jɑ̂ŋ 3:2

Pɛsúu pɑ́ɑ pɛ́ tʉʉndɛn, pɛkŋɛ ŋkɔ̂ɔnɛ pɑ́Ꞌɑ ḿbɔ́ pʉɔ-Sɛ́, lɑ́ ntɛ́ yi pɛkŋɛ ɡʉ ŋ́ɡɛ ḿbɔ́ pɔ́Ꞌɔ, ɛ́ pɛ́t ḿbɔ́ yi lʉɔmɛ́nɛ. Pɛkŋɛ kɛ́ ḿbɔ́ ńjí ŋɡɔ Kɛlístɔ ɡʉ ŋ́ɡɛ ḿbɔ́ tɛ ńcẅɛt, pɛkŋɛ jʉ́ɔ wɛ́ pɑ́Ꞌ ɑ zúꞋu ḿbɔ́, ḿbɔ́ yi ɑ ŋɡɔ́ku ɔɔ, pɛkŋɛ pɔ́ yɛkŋɛ pɔ pɔ́Ꞌɔ.

1 Pyɛ̂ 1:13

Pɔ́Ꞌɔ, jínu yʉ́ʉ tʉ́ʉ pɔ nǔu nɛɡɛ yúu nǔu ntɛ́ yɛ́ pʉɔ-Sɛ́, kɔɔ pʉʉ pɛ́ jínu, pʉʉ nɑ́ŋ ḿbɔ́ ńniitɛ ńzẅíꞋlɛ fuꞋ yi Sɛ́ ŋ́ɡɛ ŋ́ɡɑ́ mbɔ̌ pʉʉ, nǔu ŋkɑ́ yi Yɛ́su Kɛlístɔ ɡʉ ŋ́ɡɛ ńtɔ́.

2 Tɛsɑlɔník 2:14

Mɔnɛ mɛnu mi ɛ́ kɑ ɡɛnɛ Sɛ́ lɔk Ŋkʉʉ Sʉ́Ꞌnɛ ẅi pɛk kɑ cẅinɛ mbɔ̌ pʉʉ, ɛ́fúŋ wʉ́ʉ, nɛpɔ́ yi pʉʉ ɡʉ ŋ́kúu tsɛt nɛɡúꞋ-Tsɑpʉɔ wɛkŋɛ Yɛ́su Kɛlístɔ.

1 Pyɛ̂ 5:1

N cú yɔ nu ŋkɔ̂ɔnɛ nɛlɔk ńtík pɑcẅɛ́ɛmbi pi pɔ́p tsɛt cúꞋlɛ yʉ́ʉ, mɔ yɑ́ɑ ńcẅɛ́ɛmbi pɑ́Ꞌ pɔ́p, mbɔ Kɛlístɔ kɑ ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, n tʉ́ʉ zúꞋu. Mɔ ŋ́ɡɛ ŋ́ɡẅɛɛ yɑ́ɑ zʉꞋ tsɛt nɛɡúꞋ ẅi Sɛ́ ɡʉ ŋ́ɡɛ ŋ́ɡɛ ɛ́ cẅɛt.

Ɛ́bɛlʉʉ 11:35

Ɛ́ kɑ fú pɔ nǔu pɑ́Ꞌ pɛcɔ́ pɑŋɡɛ́ kɑ zɑ́pnɛ tʉ́m yɔ́p nǔu Sɛ́, pʉɔ pɔ́p pi pɔ́p kɑ pfúnɛ, zẅímɛ tɛ pɔ́p pɛpɔ́p pɛn ńnɑ́ŋ. Lɑ́ ɛ́ ɡʉ nǔu pɛcɔ́ pʉɔ, pɛ́ ɡɛ pɔ ŋɡɔ́ku nǔu pɔ́p ɔɔ, pɔ́p pɔɔ ńnɑ́ nɛzɑ́p tʉ́m nǔu Sɛ́ pɔ́, ńjí ŋɡɔ pɛ́ ŋ́ɡɛ ńnɑ́. Ɛ́ kɑ pɔ́ mbɔ̌ pɔ́p, mbii pɔ́ pɑ́Ꞌ pɔ́p ɡʉ ḿpfú, ńjí ŋɡɔ Sɛ́ ɡʉ ŋ́ɡɛ zẅíimɛ wɔ́p,

Pʉɔ-Lɔ́mɑ 8:19

Kʉ̈ɔ́ lɑ́ yi Sɛ́ kɑ niitɛ́nɛ zɛɛ ḿbɔ́ ńzẅíꞋlɛ tɛꞋ nɛjʉ́ɔ ŋkɑ́ yi Sɛ́ ɡʉ ŋ́ɡɛ pɛ́ jʉ́ɔ nɛɡúꞋ pʉɔ-pɛ́.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.