Pʉɔ-Lɔ́mɑ 8:17 - Kɑɑ Fí

¹⁷ Pɑ́Ꞌ pɛkŋɛ pɔ́ɔ-Sɛ́ lɑ́, pɛkŋɛ ɡʉ ńdɑ́Ꞌ ŋ́ɡẅɛɛ yɛkŋɛ yúu nǔu fuꞋ yi Sɛ́ kɑ kɑꞋnɛ mbɔ̌ pʉɔ pɛ́, ńdɔk ŋ́ɡẅɛɛ yɛkŋɛ yúu nǔu yúu-Sɛ́, pɛkŋɛ pɛ Kɛlístɔ lɔk ńtɛmtɛ ŋ́ɡẅɛɛ. Pɑ́Ꞌ pɛkŋɛ sɛ́ ḿbɛ́m nɛjʉ́ɔ ŋɡʉ̈ɔ́Ꞌ pɑ́Ꞌ ɑ kɑ pɛ́mnɛ yɛ́ lɑ́, pɛkŋɛ pɛpɔ́p ɡʉ ŋ́ɡɛ ḿbɛn tɛmtɛ ḿbɔ́ tsɛt nɛɡúꞋ wɛ.

Pʉɔ-Lɔ́mɑ 8:17 Referans Kwoze

Ŋɡɑlɑ̂t 4:7

Pɔ́Ꞌɔ, ɔ pɔɔ pɛ́t ŋkwɑɑ pɔ́. Ɔ tsʉ́Ꞌ ḿbɔ́ pɔ Mɔ́ɔ pí wɛ. Pɑ́Ꞌ ɔ tsʉ́Ꞌ ḿbɔ́ pɔ Mɔ́ɔ nɛ lɑ́, Sɛ́ ɡʉ ŋ́ɡɛ ŋ́ɡɑ́ pú yúu pi ɑ kɑ lẅɛꞋnɛ nɛɡɑ́ mbɔ̌ pɔ́ɔ-pɛ́. Pɔ̂l sɛ́ ḿbɔ́k ŋɡɔ pʉɔ-Ŋɡɑlɑ̂t ɡʉ ḿbɛn ḿbɔ́ pɛkwɑɑ mɛcɔ́ mɛnu.

Ŋɡɑlɑ̂t 3:29

Pɑ́Ꞌ pʉʉ pʉɔ-Kɛlístɔ lɑ́, pʉʉ lɔk ḿbɔ́ njẅɛt-Ábɛlɛhɑ̂m, ḿbɔ́ pɑɡẅɛɛ yʉ́ʉ yúu nǔu yúu mi Sɛ́ kɑ kɑꞋnɛ.

Ɛ́fɛ̂zɛ 3:6

Ntsɛm ɛ̂yɑ́ pʉ́ɔlɑɑ, ɛ́ fú nǔu Ŋkʉʉ Sʉ́Ꞌnɛ, pʉɔ pi pɔ́p kɑ́ pɔ́ pɑyúdɑ pɔ́, ɡẅɛɛ yɔ́p yúu nǔu yúu mi Sɛ́ kɑ kɑꞋnɛ mbɔ̌ pʉɔ pɛ́ pɑyúdɑ. Ḿbɔ́ mɛkɛm tɑ́Ꞌ mbɑp-mbʉʉ, ḿbɛn ŋ́ɡẅɛɛ yɔ́p nu nǔu yúu mi Sɛ́ kɑ fúnɛ nǔu Yɛ́su Kɛlístɔ ŋ́kɑꞋ mbɔ̌ pʉɔmɛsɔŋ.

Mɛnu ɛ́ ńdɑ́Ꞌ ńcẅɛt 21:7

Ẅîwɑ́ ŋu pɔ́ ẅi ɑ mɑꞋnɛ ntsɔ tɛ ńtsɑ nu kɛpɔŋ, ŋ ɡʉ ŋ́ɡɛ ŋ́ɡɑ́ yîyɑ́ fuꞋ mbɔ̌ wɛ́, m bɔ́ Sɛ́ wɛ, ɑ pɔ́ mɔ́ɔ wɑɑ.

1 Pyɛ̂ 4:13

Pʉʉ tsʉ́Ꞌ ńtsɑ́ɑtɛ tsɑ́ɑtɛ́nɛ mbíꞋŋɡɔ pʉʉ sɛ́ ńjʉ́ɔ yʉʉ ŋɡʉ̈ɔ́Ꞌ pɑ́Ꞌ Kɛlístɔ, ɛ́ lɛɛ pɔ́Ꞌɔ, pʉʉ ɡɛ ḿbɔ́ tɛ ńjʉ́ɔ nɛɡúꞋ wɛ ḿbɛn ŋ́ɡẅɛɛ yʉ́ʉ mɑ́mɑ́ tsɑ́ɑtɛ.

1 Pyɛ̂ 1:4

ɛ́ pɔ́ ntʉ̈ɔt wɛkŋɛ ẅí ɛ́ tʉ́nɛ́pú, mbɔ Sɛ́ kɑ lẅɛꞋ mbɔ̌ pɛkŋɛ, yi ɛ́ lɑɑ ḿbɔ́ ɛ́ pɔɔ pʉ́ʉpɛ, ntsɛ́llɛ́ kɛ́ mbɔɔ ɡẅɛɛ, ɛ́ kɛ́ ḿbɔɔ lʉ̈ɔ́,

Tîtɛ 3:7

A kɑ níꞋ pɑ́Ꞌɑ nɛpɔ́ yi pɛkŋɛ ɡʉ ńdɛɛ nǔu pɔŋ tʉ́m yɛ́, ńtsʉ́Ꞌ pʉɔ ndʉ́ŋndʉŋ ŋ́ɡẅɛɛ luk kɛ́mɛ pɑ́Ꞌ pɛkŋɛ nɑŋ ḿbɔ́ ńzẅíꞋlɛ lɑ́.

Ɛ́bɛlʉʉ 6:17

Ɛ́ yúu mi Sɛ́ kɑ ɡɛnɛ. A kɑ cú nu tɛ ŋ́kɑɑ, mbíꞋŋɡɔ ɑ kɑ pɔ́ ńdɔɔ nɛ́ tsuŋ ńnyɛt mbɔ̌ pʉɔ pi ɑ kɑ kɑꞋnɛ yúu mbɔ̌ pɔ́p ŋɡɔ, yúu mi ɑ kɑ zɑ́pnɛ yi ɑ kɛ́ lɑ́Ꞌ ŋ́kúpmɛ pɔ́.

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

Filipɛ 1:29

A kɑ ɡɑ́ fuꞋ yʉ́ʉ, pʉʉ pɔ́ pʉɔ-Kɛlístɔ, lɑ́ ɛ́ kɛ́ mbɔɔ pɔ́ pɔ ndɑꞋ pɔ́Ꞌɔ pɔ́, ɛ́ pɛn ḿbɔ́ mbɑ nɛjʉ́ɔ ŋɡʉ̈ɔ́Ꞌ ntɛ́ Kɛlístɔ.

2 Kɔlɛ̂ŋtɛ 1:7

Ɛ́ ɡʉ ŋkɑ́ yi pɛk sɛ́ ŋ́kwɑŋɛ wʉ́ʉ pɛk tsuŋ ńjí ŋɡɔ ɛ́ lɑɑ ḿbɔ́ pɛk pɔɔ wʉ́ʉ pɔ́k, mbíꞋŋɡɔ pɛk sɛ́ ńjí ŋɡɔ, ndʉ́ŋndʉŋ pɑ́Ꞌ pʉʉ sɛ́ ńjʉ́ɔ yʉ́ʉ ŋɡʉ̈ɔ́Ꞌ lɑ́, Sɛ́ pɛn ḿbɔ́ ńtɔ́ɔtɛ wʉ́ʉ ɡúu pɑ́Ꞌ pɛk.

Pʉɔ-Lɔ́mɑ 5:17

pɑ́Ꞌ tɑ́Ꞌ ŋumɛsɔŋ wɛ́mɔ́Ꞌ kɑ fɑɑnɛ́nɛ nu, nɛvú fú nǔu wɛ́ ŋ́ɡẅɛɛ ŋumɛsɔŋ pɔ kɛ́ vuꞋ wɛcɔ́, lɑ́ wɛcɔ́ ŋu ẅi ɑ Yɛ́su Kɛlístɔ, yɛ́ fɑꞋ pɔ́ ndɛꞋ. Pʉɔ pi Sɛ́ tsɑ́ɑnɛ mɛjʉ́ŋ mɔ́p tɛꞋ ŋ́ɡɑ́ fuꞋ níinɛ yɔ́p, ɑ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́. Pɔ́p ɡʉ ńdɛɛtɛ nǔu Yɛ́su ḿbɔ́ ɡú, ḿbɛn ḿbɔ́ pɑ́Ꞌ pɛfɔɔ lɑ́ mbíꞋ Kɛlístɔ.

Ɛ́bɛlʉʉ 1:14

Nu-pɛcʉ̈ɔ́Ꞌ-Sɛ́ zɛɛ pɑ́Ꞌɑ ḿbɔ́ kʉ̈ɔ́? Pɔ́p pɔ́ pɔ mɛzẅikŋɛ mi ɛ́ fɑꞋnɛ mbɔ̌ Sɛ́, ɑ sɛ́ ńtúu wɔ́p ŋɡɔ pɔ́p ɡʉ ɛ́fɑꞋ fɑꞋ yi ɛ́ ɡʉ cẅɛ́lɛ́ pʉɔ pi jʉ́ Sɛ́ ɡʉ ńtɑ́ɑ ŋ́ɡɛ pɔ́p luk.

Mɛnu ɛ́ ńdɑ́Ꞌ ńcẅɛt 3:21

Ɛ́ ɡʉ ŋ́ɡɛ ŋ́ɡʉ nǔu ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ŋ ɡɛ ɑ nɑ́ŋ nǔu kɔꞋ-nɛfɔɔ nɛjɔ́ŋ yɑ́ɑ, pɑ́Ꞌ mɔ yɑ́ɑ ŋ kɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, Tɑ̌ɑ mɔ ɡɛ n nɑ́ŋ nǔu kɔꞋ-nɛfɔɔ nɛjɔ́ŋ yɛ́ lɑ́.

Lúkɑ́shi 12:32

Pʉɔ pɑ́ɑ, pʉʉ pɔ́ pɔ mbɔ́ntɑ́Ꞌ, lɑ́ kɔɔ pʉʉ pɔ́k! MbíꞋŋɡɔ Tɑ̌ɑ wʉ́ʉ Sɛ́ kɑ jʉ́ɔ ŋɡɔ ɑ ɡɛ ŋ́ɡɑ́ mbɔ́tnɛ-nɛfɔɔ mbɔ̌ pʉʉ.

Mɑtʉ̈ɔ 16:24

Yɛ́su pɛn ńcú mbɔ̌ ɡɑŋku pɛ́ ŋɡɔ: Ŋu lɑɑ ŋ́ɡʉ ḿbɔ́ wɑ́ɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ.

1 Kɔlɛ̂ŋtɛ 2:9

Pɛ́ kɑ zɛɛ ŋ́ŋwɑꞋnɛ tsɛt ŋwɑꞋnɛ-Sɛ́ ŋɡɔ: «Yúu mi ŋumɛsɔŋ kɑ́ pɔ́ ńjʉ́ɔ pɔ́ ŋ́kɛ́ ḿbɔɔ ńzúꞋ pɔ́, mbɔ ɑ kɑ́ pɔ́ ńzɛɛ ŋ́kwɑŋɛ pɔ́, Sɛ́ kɑ niitɛ́nɛ yîyɑ́ yúu ńzɑ́p. Nɛpɔ́ yi pʉɔ pi pɔ́p kɔŋnɛ wɛ́ ɡʉ ŋ́ɡɛ ńjʉ́ pii.»

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

ŊwɑꞋnɛ-Gɑŋntúu Yɛ́su Kɛlístɔ 20:32

Ŋ kɛ́ ḿbɔ́ ŋkɔ̂ɔnɛ pɑꞋɑ ḿbɔ́ fɛ́ɛ wʉ́ʉ mbɔ̌ Sɛ́ ḿbɛn ḿbɔ́ ńcú mbɔ̌ pʉʉ ŋɡɔ pʉʉ zẅíꞋlɛ sẅiŋɛ yɛ́ yi ɛ́ nyɛtnɛ pɑ́Ꞌ ɑ ɡɑ́nɛ fuꞋ níinɛ yɛkŋɛ pɔ́Ꞌɔ. Yîyɑ́ sẅiŋɛ kuꞋ nɛɡɛ pʉʉ kẅiꞋ ńzɑ́p tʉ́m nǔu Sɛ́. A lɛɛ nǔu ŋ́ɡɑ́ yúu sʉ́Ꞌnɛ yi ɑ kɑ niitɛ́nɛ ńzɑ́p ntɛ́ pʉɔ pinɛ pɔ́p pɛ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»

Mɑtʉ̈ɔ 25:21

Tɑ́t wɛ cú mbɔ̌ wɛ́ ŋɡɔ: «Ɛ́ pɔŋ, ɔ ŋɡɑŋfɑꞋ sʉ́Ꞌnɛ, ɔ kɑ ɡɛ yúu mi ŋ kɑ pɔ́ ńzẅíꞋlɛ mbɔ̌ ɡu, pɑ́Ꞌ ɔ kɑ pɑ́ɑnɛ mɔ́ɔ mɔ́yúu sʉ́Ꞌnɛ lɑ́, ŋ ɡʉ ńníꞋ yúu mbɔ̌ ɡu tɛꞋ. Tɔ́ pûu tsɑ́ɑtɛ.»

Lúkɑ́shi 24:26

Pʉʉ kɑ́ jí ŋɡɔ, ɛ́ kɑ pɔ́ ḿbíkŋɛ ŋɡɔ Nzɑ́Ꞌŋkʉ piitɛ ńjʉ́ɔ ŋɡʉ̈ɔ́Ꞌ lɑ́ ŋ́kúu tsɛt nɛɡúꞋ wɛ pɔ́ kɛ?

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

2 Kɔlɛ̂ŋtɛ 1:5

Ndʉ́ŋndʉŋ pɑ́Ꞌ pɛkŋɛ sɛ́ ńjʉ́ɔ ŋɡʉ̈ɔ́Ꞌ tɛꞋ, pɑ́Ꞌ Kɛlístɔ kɑ jʉ́ɔnɛ yɛ́ ŋɡʉ̈ɔ́Ꞌ tɛꞋ lɑ́, Sɛ́ pɛn ḿbɔ́ ńtɔ́ɔtɛ wɛkŋɛ tɛꞋ ńdɛɛ nǔu Kɛlístɔ.

Filipɛ 3:10

Mɔ sɛ́ ńtsɑ́ɑ pɔ tɑ́Ꞌ nu wɛ́mɔ́Ꞌ. Ɛ́ pɔ́ ŋɡɔ n jí Kɛlístɔ, ńjí mɛtʉʉ mi ɛ́ kɑ ɡɛnɛ ɑ zẅíimɛ nǔu nɛvú, ńjʉ́ɔ ŋɡʉ̈ɔ́Ꞌ pɑ́Ꞌ ɑ kɑ jʉ́ɔnɛ yɛ́, ḿbɛ́m nɛɡɑ́ tú yɑ́ɑ ḿpfú pɑ́Ꞌ ɑ kɑ ɡɑ́nɛ yɛ́,

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

Ɛ́bɛlʉʉ 1:2

Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.