14 MbíꞋŋɡɔ pʉɔ pi Zẅikŋɛ-Sɛ́ tsiinɛ́nɛ wɔ́p pɔ́ɔ-Sɛ́.
Lɑ́ pʉʉ lɑɑ ḿbɛ́m Zẅikŋɛ Lɛ́ɛnɛ́nɛ pɔ́ ńtsiinɛ wʉ́ʉ, mbɔ nɛpʉ́ʉ kɛ́ pɛn ŋ́ɡẅɛɛ nɛsɑ́Ꞌ wʉ́ʉ pɔ́.
Lɑ́, pʉɔ tsʉʉ pí pɔ́p ńzɑ́pnɛ tʉ́m nǔu wɛ́, ɑ lɔk wɔ́p ŋ́ɡɛ pʉɔ-Sɛ́.
Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.
Ŋ ɡʉ ńcú mbɔ̌ pʉʉ ŋɡɔ: Pʉʉ pɛ́m Zẅikŋɛ-Sɛ́ tsiinɛ wʉ́ʉ nǔu wʉ́ʉ nɛpɔ́, pɔ́Ꞌɔ pʉʉ pɔɔ ɡɛ mɛnu kɛpɔŋ mi mbʉʉ yʉ́ʉ tsʉ́ʉnɛ́nɛ wʉ́ʉ ŋɡɔ pʉʉ ɡɛ pɔ́.
Ẅîwɑ́ ŋu pɔ́ ẅi ɑ mɑꞋnɛ ntsɔ tɛ ńtsɑ nu kɛpɔŋ, ŋ ɡʉ ŋ́ɡɛ ŋ́ɡɑ́ yîyɑ́ fuꞋ mbɔ̌ wɛ́, m bɔ́ Sɛ́ wɛ, ɑ pɔ́ mɔ́ɔ wɑɑ.
Pʉʉ jʉ́ɔ pɑ́Ꞌ Tɑ́t wɛkŋɛ kɔŋnɛ wɛkŋɛ kɔŋnɛ tɛ ɛ́fúŋ wɛkŋɛ ŋɡɔ pɔ́ɔ pɛ́, ɛ́ sẅíi nu pɛkŋɛ pɛ́tɛ́. Lɑ́ pʉɔ-ndǔmbí pɔɔ wɛkŋɛ jí, mbíꞋŋɡɔ pɔ́p ŋ́kɑɑ kɛ́ ńjí ŋu ẅi Sɛ́ jʉ́ pɔ́.
Mɔ, ŋ ɡʉ ŋ́ɡɛ ḿbɔ́ mbɔ̌ pʉʉ ḿbɔ́ tɑ́t wʉʉ, Pʉʉ pɔ́ mbɔ̌ mɔ, ḿbɔ́ pɔ́ɔ pɑ́ɑ pɛ́ mbɛ́ɛnɛ mbɑ pɛ́ pɑŋɡɛ́, Tsɑpʉɔ, ŋɡɑŋmɛtʉʉ tsʉʉ cúnɛ.
Ɛ́ nɛ́nẅín pʉʉ tsuŋ ḿbɔ́ kwɑꞋ pɔ́ɔ-Sɛ́. Lii pɑ́Ꞌ Sɛ́ kɑ níꞋnɛ Zẅikŋɛ-Mɔ́ɔ nɛ tsɛt mɛtʉ́m mɛkŋɛ, Zẅikŋɛ yi ɛ́ ɡɛnɛ pɛkŋɛ fúŋ Sɛ́ ŋɡɔ Ábɑ. Ńdɔk ńcú ŋɡɔ Tɑ̌ɑ.
Pʉɔ pi pɔ́p zɛɛ ńnɑ́ŋ pɔ nǔu ntɛ́ yi mbʉʉ yɔp sɛ́ ɛ́sẅíi wɔ́p, ńtík tʉ́m yɔ́p pɔ nǔu yúu mi mbʉʉ yɔp sɛ́ ŋ́kɔŋ, lɑ́ pʉɔ pi pɔ́p nɑ́ŋnɛ nǔu ntɛ́ yi Zẅikŋɛ Lɛ́ɛnɛ́nɛ sɛ́ ɛ́sẅíi wɔ́p, tík tʉ́m yɔ́p pɔ nǔu yúu mi Zẅikŋɛ Lɛ́ɛnɛ́nɛ sɛ́ ŋ́kɔŋ.
Lɑ́ ɛ́ kɛ́ ŋ́ɡʉ nǔu pʉʉ, mbɔ pʉʉ kɛ́ ńnɑ́ŋ nǔu ntɛ́ yi mbʉʉ yʉʉ sẅíinɛ wʉ́ʉ pɔ́, pʉʉ nɑ́ŋ pɔ nǔu ntɛ́ yi Zẅikŋɛ-Sɛ́ sɛ́ ɛ́sẅíi wʉ́ʉ, ŋkɔ̂ɔnɛ yi Zẅikŋɛ-Sɛ́ nǔu pʉʉ. Zẅikŋɛ-Kɛlístɔ lɑɑ mbɔɔ nǔu ŋu pɔ́, mbɔ ŋɡɑŋ kɑ́ pɔ́ ŋu-Kɛlístɔ pɔ́.
N cú pɔ́Ꞌɔ, mbíꞋŋɡɔ, pii nɛpɔ́ zʉꞋ fúknɛ ɛ́ nɛɡɛ mɛnu sʉ́Ꞌnɛ, ŋ́ɡɛ mɛnu mi ɛ́ mbi Sɛ́ ḿbɔ́ ndʉ́ŋndʉŋ, ńnɑ́ŋ tsɛt nu nɛ́nẅín.
Kʉ̈ɔ́ lɑ́ yi Sɛ́ kɑ niitɛ́nɛ zɛɛ ḿbɔ́ ńzẅíꞋlɛ tɛꞋ nɛjʉ́ɔ ŋkɑ́ yi Sɛ́ ɡʉ ŋ́ɡɛ pɛ́ jʉ́ɔ nɛɡúꞋ pʉɔ-pɛ́.
Yɔ nu lɔk ńcú ŋɡɔ: Pɔ́ɔ pi ŋu mbɛ́ɛnɛ pɔ́p mɑŋɡɛ́ kɔŋ kɔŋnɛ ḿbí, kɑ́ pɔ́ pɔ́ɔ-Sɛ́ pɔ́. Pʉɔ pi pɛ́ kɑ pínɛ wɔ́p nǔu pɑ́Ꞌ Sɛ́ kɑ kɑꞋnɛ lɔknɛ ḿbɔ́ pɔ́ɔ-Sɛ́.
ńzɑ́p tɛ ntí sɑk tɛꞋ ŋɡɔ ɑ ɡʉ ńdɛɛ nǔu Yɛ́su Kɛlístɔ ŋ́ɡɛ pɛkŋɛ tsʉ́Ꞌ pɔ́ɔ pɛ́. Ɛ́ pɔ́ pɔ wɛ nɛkɔŋtɛ, ḿbɔŋ wɛ́ tɛꞋ.
Ɛ́ pɔ́ pɔ́Ꞌɔ, zʉꞋ yi pɔ́p kɑ tʉ́ʉnɛ zúꞋu pɛ́ cú mbɔ̌ pɔ́p ŋɡɔ pɔ́p kɑ́ pɔ́ pʉɔ pɑ́ɑ pɔ́, pɔ́p ŋ́ɡɛ ńtʉ́ʉ zúꞋu, pɛ́ cú mbɔ̌ pɔ́p ŋɡɔ: Pʉʉ pɔ́ɔ-Sɛ́ ẅi ɑ ntʉʉ.
Pɛpɔ́ttú pʉɔ pinɛ pɔ́p ɡɛnɛ ŋɡɔ mbɔ́tnɛ pɔ́ ɡú, mbíꞋŋɡɔ pɛ́ ɡʉ ńdɑ́Ꞌ ɛ́fúŋ wɔ́p ŋɡɔ pɔ́-Sɛ́.
A kɑ tɔ́ pɔ́Ꞌɔ, nɛcú pʉɔ pi nɛpʉ́ʉ Mɔ̌sɛ̂ɛ kɑ pɔ́ ńdɔk wɔ́p ŋ́ɡɛ pɛkwɑɑ, mbɑ pɑ́Ꞌ ɑ ɡʉ ŋ́ɡɛ pɛkŋɛ pɛtsʉʉ tsʉ́Ꞌ pɔ́ɔ-Sɛ́.
Ŋu ẅí ɑ kúꞋlɛ́nɛ mbʉ́ʉ-Sɛ́, ɑ kɛ́ ńdɑt mbʉʉ yɛ nǔu Sɛ́ lɑtnɛ, Sɛ́ lɑt mbʉʉ yɛ nǔu wɛ́. Pɛkŋɛ fú nǔu Zẅikŋɛ Lɛ́ɛnɛ́nɛ yi Sɛ́ ɡɑ́nɛ mbɔ̌ pɛkŋɛ, ńjí ŋɡɔ Sɛ́ lɑt mbʉʉ yɛ nǔu pɛkŋɛ.