Pʉɔ-Lɔ́mɑ 4:15 - Kɑɑ Fí

¹⁵ Nɛpʉ́ʉ zɛɛ ŋ́ɡɛ lɔ́ŋ-Sɛ́ zɑ́ŋ zɑ́ŋnɛ mbíꞋŋɡɔ pʉɔ kɑ́ pɔ́ ŋ́kúꞋlɛ pɔ́. Ɛ́ kɑ pɔ́ pɛ́Ꞌnɛ nɛpʉ́ʉ pɔɔ ɡú pɔ́, mbɔ pʉɔ kɑ́ fɑɑnɛ nɛpʉ́ʉ pɑ́Ꞌnɛ pɔ́.

Pʉɔ-Lɔ́mɑ 4:15 Referans Kwoze

Pʉɔ-Lɔ́mɑ 5:13

Sɛ́ kɑ zɛɛ ŋ́ɡɔ́ ŋ́ɡɑ́ nɛpʉ́ʉ mbɔ̌ Mɔ̌sɛ̂ɛ, mbɔ nu kɛpɔŋ kɑ lɑ́Ꞌmɔ́ ŋ́kúu ndǔmbí. Ɛ́ kɑ pɔ́ ŋkɑ́ yi nɛpʉ́ʉ kɑ pɛ́t kɛ́ pɔ́ ɡú, Sɛ́ pɔɔ sɑ́ŋ nu kɛpɔŋ-pʉɔmɛsɔŋ pɔ́.

Ŋɡɑlɑ̂t 3:10

Sɛ́ zɛɛ ńníꞋ pɔ ndɔɔ tú-pʉɔ pi pɔ́p lɔknɛ nɛcú ŋɡɔ pɔ́p ɡẅɛɛnɛ nɛpʉ́ʉ ńdɔk ŋ́ɡɛ yɔ́p mbɑ kʉ̈ɔ́lɑ́, mbíꞋŋɡɔ ŋwɑꞋnɛ-Sɛ́ cú ŋɡɔ: Ŋu lɑɑ mbɔɔ kúꞋlɛ nɛpʉ́ʉ pɔ tsʉʉ pɔ́, ḿbɔ́ ŋɡɔŋ ŋkɑ́ tsʉʉ ḿbɔɔ ŋ́ɡɛ pɔ yúu mi ɛ́ tsɛt ŋwɑꞋnɛ-nɛpʉ́ʉ pɔ́, mbɔ ŋɡɑŋ tíi ndɔɔ.

1 Kɔlɛ̂ŋtɛ 15:56

Sʉʉ ẅi nɛvú lɔknɛ ńtsúk ŋu ɛ́ mɛnu kɛpɔŋ, mɛtʉʉ-mɛnu kɛpɔŋ fú nǔu nɛpʉ́ʉ-Sɛ́ ni ɛ́ nyɛtnɛ ŋɡɔ ŋu vu ntsɑŋ.

Ŋɡɑlɑ̂t 3:19

Mbɔ ŋu zúꞋ ḿbíkŋɛ ŋɡɔ tɛ Sɛ́ kɑ pɔ́ pɑ́Ꞌɑ ḿbɛn ńzɑ́p nɛpʉ́ʉ mbíꞋ pɔ kʉ̈ɔ́? A kɑ pɔ́ ńzɑ́p pɔ nɛlɔk ŋ́ɡɛ ŋu ɛ́fɑɑnɛ nu ńjí ŋɡɔ ɑ fɑɑnɛ. Nɛpʉ́ʉ kɑ fɑꞋ yɛ́ fɑꞋ tɛ ńdɑ́Ꞌ ŋ́kúu ŋkɑ́ yi ŋu-Ábɛlɛhɑ̂m ẅí Sɛ́ kɑ kɑꞋnɛ yúu ŋɡɔ ɛ́ yɛ́ ŋɡɑŋ kɑ lɑ́Ꞌnɛ ńtɔ́. Ɛ́ ɡʉ nǔu mîmɑ́ mbʉ́ʉ, mbɔ Sɛ́ kɑ túu pɛcʉ̈ɔ́Ꞌ pɛ́, pɔ́p ɡɑ́ mbɔ̌ nɛnkɛ́m.

Jɑ̂ŋ 3:36

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.

1 Jɑ̂ŋ 3:4

Ŋu lɑɑ ńnɑ́ŋ ŋ́ɡɛ nu kɛpɔŋ, mbɔ ŋɡɑŋ lʉꞋ nɛnɛn nǔu nɛpʉ́ʉ-Sɛ́, mbíꞋŋɡɔ nɛɡɛ nu kɛpɔŋ ɛ́ nɛlʉꞋ nɛnɛn nǔu nɛpʉ́ʉ-Sɛ́.

Ɛ́fɛ̂zɛ 5:6

Kɔɔ ŋu lɔk pǔu sẅiŋɛ ɛ́fú wʉ́ʉ. Mɛnu mi pɛ́ tʉ́ʉnɛ lɑɑ zɛɛ ŋ́ɡɛ, Sɛ́ zɑ́ŋ pɔ́ lɔ́ŋ mbíꞋ pʉɔ pi pɔ́p kɑ́ pɔ́ ŋ́ɡɛ yúu mi ɑ sɛ́ ŋ́kɔŋ pɔ́.

Jɑ̂ŋ 15:22

«Mɔ ḿbɔ́ pɛ́Ꞌnɛ, mbɔɔ tɔ́, m bɔ́ pɛ́Ꞌnɛ pɛk pɛ́ pɔ́p pɔɔ sẅiŋɛ, mbɔ yɛcɔ́ mɛnu kɛpɔŋ kɑ́ pɔ́ nǔu pɔ́p pɔ́. Lɑ́ ɛ́ kɛ́ ḿbɔ́ ŋkɔ̂ɔnɛ pɑ́Ꞌnɛ yɛcɔ́ nu mbɔ pɔ́p cú ńdɔk ńcẅɛ́ɛ tú yɔ́p ntɛ́ mɛnu kɛpɔŋ mɔ́p kɑ́ pɔ́ ɡú pɔ́.»

Kɔlɔsíyɛ̂ŋ 3:6

Mɔnɛ mɛnu mi ɛ́ ɡɛnɛ Sɛ́ zɑ́ŋ lɔ́ŋ nǔu pʉɔ pi pɔ́p kɑ́ pɔ́ ńzúꞋ ntsu wɛ́ pɔ́,

Pʉɔ-Lɔ́mɑ 1:17

Ɛ́ zɛɛ ŋ́ɡɔ ḿbɔ́, Ŋkʉʉ Sʉ́Ꞌnɛ pɔ́ ŋ́ɡɛ pɛ́ jí pɑ́Ꞌ ɛ́ lɛɛnɛ pɔ́Ꞌɔ, lɑ Sɛ́ lɔk pʉɔmɛsɔŋ ɛ́fúŋ pʉɔ pi pɔ́p ndʉ́ŋndʉŋ mbi yɛ́. Ɛ́ lɛɛ pɔ ndɑꞋ nǔu pɑ́Ꞌ pɔ́p zɑ́pnɛ tʉ́m nǔu wɛ́. Wɛcɔ́ ndúŋ ndɛꞋ kɑ pɔ́ ɡú pɔ́. Ɛ́ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Ŋu ẅí ɑ mbi Sɛ́ ḿbɔ́ ndʉ́ŋndʉŋ mbíꞋŋɡɔ ɑ zɑ́p tʉ́m nǔu wɛ́ ɡʉ ndɑ́Ꞌ ḿbɔ́ ɡú.»

Mɛnu ɛ́ ńdɑ́Ꞌ ńcẅɛt 19:15

Yɛcɔ́ níi-ntsɔ pɔ́ ɛ́fú ntsu-ŋu ɛ̂wɑ́ ẅi ɑ nɑ́ŋnɛ ndǔ fúfú lʉ́ɔ lɑ́ ńcẅɛt. Ɛ́shẅítnɛ shẅítnɛnɛ, ḿbɔ́ yi ɑ ɡʉ ńdɔk ŋ́kʉ́ɔꞋ pʉɔ pinɛ pɔ́p tsɛt mɛŋɡɔŋ mɛŋɡɔŋ. A pɔ́ ŋu ẅí ɑ ɡʉ ńdɔk ntẅí-tʉ́n ɛ́sɑ́Ꞌ pʉɔmɛsɔŋ, ḿbɔ́ ŋu ẅí ɑ ɡʉ ńcúꞋ mɛntɑ́ɑ mi pɛ́ lɔknɛ ńniitɛ mɛluꞋ tsɛt ɡʉ́ɔ-mɛluꞋ mi ɛ́ lɛꞋlɛ́nɛ ŋɡɔ Sɛ́ ŋɡɑŋmɛtʉʉ tsʉʉ sɛ́ ńzɑ́ŋ lɔ́ŋ tɛꞋ.